محمد الجهني
محمد الجهني

@M_Aljahani

20 تغريدة 657 قراءة Jul 05, 2022
حبيت اشرح لكم تجربتي في هذا الثريد عن إجراءات #كأس_العالم قبل ذهابك الى #قطر وما يجب عليك فعله وطريقة اختيار السكن وطريقة اصدار بطاقة (هيّا) وماهي وسائل المواصلات وبعض الاشياء المهمه جداً اللي لازم تعرفها قبل ما تروح 🇶🇦⚽️🏆 بسم الله نبدأ. #السعودية #كأس_العالم_2022 #قطر2022
بعد اختيارك من قبل الفيفا ⚽️ وحصولك على التذكرة 😍 يتطلب عليك ان تفعل شيئين مهمين ليُسمح لك الدخول الى دولة قطر🇶🇦. ١- التقديم على بطاقة (هيّا) ٢- واختيار السكن 🏠. راح اوضح في التغريدات الجاية كيف تقدم على بطاقة (هيّا) و اختيار السكن وبعض الروابط المهمة واشياء اخرى.
هذا الفديو السريع يشرح لك كيف تقدم على بطاقة (هيّا) وهي مهمة جداً وبدونها لا تستطيع ان تعمل أي شي ١-فيزتك لدخول قطر ٢-لابد من وجودها لتسمح لك لدخول الملاعب + التذكرة الخاصة بك ٣- ايظاً تسمح لك باستخدام المواصلات العامة المترو 🚝 والباصات 🚎 مجاناً. الربط hayya.qatar2022.qa
بعد استلام الطلب راح يوصل لك ايميلين 📩📩 …. الاول يبين انه تم استلام الطلب و جاري العمل على بطاقة هيا. وبعدها بيجيك ايميل ثاني يقولك ان الطلب معلق الى ان تحجز السكن.. لا تستعجل خلك معاي 😎 (مهم جداً تشيك على الجنك ميل junk mail)
الخطوة اللي بعدها (السكن) طبعاً هذا هو الشغل الشاغل لأغلب الناس😂 لانه متعب شوي ومرهق. لكن باذن الله بشرح بشكل سريع كيف تختار ما يناسبك في هذا الفديو. شوف الفديو هذا بعدها ادخل على هذا الرابط واختار مكان اقامتك. qatar2022.qa
بعد اختيارك للسكن ودفع القيمة وتسجيل من معك في السكن برقم (جوازاتهم). النظام راح يتعرف عليك (برقم الجواز) ويتاكد انك قمت بحجز السكن والدفع وسوف يتم الموافقه على بطاقة (هيا) بعد كم يوم من دفع القيمة وراح يجيك ايميل انه تم الموافقة على (هيا) 😍🤝👏🏼
الآن تستطيع ان تحمل برنامج (هيّا) من ابل ستور وهذا هو الرابط. دخل نفس معلوماتك اللي استخدمتها في تسجيلك في هيا وراح تحصل بطاقة هيا مع الباركود الخاص بك وصورتك الجميلة😀 مع الباركود. البرنامج جميل جداً انصحك ان تستكشفه. بتحصل معلومات قيمة جداً جداً. apps.apple.com
رحلتي راح تكون ٦ ايام في قطر. الاربع الايام الاولى اخترت شقق مفروشة واخر يومين قررت اسوي تغير ومغامرة واسكن في (منطقة المشجعين) واتوقع انها بتكون تجربة جميلة 😍وتقابل اشخاص من جنسيات مختلفة 🇸🇦🇪🇸🇸🇪🇱🇷🇩🇪🇬🇭🇯🇲👍🏼وهذي بعض الصور لمنطقة سكن المشجعين ومتحمس لها 🔥(شكلي بجيب عزبة الطبخ 🏃🏾)
المواصلات. هذا الرابط راح تحصل معلومات قيمة جداً عن المواصلات العامة وكيفية التنقل qatar2022.qa
الملاعب. هناك ٨ ملاعب سوف تقام فيها المباريات. حط في بالك انه في كأس العالم راح تشوف عاااااالم وتزاحم. فرتب امورك بدري واطلع قبل المباراه ب ٣ الى ٤ ساعات. وهذا رابط كامل عن الملاعب والمعلومات المهمه وكيفية التنقل فيها qatar2022.qa
وهذي الاربع الملاعب الاخرى qatar2022.qa
الملاعب اللي راح يلعب فيها منتخبنا😍
هي: ١- استاد لوسيل بين (السعودية🇸🇦-الارجنتين🇦🇷) وايضاً سوف تقام فيه (السعودية🇸🇦 - المكسيك🇲🇽) ٢- استاد المدينة التعليمية (السعودية🇸🇦 - بولندا🇵🇱) مهم جداً ان تقوم بالبحث عن الملاعب وماهي اقرب المواصلات لك للتنقل من مكان سكنك
مهرجان فيفا للمشجعين. منطقة راح يكون فيها فعاليات واشياء جميلة واتوقع هي منطقة التجمع للمشجعين مع شاشات عملاقة وحفلات.
حسابات مهمة في التويتر انصحك بمتابعتها. @roadto2022 @roadto2022en @QatarRail @Mowasalat_QAT @fifaworldcup_ar @FIFAWorldCup @FIFAcom @QFA_EN @metrotram_qa
خبر جميل لسكان اهل الخليج 🤝🔥😍 راح يكون فيه طلب لزيارة قطر ليوم واحد (صد -رد) لسكان الخليج فقط. سيارة او طيارة.طبعاً لازم تكون معاك تذكرة وهيا وراح ينزل الرابط في الموقع قريباً. برضو في حال انك ما قدرت تحضر المباراة لأي سبب.تقدر تبيعها في موقع الفيفا وراح ينزل الرابط قريباً.
جدول جميع المبارايات. اضغط على هذا الرابط.
qatar2022.qa
مهم جدا انك تثقف نفسك وتدخل على الروابط وتتعرف على كل شي. ختاماً اتمنى اني وفقت في نقل تجربتي وان شاءالله اني افدتكم ولو بشي قليل. وبالتوفيق لمنتخبنا الوطني 🇸🇦وكل الشكر لقائد الرياضة الأمير عبدالعزيز الفيصل لكل جهوده الجبارة لرفع راية السعودية عالياً في كل المحافل @AbdulazizTF
ولا ننسى ان نشكر دولة #قطر الشقيقة على هذه الجهود الجبارة واللتي نأمل جميعنا ان تتكلل بالنجاح ونشهد كأس عالم مختلف من كل النواحي. بالتوفيق يا اخواننا في قطر 🇸🇦🇶🇦
معلومة نسيت اضيفها 🫣. اللي عنده أقارب او اصدقاء في دولة قطر يقدر يطلب انه يسكن معاهم وتعبئة النموذج ليحصل على موافقة بطاقة هيّا (استضافة افراد العائلة والأصدقاء) وهذا الرابط. hayya.qatar2022.qa

جاري تحميل الاقتراحات...