رتبها

مساء الخير...
ولو انتوا مش متابعين أخبار الكوكب...
ف خليني اقولكوا ...
ومطولوش عليكوا وقولولي طول......
♦️ السعودية....
شوف يا سيدي لو عايز تعرف يعني إيه إبتزاز دولي وبلطجة دولية وسرقة عيني عينك كدا يبقا لازم تعرف امريكا هتعمل إيه مع السعودية....

أمريكا بقالها دلوقتي خمس شهور هتبوس إيد السعودية علشان تزود إنتاج البترول علشان تعطي لامريكا قبلة الحياة.....
وزيارات رايحة وزيارات جاية ومستشار الامن القومي الامريكي يروح ووزير خارجية امريكا ييجي ورئيس وزراء انجلترا يروح....

والسعودية على صرخة واحدة ...
مش هزود نقطة بترول وهلتزم بقوانين منظمة اوبك اللي هي المنظمة المسؤلة عن الدول المنتجة للبترول...
السعودية هي الدولة الوحيدة اللي تقدر تنقذ إقتصاد أمريكا والنعمة.....
بس الموضوع مخلصش على كدا....

بايدن بعد ما بن سلمان رفض يرد عليه ف التليفون راح باعتلة الزغلول الكبير.....
اللي هو مين !!؟
وليام بيرنز.....
هيطلع واحد يقولي ....
مين يا عم الصايع وليام بيرنز ده ولا بيبيع إيه ؟؟
وليام بيرنز ده ياعم يبقا...
رئيس المخابرات المركزية الامريكية CIA

يعني دا لما بيروح لحد بيكون خلاص إتقرا فاتحته ورايح ياخد الاربعين بتاعة.....
بس ولي العهد بن سلمان بعد ما قابل وليام بيرنز ده طلع ومسك المصحف ف ايده ورفعه على عنيه وقال والختمة الشريفة دي ما هنزود برميل نفط واحد ...
تسكت امريكا على كدا... ابدا!!!

راحت امريكا عاملة قانون جديد لانج متفصل ع السعودية بالظبط إسمه نوبك
والقانون ده بيخلي المحاكم الامريكية تقدر تحاكم وتصادر فلوس اي دولة فمنظمة اوبك لو مرضيتش تسمع كلام امريكا و تزود انتاج البترول

طبعا السعودية عرفت ان القانون ده متفصل على مقاسها وهيصادرو بيه كل اموال السعودية والامارات اللي ف امريكا
تسكت السعودية على كدا ..... ابدااا
طلع وزير خارجية السعودية فمؤتمر صحفي وقال....
ورحمة آل سعود لو امريكا اقرت القانون ده لنربط البترول باليوان فهمي نظمي رسمي...

ولو ساعتها امريكا طلبت بترول هنقولها ادفعي باليوان الصيني..
شوفوا هي الدنيا مولعة بين السعودية وامريكا لدرجة ان خلاص مفيش رجوع للمفاوضات تاني
👈 كمان فكوكب السعودية.
في أخبار بتقول ان الملك سلمان دخل المستشفى لإجراء شوية فحوصات بس تقريبا كدا هيطول شوية .
ربنا يقومه بالسلامة...

وع الناحية التانية من الكوكب....
♦️ إيران.....
إيران خلاص مش هتمضي اي اتفاق نووي واحتمال قريب جدا على حسب المصادر الامريكية هتجري اول تجربة نووية ....
دا مش كدا وبس دا كمان ايران هتعمل مفاعل محلي الصنع ومش كدا وبس دا كمان بشار الاسد رايح يزور خمائني ومحدش عارف هو في إيه !!!

وع الناحية التانية من الكوكب....
♦️ نيچيريا....
ف نيجيريا الجماعة بتوع بوكو حرام اللي هما القاعدة يعني فرع نيچيريا دبحوا ٤٨ واحد من الجيش النيچيري
هتقولي الله .... طب وإيه اللي فكرهم بالإسلام والجهاد و دينهم بنيچيريا دلوقتي !!!
منا جايلك ف الكلام آهه.....

نيچيريا عضو ف منظمة أوبك بتاعة الدول المنتجة للبترول وكل منظمة اوبك ف آخر اجتماع رفضوا طلب أمريكا وانجلترا و اوروبا بزيادة إنتاج البترول علشان تنقذ إقتصادها وعلشان يعوضوا نقص الغاز والبترول الروسي
ف طبعا امريكا لازم تعاقب نيچيريا

وجابت الجماعة بتوعها بتوع الخلافة ونصرة الإسلام اللي مسميين نفسهم بوكو حرام اللي هي مربياهم على ايديها وطلقتهم ف نيجيريا
خد بالك ان نيجيريا هي رقم واحد ف انتاج البترول ف افريقيا
دي مش نيجيريا بس اللي هتتعاقب وكمان السعودية وكل منظمة اوبك

👈 وكمان فكوكب نيجيريا....
شركة الطيران النيجيرية...
اعلنت عن تعليق ووقف رحلات الطيران علشان سعر الوقود غالي جدا و الطيران مش جايب همة

وع الناحية التانية من الكوكب...
♦️ فرنسا....
ففرنسا وزير الطاقة الفرنسي طلع وقال....
ورحمة نابليون بونابرت واللي عمري ما حلفت بيها كدب فرنسا ما حتقدر تستغنى عن الغاز الروسي غير بعد اربع سنين يعني ساعتها ممكن تكون روسيا تبقا على مشارف باريس

وع الناحية التانية من الكوكب....
♦️ امريكا.....
حبيب ألبي بايدن..... الراجل البركة
هو والناس اللي صدعوا دماغنا في رمضان بصلاة التراويح من التايم اسكوير اكبر ميدان ف امريكا وان الاسلام هو الحل وامريكا بقت منارة الإسلام ف العالم...

طيب يا سيدي اهو بايدن جاب الست كارين جان ذات البشرة السمراء متحدثة ب اسم البيت الابيض يعني المتحدثة ب اسم كل امريكا.
مين بقا الست كارين جان!!
كارين جان هي رئيسة منظمة MSNBC
طبعا هتطلعلي واحدة من المطبخ دلوقتي وتجري ورايا بغطا الحلة وتقولي انت طبعا مش عاجبك و مضطهدها علشان ست!!

هقولك ابوس غطا حلتك اسمعيني للآخر بس و افهمي علشان متضحكيش علينا الكوكب والكواكب المجاورة ....
ممممم مش عارف اجيبهالكوا إزاي...
شوفي يا ستي الست كارين جان اصلا تبقى مراة مين ؟؟؟
تبقى مراة المتحدثة السابقة للبيت الابيض الست چين ساكي...... ممممم ايون البيضااا دي

يعني بالبلدي كدا الست دي متجوزة الست دي رسمي وبالقانون الامريكي
ومنظمة ال MSNBC اللي هي بترأسها دي هي اكبر منظمة شذوذ ف العالم ف امريكا
ف انت متخيل ان المتحدثة ب اسم البيت الابيض حاليا تبقا مراة المتحدثة ب اسم الابيض السابقة وحاجة آخر مليطة
على فكرة انا مجبتش حاجة من عندي ...

دي الست جين ساكي المتحدثة السابقة هي اللي طلعت فمؤتمر صحفي وقالت مراتي الست كارين جان هي اللي هتمسك مكاني واحنا بنعترف بكدا ومبسوطين مع بعض.
شوفوا هو انا بس نفسي اقول للأمريكان متخلصوش الفساد كله وخلوا حاجة ليأجوج ومأجوج يفسدوها ف الارض علشان لما ييجوا مش هيلاقو حاجة يفسدوها....

وع الناحية التانية من الكوكب....
♦️ روسيا ....
روسيا النهاردة يوم عيد النصر وبوتين هيعلن عن مفاجأة هتزهل العالم...
هما بيقولوا انه هيعلن الحرب وكدا...
اللي هو احيييه يعني ...
اومال اللي فات دا كان إيه يا عم بوتين !!!

وع الناحية التانية من الكوكب .
♦️ كوكب تحيا مصر.
البنك الفيدرالي الامريكي رفع الفايدة ١٪ يوم الاربع والناس كلها كانت بتتوقع انهيار الجنيه المصري ومصر هتفلس ونقفل الدكان
مممم اقصد البنك المركزي!!
ميعرفوش ان مصر اصلا و روسيا والصين كانوا عارفين اللي بيحصل واللي هيحصل ومجهزين نفسهم.

هتقولي إمتى دا حصل !!!
هقولك فاكر لقاء السيسي و بوتين ورئيس الصين ف دورة الالعاب الاوليمبية الشتوية ف الصين.... !!!
ساعتها كانت مصر بتحول احتياطها الدولاري لدهب و بتشتري ٨٨ طن دهب
مش كدا وبس ....

دي مصر قالت خبطة بالمرزبة ولا ميت خبطة بشاكوش وراحت مخفضة سعر الجنيه من شهرين فاتوا ورفعت سعر الدولار
ودا خلى امريكا تعاقب مصر علشان خفضت عملتها
ايون امريكا امبارح قالت هنعاقب الدول اللي خفضت عملتها قصاد الدولار هي تقصد طبعا الصين ومصر
مش كدا وبس....

دا البنك المركزي عمل شهادات ١٨ اللي بيها لم كل السيولة اللي ف السوق
يعني محدش معاه يشتري دولارات ويخزنها
مش كدا وبس....
دي الحكومة قالتلك اللي هيستورد لازم يفتح حساب ف البنك والبنك هو اللي يخاطب البنوك بره
يعني مش هتلاقي رجال اعمال او تجار بتخزن دولار ......

ايوا هيعملوا بيه ايه ما لازم يحطوه ف البنك علشان يعرفوا يستوردو اي حاجة !!!
وبكدا الحكومة هتضمن ان اللي هيستورد لازم يستورد بضاعة مضمونة ومن مكان مضمون ومتسجل ف البنك وليه مستندات رسمية فبلده
وكمان هتضمن ان مفيش رجل اعمال هيخزن دولارات

كدا الحكومة حزمت سوق العملة.....
والدولار مش هيغلى ودا اللي مجنن امريكا وانجلترا علشان كانوا عايزين مصر تشحت منهم دولارات
مش كدا وبس.....

👈 كمان ف كوكب تحيا مصر...
وزير الزراعة طلع وقال
مصر بتستهدف السنادي زراعة مليون ونص فدان قمح...!!!
بالبلدي كدا التصريح ده معناه ان مصر السنة الجاية هتكون عملت اكتفاء ذاتي من القمح...
طبعا رأس الافعى معجبهاش الكلام ده.... اللي هو ...
يعني ايه شعب مصر مش هيجوع ويجيلنا راكع !!!!

طب يلا بسرعة فجرولهم محطة معالجة المياه اللي فسيناء علشان نوقف زراعة نص مليون فدان قمح هناك ونعطل التنمية !!!
يقوم الجيش يتصدى ليهم ويتجننوا اكتر واكتر

اللي بيحصل من يوم العيد واعلان خبر وفاة السيسي وتهكير مؤسسات اعلامية ومحاولة تفجير محطة مياه بحر البقر اللي هي اكبر محطة فالعالم
دا شغل اعلى من امكانيات الاخوان علشان دول بهايم بتاكل ف النجيل بس
احنا كدا بنلعب ف النهائي مع رأس الافعى ورأس كل المؤامرات ف العالم...... بريطانيا

كفاية كدا ..... وتقعدوا بالعافية
🤍 يديمك 🤍
العفي محدش يقدر ياكل لقمته....
عبدالفتاح السيسي...
والسلام عليكم ورحمة الله وبركاته
تحيا مصر🇪🇬
تحيا مصر🇪🇬
تحيا مصر🇪🇬
كونت دي مونت كريستو

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد