١/مراحب @RimaRassi رح جاوب بشقّين، الأول تقني/علمي والتاني سياسي. لأنّو برأينا بلايحة قادرين بكسروان-جبيل وبكلّ المناطق اللبنانية، مش الحلول العلمية يلي ناقصة، إنّما طالما نحنا عايشين ب لادولة إئتلاف زعماء الطّوائف لا مكان للمنطق.
٢/بالنسبة للشق التقني ما عم نخترع البارود، المعمل بيشتغل عالفيول التقيل، فعاليته واطية ~30% وبلوّث كتير. الأجدى التوقف عن استخدام هيدي التقنية واستبدالها بالغاز(cycles à gaz) يلي فعاليتها أعلى ~60% وانبعاثات الco2 أقل ب٣ مرات وما بتنتج جزيئات دقيقة (particules fines)
٣/ تابع تقني. الأجدى أكثر، ليس فقط من منطلق مناطقي، انّما جدوى على صعيد الوطن، اغلاق معمل الذوق وزيادة القدرة الانتاجية في دير عمار والزهراني (مصمّمان للعمل على الغاز)، لأن تحويل معمل الزوق للعمل على الغاز فيه كلفة اضافية أكبر من زيادة القدرات في دير عمار وزهراني.
٤/ تابع تقني. وريثما يتم زيادة قدرة الانتاج بدير عمار والزّهراني ضروريّ تركيب فلتر للجزيئات الدقيقة بمعمل الزوق
٥/بالشق السياسي، بلبنان مش خافي على حدا انّو ما في دولة. في زعماء طوائف/مناطق كل واحد بشدّ عميلتو. وحتى ضمن منطقو كل زعيم مش قادر يشوف غير مصالحه الخاصة وضربّياتو. يعني مثلًا بلبنان في تقريبًا عدد معامل طاقة قد ما في بمصر (١٠٠ مليون نسمة)
٦/كل زعيم بدو بمنطقتو معمل كهربا ومطار ومرفأ…بغضّ النظر اذا هيدا الاستخدام الأنسب للموارد القليلة المتوفرة (وشفنا بإيام الحرب والتقسيم حسن إدارة الموارد والشفافية بكل منطقة!).
٧/ب لادولة ائتلاف زعماء الطوايف بتضل كل منطقة متناحرة مع التانية، هيدي ما بدها تاخد زبالة هيديك، أو تتحمل تلوث المعمل لانتاج الكهربا لغير مناطق(بغضّ النظر عن الجدوى الاقتصادية والاجتماعية لكل الوطن…)
٨/ب لادولة ائتلاف زعماء الطوائف، الزعما عاجزين عن اتخاذ اي قرار منطقي (يعني الأجدى عصعيد المجتمع) لان ما بيقدرو يشوفو أبعد من منطقتهم ومصالحهم.
وحدها دولة شرعيتها من الحقوق يلي بتأمنها للأفراد قادرة تدير الموارد القليلة المتبقية بفعالية (scale factor) ولمصلحة كلّ المجتمع.
وحدها دولة شرعيتها من الحقوق يلي بتأمنها للأفراد قادرة تدير الموارد القليلة المتبقية بفعالية (scale factor) ولمصلحة كلّ المجتمع.
جاري تحميل الاقتراحات...