رتبها

- تجربتي مع التيك توك من 100 متابع الى 26000 متابع خلال 7 أيام ..!
- تعال اقولك الطريقة اللي استخدمتها ..
#اسرار_خطاف

اول شي اللي بيسوي قافطني ..
عدد متابعيني هنا ماله علاقة في نمو حسابي على تيك توك بهذا الشكل !
سنابي على كثر ما احط رابطه ما تعديت 1300 مشترك !
مجموعتي على التلقرام يالله تعدت 3000
قناتي على يوتيوب يالله تعديت 500 مشترك
المقصد عدد متابعيني هنا ماله دخل

بدت السالفة في يوم 14 ابريل 2022 بعد مكالمة بيني وبين الاستاذة @moka_4425
كان هدفي الوصول الى 1000 متابع في الاسبوع الاول
وكان المقصد المقارنة بين تيك توك وسناب شات والاستقرام واني اجرب هذي الطريقة اللي بشرحها لك

دخلت حسابي في التيك وحذفت المقاطع اللي مدري وش تبي
طبعاً ما يحتاج اقولك حول حسابك في تيك توك الى تجاري !
بقولك ليش بعدين
المهم

بعد ما نظفت الحساب وحولته لتجاري وكتبت الوصف
جا وقت تصوير المحتوى وهو اصعب شي ..
باختصار
رحت لتحليلات حسابي على تويتر ودخلت على اعلى التغريدات
وبديت اختار التغريدات اللي حصل عليها تفاعل عالي

بعد ما حددت كم تغريدة صار عليها تفاعل كبير
جا وقت التصوير
حاول قد ما تقدر ما تتعدا 15 ثانية في المقطع
هذي المدة ممتازة لتصدر الترند
تبهذلت وانا اتدرب واعيد التصوير مليون مره لين اقتنعت ان المقطع تمام 😂

طريقة التصوير
ادخل على سناب شات وكل جملة اقولها اوقف التصوير
ومع كل إكمال تصوير اغير زاوية تصوير الجوال
يطلع المقطع 15 ثانية غير ممل ومن زوايا مختلفة
لما اخلص المقطع احفظه على جوالي ثم ابدا بالنشر على سناب وتيك توك وريل انستقرام ويوتيوب شورت

كل منصة ارفع عليها المقطع لازم اكتب العنوان
والعنوان مهم جدا لا تستهين فيه
واللي يقول انه لازم تصور من تطبيق تيك توك نفسه اقوله غير صحيح
جميع مقاطعي صورتها بذا الطريقة وواحد منها ضرب وجاب مليون و400 الف مشاهدة

بعد ما ارفع المقطع على تيك توك اضغط زر ترويج
مدة الترويج الموصى بها من تيك توك هي من 3 إلى 5 أيام
كل يوم 6 ريال
نصيحة
لا تروج من جوالك على وسائل التواصل الاجتماعي اذا كنت تبي مبيعات
المهم

هذي الطريقة نفسها بالضبط سويتها على حسابي هذا في تويتر في البدايات
بعض التغريدات اسوي لها ترويج ويصير عليها تفاعل مجنون
احد الثردات روجته بعشرين دولار وجاب لي اكثر من 1500 متابع في 24 ساعة
وهذا ما يعني انك اذا سويت مثلي بتحصل على نفس النتيجة

وبما اننا طرينا تويتر ترى ورشة اعلانات تويتر مسوي عليها خصم مؤقت ب 199 ريال لين يوم 29 ابريل
المهم لا تروج من جوالك على تويتر لان اقل سعر من الجوال 10 دولار

في تيك توك اخترت هدف التفاعل وليس زيادة المتابعين
التفاعل اهم من زيادة المتابعين
لان التفاعل هو اللي بيرفع المقطع
وهذا الشي كل يوم اكرره

اشوف تغريدة لي قد ضربت واصورها سناب واقطّع التصوير لمدة 15 ثانية
وانزل المقطع واسوي ترويج 3 ايام بهدف التفاعل كل يوم 6 ريال
السؤال
هل لو انت سويت كذا بتضرب معك ؟
ما ادري والله ولا اقدر اعطيك ضمان او وعد انك بتوصل لنفس النتيجة

طيب
انا عندي مصدر للمحتوى اللي سويته على التيك
اذا ما عندك مصدر للمحتوى وش تسوي ؟
تروح لقوقل ترند وتشوف الناس وش تدور بشكل فعلي وتاكد انك مختار السعودية او دولتك
trends.google.com

trends.google.com/trends/hottren…

Google Trends - Hot Searches

اذا تكلمت في مواضيع ضاربة ترند اكيد ان مقطعك بيضرب

احصائية حسابي على سناب شات
ولا فيه فرق يذكر والاستقرام نفس الشي تقريبا
اللي بقوله لك ان البوست اذا كان موضوعه متفاعلين عليه الناس قبل وسويت ترويج بيضرب معك