بخصوص المعايدات هقول كلام جايز يجرح مشاعركم المرهفه سيكا
امتى تمتنع عن الجرم العظيم والعياذ بالله (وهو المعايده علي المسيحيين) و الذي من المؤكد انه كما اقنعوك به دعاة التطرف سيؤدى بك الي الجحيم الاسفل في حالة ارتكابه
هات ورقه و قلم واكتب ورايا يا سيد الناس

هاااه جبت ورقه وقلم 😊😊😎😎

لو انت فاكر انك لما تبقي مرتشي او متحرش و واكل حق اخواتك و بتزوغ من شغلك و مبتراعيش ضميرك في شغلك مهما كانت وظيفتك علشان تتربح بدرس خصوصي او كشف في عيادتك الخاصه او استشاره في مكتبك الخاص ولو بتدفع رشوه ولو بتوقع بين الناس و متخيل ان ربنا هيغفر لك كل ده

و يدخلك النار لانك عيدت علي المسيحي في عيده تبقي واهم و ارجوك تراجع ايمانك لان ربنا مش بينضحك عليه و مش هتعرف تخدعه انك اكلت حق اخواتك او اخدت رشوه لانك عاوز تعيش كويس او اتحرشت لانها كانت لابسه مكشوف و عندنا في الانجيل مكتوب ايه بتجيب من الاخر وهي (انت بلا عذر ايها الانسان )

و السلام ختام