زرت أكثر من ١٢٠ دولة حول العالم
من بينها كما يسميها البعض أخطر دول العالم أو الدول الغير الآمنة
مثل أفغانستان 🇦🇫 العراق🇮🇶 كوريا الشمالية 🇰🇵 دول أفريقيا مثل الصومال🇸🇴 جنوب السودان 🇸🇸
والله لم أحس بعدم الأمان فيهم إطلاقا
واليوم أتعرض للسرقة لأول مرة و أين؟
في برشلونة 🇪🇸👎🏽

للعلم : أنا جدا حريص أثناء السفر و عارف خبايا السرقات و غيره وماخذ احتياطاتي دائما
احذروا من الشوارع المشهورة في أوروبا عموما و خاصة أي شخص يعرض عليك خدماته مثل كرت مطعم أو عنده بضاعة معينة أو حتى سلام !!
امش عنه ولاترد عليه

🔴كيف سرقني المحتال ؟
المكان : Gothic square قريب من الرامبلا
لصق فيني وسألني من وين؟ أنا : الكويت
لاحظت معاه كرت مطعم
حسيت في ان لانه شفته يهلل ويرحب ( الكويت الكويييت ) و اختفى بلمح البصر

بسرعة استوعبت ان في شي غلط حطيت ايدي بمخباتي ( جيبي )ولا البوك ( المحفظة )اختفت
على طول ركض عليه و صدته و شفته يدور داخل البوك كاش ماحصل وعلى طول سحبته وسحبت البوك معاه وتأسفلي ولأن أهلي معاي فمالي خلق أتهاوش معاه زيادة و تأكدت كل بطايقي موجودة ومشيت عنه
والحمدلله على كل حال