ايميل بعتته Y Combinator - واحدة من اشهر مسرعات الأعمال - للشركات اللي في محفظتها للتعامل مع الأزمة الاقتصادية العالمية.. بعتت ٩ نصائح تعالوا نقراهم بشكل مبسط
النصيحة الاولى: محدش يقدر يعرف لأي مدى الاقتصاد ممكن يتأثر بشكل سلبي، بس بشكل العام الصورة مش مبشرة
النصيحة الثانية: التخطيط للسيناريوهات الأسوأ هو أأمن وسيلة للتعامل مع الوضع الحالي، لو الازمة المرادي زي المرات اللي فاتت فالهدف هو تقليل الانفاق وتغطية النفقات بالموارد الحالية قبل نفاذ السيولة المالية.
النصيحة الثالثة: لو مش عارف توصل بشركتك لحالة تغطية النفقات ولقيت مستثمر مستعد لتغطيتها معاك بنفس شروط التمويل السابق (يعني بشروط اسوأ مما انت بتخطط لنمو شركتك وقيمتها) خد الفرصة وغطي التكاليف بهدف الحفاظ على السيولة
النصيحة الرابعة: بغض النظر عن قدرتك أنك تلاقي استثمار لشركتك من عدمها، في السنتين الجايين هدفك الاساسي يكون الحفاظ على ان شركتك تفضل شغالة.
النصيحة الخامسة: تأثر سوق شركات التكنولوجيا العالمية المطروحة في البورصة بينعكس بالسلب على الاستثمار في الشركات التكنولوجيا الناشئة وبالتالي ظروف الحصول على استثمار هتكون صعبة وتخضع لشروط قاسية في مراقبتها وتأثر تقييم الشركات خاصة مع انشغال المستثمرين بالدفاع عن الشركات الأكفأ
النصيحة السادسة: لو فاتح شركتك من اقل من ٥ سنين فعيد التفكير في فهمك ازاي ممكن تجيب استثمار لشركتك عشان غالبا اللي عملته قبل كده هيبقى صعب يتعمل قدام. الموضوع هيبقى اصعب
النصيحة السابعة: لو وصلت للتمويل الأول Series A ماتقعدش تجري على التمويل اللي بعده إلا لما توصل ان المنتج او الخدمة اللي بتقدمه اصبح ملائم للسوق Product market fit. لو لسة ماوصلتش للتمويل الاول فللأسف الشروط هتكون اصعب
النصيحة الثامنة: لو بتدور على تمويل حاليا في خلال السنة القادمة فأنت بتدور في وقت خاطئ وفرصتك صعبة حتى لو شركتك ماشية كويس. غير استراتيجيتك (بمعنى ركز على ضمان بقاء عمليات الشركة)
النصيحة الاخيرة: لو عرفت تعدي من الوقت الصعب ده محافظ على نفسك بالموارد الحالية ففرصتك في الربحية والنمو داخل الاسواق بعد ما الموقف يتحسن استثماريا هتكون كبيرة..
جاري تحميل الاقتراحات...