رتبها

تدري ان لي 6 شهور بس بتويتر ؟
ووصلت لـ اكثر من 10 الاف متابع 🥳
#ثريد كل التفاصيل
والاشياء اللي سويتها
سببت ازعاج لكن بطريقة حلوة 🦦

شاكر لك اهتمامك في قراءة الثريد
اذا اول مرة تشوف حسابي انا نايف 🛼
مصمم واساعدك في كتابة المحتوى الابداعي
ومهتم بـ تطوير الذات وخلق عادات إيجابية
naif.link

naif.link

بشرح لك في هذا الثريد كل شيء
الخلطة او الوصفة اللي تسميها
بكل صراحة وان شاء الله
اني مانسيت شيء 🚗

اهم نقطة ليه " نايف ثلاث مرات " ؟
واكثر سؤال يجيني 🦦
1- متعدد المهارات 🤹🏽
مصمم وكاتب محتوى واشياء رهيبة ثانية
2- اسم يلفت النظر وينشب بالمخ 👁
3- شيء خارج عن المألوف 🏂

كل الثريدات اللي كتبتها قبل
كانت مواضيع جديدة او شبهه نادره !
يعني مواضيع تهم الناس
لكن محد تكلم او غرد عنها 🧠

خذ لك مثلًا ثريد البوم الليلي 🦉
ماحصلت ولامحتوى عربي
تكلم عنه نهائيًا ..
نبشت وبحثت لين حصلت
معلومات وكتبتها ونسقتها بطريقتي 🦦

ثريد #تقويم_التسويق_2022 🌟
سويت المحتوى اللي ناسب
نهاية السنة وكان محتوى
يهم كل كاتب ومسوق
ومصمم وكل الناس يهمهم 😉

لو تنزل الى اخر تغريدة كتبت 👇🏼
" اصنع محتواك على اليوم اللي يناسبه "

ثريد " نفسيتي تعبانة "
كانت ايامها اذكر برد قوي ❄️
بكل مناطق المملكة
وشفت كل التايم لاين
يشتكون من قل الانتاجية 🙎🏽‍♂️ !

ثريد " من اكل حظي ؟ "
كان تحدي بين نفسي 🦦
اني اربط بين موضوع الحظ
وبناء العادات الجديدة ..

زبدة الكلام اللي فوق
اركب الموجة 🏂
شف وش العالم متعطشة
تقراه وابن محتواك عليه ..

ابن جدلان الله يرحمه قال :
يا ابن ادم لعن الله كل مختال فخور
من تواضع تحت ربه يعليه درجه

ماكنت اتعامل مع الناس اللي هنا
بعدد المتابعيين او الشهادات
ماكنت ابحث عن بناء علاقات
كنت ابحث عن بناء صداقات 🧤

ماكنت انظر بنظرة هذا عنده متابعين
لازم ارد عليه بسرعه وهذا محد يعرفه
ماراح ارد عليه ..
ماعاملت الناس باارقامهم
عاملتهم كـ بني ادمين عاديين 👥

اذا جاء احد استفسر او سالني
رديت عليه بالقدر اللي اعرفه
مابخلت على احد معلومه ..
ولاكنت ابحث من وراها شي
دعوه في ظهر الغيب
كانت راس مالي 🧡

لان اذا جاك احد بالخاص
اعرف انه تقفلت بوجه 🚪
كل البيبان ماله الا الله ثم انت

وأفضل الناس مابين الورى رجل
تقضي على يده للناس حاجات
لا تمنعن يد المعروف عن أحد
مادمت مقتدرا فالسعد تارات
الامام الشافعي

لاتخلق عدوات 🙎🏽‍♂️
هذي موب نصيحة في تويتر بس
هذي نصيحة لحياتك كلها ..

تدري اني كنت راسم خطة للحساب
وحاط عقب 8 شهور زين توصل 500 متابع
كنت خافض سقف التوقعات

كنت اخطط للوقت المناسب للنشر ⏲
جربت انشر طول اليوم
اول ماحصلت اكثر وقت
فيه تفاعل وحماس اشتغلت عليه

كنت اذا اعجبني شي بزيادة
" ثريد - رد - بايو - هيدر "
ادخل على صاحبه بالخاص
وامدحه وابين له قد ايش رهيب 🥳

كنت استخدم ولازلت استخدم
الايموجيات بكثرة 🙄 ..
وانسق وارتب الاسطر 📐

نشرت ملفيين رقميين مجانًا
تحصلونها هنا 👇🏼
naifcubed.tabasher.io

naifcubed.tabasher.io

أعد نشر محتواك
سو لمحتواك اعادة تدوير
كنت ضد هالشيء انا
لكن جربته وكثييير بعد ☺️
ترى هالثريد قديم مرة
بس اعدت نشره من جديد
عشان اثبت لك كلامي 🥴🧡

ختامًا ..
موب شرط تتقيد بكلامي اللي فوق
ممكن عندك طريقة افضل من هذي
اذا اعجبك المحتوى لاتنسى الايك والريتويت
هالشيء اكبر حافز لي عشان استمر 🦦 ..

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد