نحن مقبلون على ركود اقتصادي وتضخم عالمي كبير وخطير، يتطلب منا الإهتمام والخوف على بلدنا وعلى الأجيال القادمة وكيف سيكون مستقبلهم.
اهتمامك حاليًا بنفسك وكيف تعيش شي مطلوب، لكن التركيز والإهتمام الأكبر على بقاء البلد لأبنائك وأحفادك مطلب أهم وأكبر يستدعي أن نرى وطننا بشكل مختلف.

ولد عمك اللي يبي صوتك وابن قبيلتك اللي راح يخلص معاملتك وصاحبك اللي راح يوقع اوراقك وابن عشيرتك اللي راح يكون واسطتك بتفيدك اليوم، لكنها ابدًا ما راح تدوم لأبنائك وأجيال المستقبل اللي راح يتخرجون وما يلقون وظايف ولا راح يقدرون يتزوجون ويكونون اسر ولا مستقبل.
اختاروا المستقبل.

أطلال الماضي واحنا كنا وديرتنا كانت ماراح توكلنا خبز في السنوات القادمة. الإعتماد على النفط كمصدر دخل رئيسي فقط ماراح يدوم ويخلينا نستمر في ظل التغيرات العالمية اللي حاصلة. التقنية والاقتصاد العالمي الجديد ماراح يرحمنا إذا استمرينا بنفس العقليات الحالية اللي تهتم بمصلحتها فقط.

ندائي للشباب، أرجوكم فكروا بمستقبلكم ومستقبل ابنائكم، العالم قاعد يتغير بوتيرة سريعة جدًا، يا تصحون وتواكبونه يا مصيركم مصير الأمم اللي سادت ثم بادت لأنهم عاندوا ورفضوا أنهم يصحون ويغيرون اللي تعودوا عليه.