بتذكر لما أول ما جيت أتنقب كنت شايفاه حيكون عبارة عن قماش زيادة بس وياها انا مثاني انا في محلي ما حبتغير فيني شئ ولا كنت خاته حساب لنظرة الحوليني كويسة ولا كعبة،كنت في حفلة رجعت منها وفي نفس اللحظه قلت عايزة اتنقب ما خاته كفعل تعبدي ولا اي شئ فئ رأسي

فمن الحاجات الجميلة والأتفجات بيها لاحقاً :
١-ماف راجل بمد لي يدو
زمان كنت بحرج وبقول لالا ما بصافح هسي تلقائياً ماف واحد بمد يدو اساساً
٢-ماف راجل بحاول يتعدى حدوده معاي في الكلام ولا بحاول يمزح
٣- إحترام ما طبيعي في كل مكان امشى إحساس آني كوين

٤- تأخري ف اللبس قل شديد، بقيت بجهز بسرعه🤭
٥- شخصيتي تغيرت جِداً ،بقيت ارعي لتصرفاتي ، كلماتي ، مشيتي في الشارع، حركتى في وسط الرجال ، بختصار نفسى تهذبت أكثر
٦- أقبلت على العلم الشرعي أسال الله يوفقني
وغيرها من الحاجات الجميلة الما حكفي ذكرها

أنا بحب النقاب شديد، ومتمنية كل البنات يتنقبوا ويجربو شعوري ذا ، مع اني حالياً مقصرة فيه ، ما مطبقاهو زي ما هو ، فقاعدة أجاهد نفسي اني ألتزم أكثر أسال الله ان يهديني
بس مبسوطة شديد إنو مديني هالة وتقدير عالي وإنو غيرني وأتمنى اني أمشي للأحسن

النقاب أبدآ ما كان ولا حيكون عائق بل بالعكس دافع لا توقفت لا في دارسة ولا عمل لا سفر ولا طلعات ولا حتى علاقتى مع النَّاس، حرفياً ولا ف اي شئ في حياتي،تأثر بالنقاب او كان سبب فيه لإني لابسته عن قناعة وحب ورضا فعايشه حياتي كما أحب وارغب…
فالله يرزق جميع النساء به ❤️