عندنا ٦ مدارس ادبيه، كل واحده بتتكون من ٦ نقاط برضه، اي مدرسه ادبيه هيبقي فيها شعراء، وهيبقي فيها وحده، واكيد لغه وموسيقي (وزن وقافيه) وبيبقي طغي فيها الصياغه علي المضمون او العاطفه علي الافكار وفي موضوعات، هنمسك واحده واحده نلمها فشوال
الاحياء والبعث، دي فيها شوقي والبارودي، وبما انها قديمه فالقصيده بتقوم علي وحده البيت (كل بيت فحاله)، واللغه فيها الفاظ تراث وقدماء عشان زي ما قولنا قديمه، وفي التزام بالموسيقي والقافيه عشان مبيجودوش، وبيعتمدوا الصياغه علي المضمون، وفي الموضوعات بيقلدوا القدماء في المدح والرثاء
الاتجاه الوجداني، دول زي مطران و الاب الروحي، بيتمسكوا بالوحده العضويه مبيجودوش اوي، ناس سالكه بيستخدموا الالفاظ السهله والتراث مع تاتش عصريه، بيحافظوا علي الوزن والقافيه، و عاطفيين عشان وجدانين فاكيد العاطفه بتغلب الفكر، وبيندمجوا بالطبيعه
الديوان، زي العقاد والمازني، قالوا بلا الفاظ قديمه بلا هم احنا نجود بلغه عصريه جديده، بيتمسكوا بالوحده العضويه (خلي بالكوا كل المدارس بتتمسك بالوحده العضويه الا الواقعيه) وكانوا بيستخدموا القافيه المزدوجه ويقسموا القصيده لمقاطع، الفكر بيغلب العاطفه عندهم وبيحبوا التامل مش السياسه
ابوللو، يعني ابو للو، يعني اكيد الشعراء اول اسمهم ابو برضه، ابو شادي وابو القاسم، بيتمسكوا بالوحده العضويه برضه، بيستخدموا لغه جديده برضه والفاظ اجنبيه، القافيه مزدوجه، العاطفه حاده اوي (حساسين) وبيحبوا الطبيعه والمرأه عشان كده دي المدرسه المفضله عندي
المهاجر، جبران وايليا ابو ماضي، بيتمسكوا بالوحده العضويه، بيستخدموا اللغه الحيه وتساهل في اللغه العربيه (مهاجرين بقي وايزي يعني مش هيستخدموا كلام معقرب اكيد)، قافيه مزدوجه (مهاجرين فعندهم جنسيه مزدوجه)، عندهم عاطفه حاده ونزعه روحيه، والشعر عندهم فيه حنين الي الوطن (عشان مهاجرين)
الواقعيه، ابراهيم ابو سنه وامل دنقل، عندهم وحده موضوعيه، موضوع واحد يعني وعاطفه متنوعه، وعندهم اسراف في اللغه الواقعيه اللي بتميل للرمز والغموض، بيعتمدوا علي وحده التفعيله (مش القافيه المزدوجه زي الباقي)،
طبعا الفكر الواقعي بيغلب، وبيتكلموا عن هموم الناس والموت (كله عن الواقع)
طبعا الفكر الواقعي بيغلب، وبيتكلموا عن هموم الناس والموت (كله عن الواقع)
جاري تحميل الاقتراحات...