اخذت فندق MELIÁ PHUKET MAI KHAO جميل قريب من المطار سعره كان 620 ريال طبعاً يمكن يكون ارخص بس انا حجزته بعد ماركبت الطياره الى فوكيت هذا اسم الفندق جميل جداً انصح يكون اول يوم او اخر يوم علشان تريح فيه لان المشوار ساعة تقريبًا الى الشواطئ booking.com
وبعدها سكنت في فندق The Shore at Katathani Resort جميل جداً وحولك كل شي تبية مطاعم انصح فيه بقوة اطلالة على المحيط مع مسبح خاص لانه فل ماحصلت الا ليلة وحدة فيه فيه غرفة مطلة على المحيط booking.com
بعدها رحت لفندق ماريوت Marriott Resort & Spa, Merlin Beach جميل برضه على البحر الاطلالة وممتاز للعوائل والأطفال فيه مسابح كبيرة وألعاب اطفال وعلى الشاطئ جلست فيه ليلتين booking.com
بعدها رحت لفندق Amari Phuket - SHA Extra Plus حليل مهب شين اخذت برضه على الاطلالة على المحيط بس الله يكرمكم دورة المياة مره صغيرة كانك في فنادق أوروبا وجلست فيه ثلاث ليالي عن نفسي ما اعجبني ابد بس كان الإفطار ممتاز وقربة الى باتونج بيتش مشي على رجولك booking.com
حالياً انا في فندق Sinae Phuket Luxury Hotel فندق جميل جداً فيلا مع مسبح اطلالة كاملة على المحيط بس مشكلته الاكل فيه اغلبة تايلاندي الروم سيرفس ماهي متنوعة ولا حوله شي ولاتاخذ الفلل الا المساحتها 99 متر هم اجمل شي وبعدها ع الرياض ان شالله booking.com
نتكلم عن الصرف انصح بسحب دولارات قد ماتقدر قبل لاتجي سعر الصرف 100$ تساوي 3500 بات ويختلف من مكان الى مكان بس لاتصرف من الفندق يفرق تقريبًا 50 ريال اغلبهم يصرفون لك ب 3200 والفنادق حاسب في البطاقة الأتمان اغلب والمطاعم كاش بس خل معك كاش دايم
الأجواء رطوبة وامطار خفيفة وأحيانًا حارة يعني خلي لبسك صيفي بحت دائما واحرص على الشورتات والسلبرز الله يكرمكم و واقي شمس بكل مكان عندهم موجود
الموصلات حمل تطبيق Bolt مثل اوبر احسن لك من التكاسي والسواقين او تحصل توك تك بس اذا عندك مشوار طويل انصح عن طريق Bolt وتجنب اصحاب التكاسي وقبل ماتوصل للمطار ادخل موقع Booking وفيها خيار تاكسي اختارها وحط من المطار للفندق اللي راح تسكن فيه ومعلومات الرحلة سعرهم غالي مقارنة في Bolt
الاكل الصراحة ماواجهه مشكلة فية سي فود وبرضة مطاعم عربية انصحكم في مطعم منقل 😍 وبرضه موجود مطاعم هندية واذا تبي تطلب اون لاين حمل تطبيق grab ويوصله لك للفندق رخيص مره apps.apple.com
الفعاليات كل ماكان موجودة في الكشكات في اغلب الاماكن قارن الاسعار وكاسر ثم كاسر ثم كاسر لاتشتري شئ بدون ماتكاسر واسعار الفعاليات تقريبا بين 1000الى 2000 بات ما انصح تروح يومين متتالية للفعاليات الصباحية الى المساء متعبة خل بينهم يوم احسن لك مع الموصلات والاكل
هذي الطريقة اللي اسويها في حجز اي فندق بهذي الطريقة تطلع لك ارخص سعر وتدفع وانت متطمن بس احرص يكون شامل الضرائب والافطار ماعدا دبي والبحرين والسعوديه ما انصح مع الفطار حر وش يصحيك بدري 😅
بخصوص الآمن الصراحه ماوجهت اي شي ولا فيه استغلال ولا شي الجيت سكي اخذت مرتين سعره تقريبا 1000 بات نص ساعة يعني 110 ريال بس اخذتهم من الفندق برى ارخص بس سمعت ان فيه مشاكل وإستغلال بس 110 يعتبر مره رخيص مقارنة بالاسعار عندنا ودبي
كلمة اخيرة لما تروح شرق آسيا خصوصاً تايلند اسكن في اغلى واحسن الفنادق لان اسعارهم معقولة وسعر اجمل فندق عندهم مايوصل نص قيمة شالية في الرمال والكنب حقه كله مخرم من الزقاير😅😬
جاري تحميل الاقتراحات...