السفر
تجربة شخصية
الثقافة
علم الاجتماع
التعليق الاجتماعي
الفنون والترفيه
المجتمع السوداني
التعليق الثقافي
الدول الإفريقية
النقد الثقافي
أغلب الشعب السوداني بتلقاهو عندو احساس استعلائي على الشعوب الافريقية التي تقع جنوبا من السودان، بينما عمليا وفعليا -وانا شغلي كلو في افريقيا- نحنا أفقر و اجهل وأكثر تخلفا من أغلب الشعوب دي.
اذكر ليكم امثلة شخصية: (1/6)
اذكر ليكم امثلة شخصية: (1/6)
- مرة كنت مسافر اشتغل في نيجيريا فالسيدة حرمنا ما خلت حاجة ما شالتها نظام نحن ماشين بلد احتمال لبن البودرة ما نلقاهو هناك وانا طبعا بس بعاين ليها وبضحك، المهم النتيجة كانت بما رجعنا اجازة للسودان زوجنا حامت أسواق نيجريا وكادت تجيب معاها التراب زاتو عشان معدوم في السودان (2/6)
-مثال تاني لنفس السفرة .. اي واحد عرف اني ماشي اشتغل في نيجيريا يقول لي بلد الفلاتة بطريقة كدة تهكمية، لما وصلت هناك اكتشفت انو ممكن تلاقي فلاتي - او الحقيقة اغلبهم- يفوق السودان كله علما وادبا وذوقا اما المال فاسكت سااااي (3/6)
- مثال اخر: كنت مسافر رواندا قبل ما تشتهر، بتاع الجوازات في المطار قال لي دي بلد يسافروا ليها 🤷♂️ طبعا انا قلبي اتقطع، بالله وصلت كيجالي قلت في نفسي الشخصية السودانية دي محتاجة ثورة تخليها تعاين جواها وتقدر تقيم وضعها الحقيقي وتعالج الأمراض الجواها دي قبل ما تقدر تطور بلدها.(4/6)
- مثال أخير وده بسبب السرديات الكونت شخصيتي: كنت مسافر زمبابوي، ومتخيل ليك موغابي والحكايات والصور بتاعت القروش البشيلوها بالدرداقة بسبب التضخم، فكنت متخيل القى شعب متخلف من اي ناحية، اول ما وصلتا لقيت نفسي ابلد واحد literally
و ممكن في زمبابوي تلقى الببيع العصائر (5/6)
و ممكن في زمبابوي تلقى الببيع العصائر (5/6)
في الشارع حامل دكتوراة في الفلسفة ولا الاقتصاد والبلد كلها حسب التقارير الرسمية نسبة الأمية فيها تكاد تصل الصفر وحاليا ال Boss بتاعي من زمبابوي وبقعد اتعلم منو واتعقد منو عديييل 😁
(6/6)
(6/6)
ملحق(7)
الخلاصة:حقو نبتدي ندرس عيوبنا وعيوب مجتمعنا ونواجهها بشجاعة، عشان يكون عندنا ثورة حقيقية، طبعا ده ما بيعني الشعور بالدونية بقدر ما هو معرفة القدر الحقيقي لميزاتنا وعيوبنا عشان نبنيهو.
#منقول_للفائدة
من حساب د. محمد الريح وهو زاتو بقول منقول .. المهم أن شاء الله استفدتو؟
الخلاصة:حقو نبتدي ندرس عيوبنا وعيوب مجتمعنا ونواجهها بشجاعة، عشان يكون عندنا ثورة حقيقية، طبعا ده ما بيعني الشعور بالدونية بقدر ما هو معرفة القدر الحقيقي لميزاتنا وعيوبنا عشان نبنيهو.
#منقول_للفائدة
من حساب د. محمد الريح وهو زاتو بقول منقول .. المهم أن شاء الله استفدتو؟
جاري تحميل الاقتراحات...