الكام سنة الجايين الدنيا شكلها حايتغير جداً ال metaverse بتتطور بشكل سريع ومرعب وتطبيقاتها حاتدخل في كل حاجة من اونلاين شوبنج لشغل وميتينجز و فن وحتي لبدايل سفر و حاتقدر تعمل حاجات كتير اوي و تزور اماكن و انت علي سريرك
ال metaverse و الشركات اللي بتستثمر فيه بتحري في سباق مرعب للإستحواذ علي السبق في خلق اقوي عالم و الفلوس اللي بتتحط فيه مهولة و وصلت ان بعض الميتافيرس دلوقتي بيبيعوا اراضي .. ايوة زي ماحضرتك سمعت وفهمت بيبيعو اراضي افتراضية في عالم افتراضي
وطبعاً ده كله مربوط بشكل مباشر بإن كل عالم بيخلق عملته الإفتراضية اللي مع الوقت بتتحول لشيء ليه قيمة و بيتم تداولها في اسواق الكريبتو مع باقي العملات الإفتراضية و بتنزل لأسواق التداول للعملات الرقمية
و ده ياخدنا للكريبتو و مستقبله و قدرة الدول "المحدودة" في السيطرة عليه و مراقبته ومراقبة حركته وتداوله و طرق ادماج ده في الاقتصادات الرسمية .. بإختصار العالم في ال ٥ سنين الجايين شكله حايتغير و معادلات الإقتصاد العالمي هيا كمان حاتتغير و مافيش شكل واضح لده لحد دلوقتي
طبعاً نسيت اقول علي المزيكا و الحفلات وتواجدها القوي في ال metaverse
حاجة اخيرة عشان تفهموا حجم الفلوس ، من اشهر و اقوي ال metaverses اللي طالعة و بتبيع اراضي افتراضية حاجة اسمها ديسينترلاند و دي مدينة افتراضية فيها ٩٠،٠٠٠ قطعة ارض
حجم التعاملات المالية في q2 ٢٠٢١ ٢.٥ تريليون دولار! ايوة ٢.٥ تريليون دولاار وده عشان تتخيلوا مقارب لحجم تعاملات شركة زي visa في نفس الفترة .. رقم مرعب مش كده؟
احنا بإختصار رايحين و بسرعة شديدة علي عصر جديد من التحول للإقتصادات الغير مركزية و صراعها مع الدول في معركة وجود و ادينا بنتفرج، و شكراً
جاري تحميل الاقتراحات...