بس كتجربة جديدة .. إكتشفت شوية أمور كانت بعيدة عني طول الوقت .. وقفشت كده شوية عيوب طلعوا عندي للأسف .. الموقف كان صعب .. في فكرة إن الشخص المفضل يشوف العيوب الشخصية دي .. في واحد كان الموت أهون له من إنه يتشاف بصورة غير اللي بيأملها عن نفسه وكده
يعني كفضفضة كده في أوقات زي دي ... يمكن بدأت أفهم صعوبة التجارب اللي من النوع ده .. بالأخص إن مع مرور الوقت والزمن ممكن بتكون فيه تغيرات حسب الظروف المحيطة بالإنسان وبداخله كمان .. تملي بقول إن الإنسان لازم يتعود على العيش بمفرده ويواجه المشاكل لوحده .. وإن الفضفضة ضعف
بس علشان بؤمن إن الكتابة وسيلة لسرعة التعافي .. أحيانًا فيه تجارب في الحياة بتكشف عند الإنسان مواطن ضعف كارثية . ممكن تبقى سبب في تغيرات مهولة . وفكرة إن الخوف الحقيقي بيكمن في توقع حدوث المخاوف قبل حدوثها طلعت غلط .. حدوث المخاوف بتبقى أفظع من التفكير فيها حتى لأنها بتتحول لواقع
بتحضرني حكمة قالها رجل قوي .. قال فيما معناه .. (لما تحس إنك زعلان ومتضايق .. إجتهد أكتر ، إجتهد على قدر زعلك) بس فيه أوقات إن الطاقة النفسية بتبقى مطفية ، شعور صعب لما شخص واحد يبقى هو ملهم لطاقات .. ونتيجة أمر ما يحصل ، الطاقات دي بتنطفي بل وبتتحول لخمول عكسي
والله أنا إحترت . هل الواحد كده بيبعد عن ضغوط . ولادي معارك لازم الواحد يخوضها والإبتعاد عنها هروب مشين .من الصواب أصلاً حد يفضفض بالكلام ده؟ ولا ده عادي ولاإيه بالضبط؟ .هو المختصر المفيد يعني . أنا في وسط تجربة . كنت عارف إنها للأسف نتيجة عوامل كتير مش هتكتمل .بس كان نفسي تكتمل
اللي أنا بقيت شايل همه الصراحة أكتر .بقيت شبه متأكد إني بمثل جانب سلبي حاليًا للشخص المفضل عندي . وهو ملوش ذنب في كل اللي أنا فيه. فطالما مكنش مقدر لي مشاعره ، فعلى الأقل عايز أحافظ على صداقته . بس درجة الإهتمام اللي كنت مكرسها له لو قلت .هيفتكر إني كنت بتجمل للفوز بقلبه وإهتمامه
جاري تحميل الاقتراحات...