الليلة ركبت مع سواق سوداني و المشوار طويل ، حكى لي بداية فترة الإنقاذ اول ٦ سنين فيها كانت عاملة كيف ، قصص و فظائع أنا اول مرة اسمعها ، الناس ديل العملو ده إبادة جماعية ما سلم منهم لا الشرق و لا الغرب و لا الجنوب و أي بقعة في السودان
قال لي في الجزيرة من منطقة الحلاولين كان بشيلو القمح حق المزارعين منهم بي القوة برسلو ليهم مجموعة من جهاز الأمن تسكن في بيت و يعملو ورديات أثناء الحصاد بتاع القمح عشان يتصادر للحكومة ، قال لي المزارعين بدو يسرقو حقهم و بشيلو القمح بي طريقة معينة يجدعو بين ضفتين أثناء نومة العسكري
المهم العساكر بتاعين الأمن شغالين تفتيش عند اي زول عندو اكتر من ١٥ شوال في بيتو ، و في واحد عندو ٥٠ شوال داسيهم في واحد تاني عندو مشكلة معاهو مشى بلغ الأمن انو الزول ده داسي قمح ، طوالي ناس الجهاز جو اعتقلوهو و ساقو يحققو معاهو قوم في حجزو لحدي الصباح عشان المحقق يجي قام الراجل
دفع لي عسكري بتاع الحراسة يمشي ينادي واحد ثقة بعرفو من السوق عشان بي دورو ينقل رسالة لي ولدو في البيت العارف محل القمح انو يشيلو هسي باقي الليل ده يوزعو في الكمبو ( للناس الجاهل في الزراعة في السودان الكمبو ده سكن عمال الحصاد أو ما اسمهم الجنقو و بيوتهم من قش عبارة عن قطاطي ..
اغلبها و حريط من الصريف و ده كمان قش و قنايات بعملوها بي طريقة معينة تبقى دي حيطة ) المهم شال الشولات دي وزع في الكمبو اي بيت ٥ شوالات في بيوت متفرقة و لو جا الأمن ما ح يسالك لو عندك ٥ بس ، المهم تاني يوم الصباح جا المفتش و حقق مع الراجل و نكر حطب انو ما عندو حاجة داسيها و ساقتو
قوى عشان تفتش المخزن و البيت حقو و ما لقو شى.. طبعا ما فكوهو قالو ليهو انتا كذاب و دسيت القمح ده مشو اعتقلو في حته جنب سكر كنانة فيها صوامع و مخازن للسماد و اليوريا و الجو ساخنة و جنبو محل الزول ده قرب يفطس ،
الجزء المهم قال انو سمع العساكر برا بتناقشو انو الزول ده داسي القمح
الجزء المهم قال انو سمع العساكر برا بتناقشو انو الزول ده داسي القمح
و طالما ما عايز يعترف لازم نركبو ( نغتصبو) عمك سمع كلامهم ده و خاف لمن جو عليهو و هو عارف نيتهم قالو ليهو انتا ما عايز تعترف صاح ؟ قال ليهم بتعرف اي انا داسي القمح فجأة جات إشارة انو الزول ده فكو لانو ما عندو حاجة العساكر قالو للضباط إنو الزول ده اعترف خلاص ، قام عمك رد على
الضباط سريع انو خاف من العساكر ده يغتصبو عشان كده قال اعترف ف الضباط قال فكوهو ، يعني قصة الاستاذ الشهيد احمد الخير دي نقطة في بحر الإسلامويين و الكيزان و عايز اضيف حاجة انو اي زول بطلع في الحكم بقوة السلاح و الانقلابات ما عندو انتماء لي قبيلتو أو منطقتو كلهم قتله و مرتزقة
المناداة بالانفصال بتاع الأقاليم ما حل للمشكلة نهائى ، الاصوات البتنادي بي الانفصال دي حالمة لو بتظن انو جبريل ابراهيم أو مالك عقار أو الهادي ادريس أو الحركات المسلحة دي هي بتمثل منطقها ديل مرتزقة أنتمائهم الاول لي مصالحهم الشخصية فقط فقط فقط ، جبريل ده الكيزان كتلو اخو
لو هو عندو عليهو وجع ما كان رجع لي احضان النظام ده تاني او مد يدو ليهم لكن المرتزقة ما عندهم مبادىء و متلحفين بي رداء الانتماء و ده رداء بري من جرائمهم دي
جاري تحميل الاقتراحات...