واحدة من اهم طرق الاخوان اللي بيتعلموها وبيتدربوا عليها طول الوقت هي خلق الاشاعات و التشكيك ودي طريقة مدروسة ومصممة على ايد اجهز مخابرات بترعاهم من ايام حسن البنا،في اي موضوع هيجرجرك للمنطقة العكسية للنقاش ويرهقكك ويخليك عايز تثبت ان الصح هو فعلا صح
ومع تكرار تشكيكه والتركيز على نقطة معينة بيخلق صورة ذهنية مقصودة فيخلي ناس تتشكك في اي حاجة،لدرجة انهم ايام عبدالناصر شككوا في اتفاقية جلاء الانجليز عن مصر وقالوا انه بيبع مصر للانجليز،بيكرروا طريقتهم طول الوقت من اكاذيب زينب الغزالي ليوسف ندا عن التعذيب وكشك وحكاويه الخزعبلية،
علشان كده عدو الاخوان التوثيق و السرعة في قلب أكاذيبهم على دماغهم،هتلاقيهم دلوقتي مثلا لما رفعت فايدة البنك تشتغل حملات وقنوات ولجان ان فوايد البنوك حرام وكلهم افتكروا فجأة فتاوى من ايام بنك ابوجهل الوطني، يجي سياحة تشتغل حملات ويكأنهم اكتشفوا ان الاسرائيلين اول مره يزوروا سينا
رغم ان المراكيب في البلاد اللي بترعاهم بيناموا معاهم في الغرف المقفولة والفضايح كتير،
لما مصر عملت معالجة لمية الصرف باحدث التقنيات اشتغلت حملات ازاي دولة فيها النيل تستخدم مية معالجة في الزراعة رغم ان العالم كله بيحاول يعمل اقصى استفادة من موارده،
لما مصر عملت معالجة لمية الصرف باحدث التقنيات اشتغلت حملات ازاي دولة فيها النيل تستخدم مية معالجة في الزراعة رغم ان العالم كله بيحاول يعمل اقصى استفادة من موارده،
نعمل صوب تغطي الفجوة بين العرض والطلب تطلع حملات الجيش سايب شغله وبيزرع خضار،تعمل مبادرات للعلاج يقولوا البنك الدولي اللي عاملها
تتسلح تشتغل حملات مش كانت الصحة اهم من التسليح رغم ان مفيش تعارض بين الاتنين والرافال البايظة واتنازل عن حدود الغاز لليونان وبيعادي تركيا اللي مصلحتنا
تتسلح تشتغل حملات مش كانت الصحة اهم من التسليح رغم ان مفيش تعارض بين الاتنين والرافال البايظة واتنازل عن حدود الغاز لليونان وبيعادي تركيا اللي مصلحتنا
معاها ،تحارب الارهاب يقولوا بيهجر اهل سينا،يدعم المواطنة ويزورا الاقباط في اعيادهم يقولوا صليبي يكلم مسؤول اسرائيلي تبقى امه يهودية،يعمل طرق وكباري يقولوا هنستفيد بيها ايه،
يعمل مزارع سمك يبقى عميد خط الجمبري، تقترض يقولوا مين هيسدد ،تفتح استثمار اجنبي يقولوا بيبع البلد،
يعمل مزارع سمك يبقى عميد خط الجمبري، تقترض يقولوا مين هيسدد ،تفتح استثمار اجنبي يقولوا بيبع البلد،
يشغل الجيش يقولوا بيحارب الاستثمار ..مشكلة الطريقة دي انها مرهقة وبتضيع الوقت والمجهود وبتخلي الناس تسيب مشاكل البلد الحقيقية اللي فيها تقصير او اهمال او معالجة غلط وتركز في جدل عقيم بيستنفذ طاقة الكل ده غير ان البعض بيتأثر بيها وبيكون جزء منها من غير قصد او سوء نية،
جزء كبير من مواجهة الطريقة دي هي الشفافية وسرعة رد الفعل من الدولة في تفنيد اي اكاذيب او معالجة الاخطاء وتصحيحها من غير انكار وإلا هنكرر نفس اللي حصل زمان وهنلاقي ولادنا ضحايا لنفس اكاذيب الاسلامجية زي ما كان معظم جيلنا ضحية ليها
جاري تحميل الاقتراحات...