رتبها

يبستم ويضحك في كل الأوقات، عندما يسجل وعندما يراوغ وحتى عندما يخسر الكرة..
والمرة الوحيدة التي بكى فيها، كانت عندما توّجَ بأول بطولاته.
🌟 | ثريد عن الرائع لياو.. أفضل لاعبي الدوري الإيطالي.

قبل بداية الثريد، بخصوص العنوان، لفت انتباهي جدًا في لياو إنه بيضحك طول الوقت بشكل استفزني أنا شخصيًا، فـ ما بالك بالمدافعين ..
طول الوقت سواء بيسجل أو بيضيع، بيراوغ أو بيفشل، بيمرر أو بس بيجري بالكرة، بيكون مبستم وفاتح بوقه 180 درجة من الإبتسام.
خلينا في الثريد.. 😂

رفائيل لياو(22)عام بدأ مسيرته كـ مهاجم رقم 9، وحاليًا هو أفضل جناح أيسر في الدوري الإيطالي بخلاف كونه أفضل لاعب في الدوري الإيطالي ومن أفضل الأجنحة عمومًا في العالم .. تغيّر مركز اللاعب ممكن يكون له أسباب كثيرة ، لكن الأكيد إن اللاعب لما يتغير مركزه ، مش بينسى وظائف مركزه القديم.

لياو هو مهاجم وجناح في لاعب واحد، ده له عيوب هذكرها لاحقًا..
لياو عنده مزايا جامعة بين المهاجم والجناح، لياو بيقدر يتمركز بين المدافعين بشكل ممتاز وطبعًا قدرته على الإنهاء جيدة جدًا، لياو الحالي جناح لكن بيقدر يتحول في نص الجيم لمهاجم صريح بين خطوط الخصم..

أسرع هدف في تاريخ الدوري الإيطالي .. لياو تحرك من الخط اللي المفترض يبدأ المباراة عليه (لتوسيع الملعب) وما الى ذلك، للعمق وتحرك بين الخطوط واستلم وراح يسجل كأنه مهاجم، كأنه جناح تحوّل لـ لحظة لمهاجم.

أحد أبرز مزايا لياو الجناح، هي قدرته على استقبال الكرات العالية والطولية بشكل فوق الممتاز بالنسبة لجناح ، قدرات لياو عمومًا البدنية كذلك في الالتحامات مع المدافعين شيء مذهل ..
كنت حابب اجيب مثال منفرد لكرة مع المنتخب، لكن حبيت الفيديو ده..

ممكن يلعب دور المهاجم في استقبال الكرات العالية، وبعدها يلعب دور الجناح في الركض بالكرة وغيرها.. الي الصناعة او التهديف ، مجهوداته الفردية خير دليل..
مثال:

طبعًا في أمثلة كتير لأجنحة هدّافه، أبرز مثال طبعًا بل وأفضل جناح هداف في العالم أخر سنوات=صلاح..
لكن الفارق بين لياو وصلاح هو إن لياو أوقات كتير جدًا بيلعب دور الجناح اللي بيمسك الخط، بيفضل واقف على الخط مستني الكرة، بيوسع الملعب، بيراوغ كتير وبيلعب دور نيمار في برشلونة (مثلًا)

لياو كذلك قدرته على الصناعة رائعة ،،
لياو بعكس الأجنحة المشابهه له حاليًا –فينيسيوس مثلًا- ، لياو مُمرر جيد جدًا، سواء من على الخط = عرضيات أقصد .. أو لما يدخل العمق ويتحول من جناح لمهاجم تاني أو يكون قريب من المركز 10 في الملعب ..

قدرته لياو على رفض عرضيات للامانة رائعة، بالرغم انه أغلب الأوقات بيخترق وبيدخل المنطقة محاولًا التسجيل أو عمل عرضية أرضية زي ما حصلت منه كتير الموسم ده .. لكن لما بيضطر يرفع عرضيات سواء بشماله أو بيمينه ، بيكون متقن لها بشكل رائع
-اسيسته ضد الانتر مثال..

الحديث عن لياو المراوغ(الدريبلير) محتاج تعليق بسيط في رأيي الشخصي..
أغلب اللاعبين المراوغين بيكونوا لاعبية قصار أو مش بنفس طول لياو مثلا ،يعني أبرز المراوغين في العالم سابقا (ريبيري هازازرد..الخ) وحاليا(نيمار فينيسيوس سانشو) ..

كلهم لاعبين يعتبروا قصار القامة ، توضيح اكثر، لاعبين قدمهم قريبة من الأرض والكرة بتكون قريبة منهم طول الوقت،
بعكس لياو، طوله 1.88.. بطول مهاجمين بيلعبوا أدوار المحطة.. ومع ذلك عنده مرونة وسرعة وقدرة على المراوغات مذهلة.. معتقدش فيه مراوغين أفضل منه بنفس طوله (قريب منه) حاليًا.

لياو من اللاعبين الشُجعان بالكرة، عكس لاعبين آخرين الكل شاف منهم إمكانيات لكن وقت المنافسات المهمة والمباريات الكبيرة بيخافوا يظهروا ما عندهم خوفًا من الفشل.. لياو مش كده ، لياو لاعب مغامر وشجاع لأقصى درجة فعلًا..
مثلًا محاولته ضد أتليتيكو هنا:

قدرة لياو على الاختراق والمراوغات الصعبة أحيانًا طبعًا بتكون شيء سلبي وبيخسر الكرة بالرغم ان نسبة نجاحه مراوغاته 96% .. بيقوم بـ 3.61 مراوغة ناجحة في المباراة الواحدة، الثاني في أوروبا بعد أداما تراوري. –رقم مرعب- ، بينجح في أكثر من 80% من محاولاته.

لكن قدرة لياو على الاختراق بشكل عام ونجاحه الكبير في المراوغات بتكون سبب في اكتسابه لضربات جزاء كثير او فاولات من مناطق صعبة ، ولما بينتجح وده الأغلب بيسجل أوبيصنع ، تصرفاته عمومًا وهو قريب من المرمى –مؤخرًا- شيء رائع

لياو مُبهر في الاختراق والتصرف في المسافات الضيقة بالرغم من طوله.. مراوغ مُبهر ولاعب سريع بشكل غريب على طوله..

لياو في عمق الملعب ..
نقطتين حابب أتكلم عنهم في المنطقة دي،
لياو قدرته كويسة جدًا على الاستلام تحت الضغط وفي عمق الملعب والتعامل مع المدافعين وهم بيضغطوا عليه في ضهره ..
مثال بعيد شوية لكن الغرض من التمرير من عمق الملعب ولعب دور لاعب رقم 10

ثانيًا، لياو من الأجنحة اللي بتقدر بشكل جيدًا تقوم بـ دور صانع اللعب أو بيقدر يتعامل بشكل كويس جدًا لما يدخل لعمق الملعب من على الأطراف ., بيقدر يسدد كويس من خارج الـ 18 .. وبيقدر يمرر كويس أو يتصرف بشكل جيد.
+ تمريرة الأسيست في التغريدة التالية أيضًا..

شيء كمان حابب أذكره، وهو طبعًا سرعة لياو الجنونية، الأجنح في العالم حاليًا أغلبهم عندهم سرعات، لكن الغريب -بالنسبة لي- سرعة لياو بالشكل ده على لاعب طويل ووزنه ثقيل نسبيًا بسبب طوله طبعًا..
انطلاقات لياو سريعة، سرعته على المسافات الكبيرة أيضًا شيء رائع..

قيادة لياو للمرتدة هنا بسرعته شيء غاية الروعة، من نظرتك لـ المشهد هتحس انه مش بيبذل مجهود علشان يسبق اللاعبين، هو سريع بالفطرة، بأقل مجهود عنده سريع جدًا..

اخر شيء هذكره فيما يخص مميزات لياو ، هي ميزته اللي كانت سبب في حسم الدوري لميلان ، ببساطة قدرته على الإنهاء .. قدرة لياو على الإنهاء، وقبل ما أتكلم عن قدرته على الإنهاء حابب أذكر انه لاعب رائع في اللمسة الأولى ، كنتروله جيد جدًا أقصد ..

بخصوص القدرة على الإنهاء، واللي هي شيء بدأ يتحسن فيه مؤخرًا بشكل ملحوظ لأنه كان سيء سابقًا في الانهاء .. لياو في مباريات الحسم في الدوري أظهر تطور ملحوظ في قدرته على الإنهاء ..
هنا مثًلا .. سرعة جبارة + انهاء رائع!

والكرة اللي شغلت بالي في المباريات الأخيرة كانت هدفه في الزاوية الضيقة على طريقة مبابي حاليًا ..
(بصوت الجمهور)..

طبعًا بخلاف قدرته –اللي تحسنت مؤخرًا- بشكل ملحوظ على الانهاء بقدمه اليُسرى .. وقدرته على الانهاء من فوق الحارس اللي ظهرت كتير الموسم الحالي ، أبرزها هدفه ضد روما ..
+
أعتقد إن اللوب من فوق الحارس دي لياو اتعلمها من زلاتان :'D