انا عايز اتكلم كلمتين اتحمل مسؤوليتهم بصراحه.. شايف هيصله والصحفي كذا قال وموقع كذا عاد ومبابي هيعمل ومبابي هيسوي.. فا تمام.
بصو، انا تقريباً عمري ما كنت متأكد من صفقة زي دي، كل صيف في اي صفقة لازم انقل كل الاخبار وبيبقى عندي خوف حتى لو بسيط ان الصفقة اللاعب س،ص،ع متحصلش وبحط في الاعتبار اراء واخبار الصحفيين زي ما انتو متعودين معايا وبننقل كلام الناس اللي بنعتبرها مصدر كويس وكلامها عقلاني.
لكن في وقت زي ده انا مش شايف خالص ان في كلام يدخل العقل محتاج يتنقل، محدش عنده معلومه بأي حاجه. مبابي ده لو عايز يجدد كان جدد من زمان.
مكنش هيستنى لحد ما خلاص فاضل ايام على نهاية عقده ويجدد ويخسر بيها قطر ريال مدريد اللي فاته مره واللي لو فاته المره دي كمان مش هيرجعله تاني حرفياً بعد كل الدوشه دي.
انا عارف انه مسلسل ممل وبضان، حتى ريال مدريد مقدم فيه تضحيات وكان مستعد من سنه يقدم تضحيات اكتر. في النادي هما عارفين قيمته، عارفين اللي ممكن يضيفه رياضياً واقتصادياً وعارفين ان الجماهير نفسها فيه.
وهو عارف ومتأكد 100% ان وصوله للجوايز الفردية والمكانه التاريخيه اللي هو عايزها بيمر عن طريق ريال مدريد. نفس طريق مثله الاعلى
ومفيش نادي في العالم حالياً قادر على المتطلبات الماديه لمبابي وعيلته غير ريال مدريد وباريس سان جيرمان. لا بايرن ولا ليفربول ولا برشلونه ولا يوفينتوس .. ممكن اليونايتد والسيتي بس واحد فيهم بيلعب في اليوروباليج والتاني لسه شاري هالاند والفاريز وبيدعم باقي المراكز ومبابي مش من خططه.
مفيش غير ريال مدريد .. لو بعدت كل كلام الصحافه وفكرتلها بالعقل، هتقول ان مصيره متحدد من بدري وكل اللي بيحصل ده عباره عن شو وحاجات متعودين عليها في صفقات ريال مدريد. اي حاجه هتحصل غير قدومه لمدريد هيكون جنان .. ومش هيحصل.
فكك من اي كلام بتشوفو لأن زي ما قولتلك مفيش حد عنده معلومات، خد الكلام من اللاعب بس غير كده لا.
جاري تحميل الاقتراحات...