@YHbishy الليله مش هتكلم عن عبدالله، انا هتكلم عن ام عبدالله هذه السيدة البشوشه اللي بسببها قبلت عملية عبدالله رغم خطورتها الشديده….
عبدالله عنده ٢٥ سنه و كان عنده مرض العظام الزجاجيه منذ ولادته و يكفي ان اقول انه عمل ١٥ عمليه فقط لاصلاح كسور بالعظام …
عبدالله عنده ٢٥ سنه و كان عنده مرض العظام الزجاجيه منذ ولادته و يكفي ان اقول انه عمل ١٥ عمليه فقط لاصلاح كسور بالعظام …
يعقد الموضوع ان عبدالله جاله اعوجاج بالعمود الفقري و دا الطبيعي بيكون خطير لعوامل عده عند مرضي العظام الزجاجيه ….. اهل عبدالله لم يتركوه و هو صغير و لكن اغلقت كل الابواب باستحالة عمليه الاعوجاج و ظل الحال يتطور حتي سن ٢٥ سنه…..
لما شوفت عبدالله قبل رمضان والدته قعدت تدعيلي جامد و اكلمها عن خطورة العمليه تضحك و تدعيلي برضه … المهم عقدنا النيه نعمل العمليه و لكن لم نجد موعد لعمليته قبل رمضان فقولتلهم افضل نخلي العمليه بعد العيد…. كنت بحاول ابعده شويه.. لكن كل ما هو آت قريب…
والدته قالتلي ماشي نخليها بعد العيد بس بالله عليك تخلي بالك من نفسك علشان انت املنا الوحيد و الاخير …
قعدت طول الشهر كل ما يحصلي حاجه، كلمه ام عبدالله ترن في وداني …. و سرعان ما مضي شهر رمضان و كانت عمليه عبدالله اول يوم اثنين بعد العيد …
قعدت طول الشهر كل ما يحصلي حاجه، كلمه ام عبدالله ترن في وداني …. و سرعان ما مضي شهر رمضان و كانت عمليه عبدالله اول يوم اثنين بعد العيد …
كنت مرعوب منه جامد لان في تاريخ العلم مفيش ولا حاله ذكرت لحد عمره ٢٥ سنه و عنده عظام زجاجية و تم عمل تصليح اعوجاج كبير كدا في السن دا …. و لكني كنت عملت حاله شبيه لبنوته ٢٣ سنه في ٢٠١٨ بمواصفات شبيهه و كانت برضه الاولي من نوعها فكنت مطمئن نسبيا..
يوم العمليه الامور كانت صعبه كما هو متوقع و لكن النتيجه كانت افضل من كل التوقعات … ام عبدالله بقولها عبدالله بخير و كله تمام و قعدت تحضن فيا و تعيط و تقول ابني حبيبي .. كنت واثقه انك هتقولي كدا…. و خلت كل الموجودين يعيطوا معانا…
زاروني النهارده بعد ٩ ايام من العمليه و اخدنا الصوره العزيزه علي نفسي دي مع عبدالله و والدته
جاري تحميل الاقتراحات...