لو بيت أهلك بيت أصول هيربيك على الصح والغلط و العيب والقيم والمبادىء والاخلاق . هتخرج منه شخص
بريء و أبيض و لطيف و بتعامل الناس كلها بحسن نية و طيبه زايده ، بس لما تخرج للعالم هتتصدم ، مش هتلاقي حد زيك ، هتمشى عِدل هيتعوجو عليك ، هتتعامل بطيبة هيستهبلوك ، هتعمل خير هيتردلك شر !👇🏻

وبعد شوية صدمات محترمة هتكتشف انك لازم تتغير وتنشف وتواجه الحياه بردود افعال مناسبه ... هتبدأ تسأل نفسك هم أهلى كانوا المفروض يربونى عالمثاليه و الحياه الوردية ؟! ولا يعرفونى حقيقة العالم عشان متصدمش لما اخرجله !!.
حتى فالتعبير عن المشاعر لو اتعاملت فيها بعفوية وتلقائية هتروح👇🏻

فداهية و هتلاقي دايماً الحوارات و التُقل و الإيحاء بإننا مش فاضيين طول الوقت هم اللى بيكسبو
سُئل رسول اللَّه .. يا رسول الله ، أنهلك و فينا الصالحون ؟
قال : نعم ، إذا كثر الخبث !
ساعات بسأل نفسي هم الأجيال الجديده المفروض تتربى ازاي ... ؟؟ نحكيلهم قصص الخير اللي بينتصر ع الشر👇🏻

،، و يطلعوا يلاقو العكس ..!! نقولهم ان الناس الطيبة هم اللى دايما بتحصلهم حاجات كويسه و حياتهم بتكون حلوة ،، و يطلعو يلاقو ان الناس الطيبه ملهمش مكان وسط المنافقين و الخبثاء و المطبلاتيه و دايما حقهم متاكل ومبيحصلهمش اي حاجه كويسه ! .. نحكيلهم قصص الصدق و الاخلاص و الوفاء و 👇🏻

الامانه و يطلعو يدوروا عليهم ميلاقوهاش ! هل هيستوعبو كم التناقضات اللى هنقولهالهم ؟ كميه الشر والغِل و النداله اللى هيشوفوها ؟ اللي لازم هيقابلوه ويضطرو يتعاملو معاه !
فـَ يارب أعنا على الصمود فى زمن الأقنعة .. الصمود مهما كلفنا الامر "