رتبها

أعجبني:
ثريـد:
"هل احنا ماشيين صح ولا غلط!؟ .. والأداره المصريه عرفت تتعامل مع الأزمه العالميه وتحد من خطورتها ولا لا!!؟" ..👇
- في العام ٢٠٢٢ امريكا اتضربت بأعلى نسبة تضخم من تلاتين سنة، الاسعار اصبحت مرتفعة جدا و المستثمرين بيقترضوا بغباء و ده بيزود التضخم اكتر ..
يتبع👇👇

- المركزي الامريكي عايز يقلل خروج الدولارات من البنك، قام رافع الفايدة، عشان يصعب الاقتراض، ويشجع الادخار، لما يزود الفايدة، الناس هاتبطل تستلف، و تبدأ تحط فلوس ف البنك، وهوا المطلوب اثباته👇

- لما الفايدة زادت ف امريكا حصل ايه؟
البورصة وقعت ف مصر، عشان الاجانب اللي كانوا بيستثمروا دولاراتهم لقوا انه الاسهل لهم انهم يدخروها في البنك ف امريكا و هاياخدوا فايدة مضاعفة. و دي اللي اسمها مشكلة هروب الاموال الساخنة👇

طيب لما اتسحب الدولار من السوق، قل العرض و زاد الطلب، يبقى ايه النتيجة الحتمية؟ تمن الدولار زاد.
استوعبنا؟ دلوقتي عندك أزمة.. مفيش دولارات، ها تتصرف ازاي؟
هما خطوتين:
١- تجيب دولارات
٢- تقلل انفاق الدولارات👇

س: نجيب دولار منين؟ او تحديدا، تجيب دولار ازاي من غير ماتستلفه؟
ج: تدخلهم البلد استثمارات مش ديون
تصحى الصبح تلاقي ١٢ مليار دولار دخلوا الخزنة من تلات دول عربية، بدون زيادة الديون، كاستثمارات في شركات مصرية. و كده زودت العرض من الدولار من غير ماتزود ديونك👇

رغم اننا بالتأكيد سنلجأ للاقتراض لكن ماعملناهوش كأول حل و جربنا حلول جديدة.
فاضل ايه تاني؟ انتا مانضعيش الدولارات اللي جيبناها بقى، مانسحبش من الخزنة دولارات تاني.
طب الدولار بيتسحب يروح فين؟ هاتلاقيه بيتصرف في الاستيراد، طيب نمنع خروج الدولار ازاي؟👇

١- تحط قيود على الاستيراد، زي اشتراط خطاب الضمان، عشان نقلل الاستيراد و انفاق الدولار
٢- تمنع استيراد المنتجات اللي ليها بدائل مصرية، زي ماحصل النهاردة
٣- تطالب شركات الملاحة المصرية انها تدفع للخطوط الملاحة الاجنبية بالجنيه مش بالدولار، زي ما هايحصل قريب👇

ولسه هايكون في خطوة رابعة و خامسة و كل خطوة ممكن تقلل انفاق الدولار هاتتعمل.
حلو، زودنا المعروض من الدولار، و قللنا انفاقه، نعمل ايه تاني؟
لسه عندك خطوة تالتة يامعلم، انك تحقق اكتفاء ذاتي من المحاصيل الاستراتيجية، عشان ماتلاقيش تاجر بيصدر و يكسب دولار فا يسبب ازمة غذاء👇

فا تصحى تلاقي قرار منع تصدير ل ٨ سلع اساسية لمدة ٣ اشهر لحد مانشوف الدنيا هايحصل فيها ايه
طيب هل انت عندك اكتفاء ذاتي من السلع الاساسية عشان تفرد صدرك و تمنع الاستيراد؟
الإجاية ايوة، انت عندك اكتفاء ذاتي من الخضر و الفاكهة والاسماك والدواجن ومايتبعها من منتجات البيض و الالبان👇

للامانة هو اكتفاء يتراوح بين ٨٠-١٠٠٪ لكن تقدر تقول انا هاقفل على نفسي و مش هاستورد الا الضروريات و مش هاصدر الضروريات كمان عشان مايحصلش ازمة غذاء.
طب هوا مين قال ان ممكن يحصل ازمة غذاء اساسا؟👇

في الاسبوع التالت من مارس ٢٠٢٢ طلع ماكرون و قال ان الحرب الدايرة بين روسيا و اوكرانيا ستتسبب في ازمة غذائية في الشرق الاوسط و افريقيا خلال ١٢-١٨ شهر و ذكر بالتحديد مصر لانها بتستورد ٨٠٪ من احتياجاتها من روسيا و اوكرانيا.. اللي قفلوا الحنفية عن العالم👇

وبكده تقدر تفهم ليه مصر بتوفر كل دولار ممكن، عشان نشتري بيه قمح، عشان ناكل عيش حضرتك
- على صعيد الاستيراد، لقينا وزير المالية الفرنسي واقف في القاهرة بعدها بإسبوع بيقول "نتعهد بتوفير احتياجات القمح لمصر خلال الاشهر القادمة". ليس فقط فرنسا👇

لكن قامت مصر بتغيير اولويات استيرادها تماما من روسيا و اوكرانيا الى امريكا و كندا و الهند و الارجنتين.
- وعلى الصعيد المحلي قامت مصر بالتعجيل بموسم شراء القمح من المزارعين و زيادة سعر الشراء لتشجيع المزارعين على زيادة الانتاج👇

احيانا النجاح مش بيكون انتصار صارخ، لكن النجاح بيكون نجاتك من أزمة كبرى و مرورك منها بأقل خسائر ممكنة، الكوكب كله عنده أزمة ف حاجتين، الدولار و القمح، وانت اتصرفت ف دولارات و اتصرفت ف قمح. في الوقت انه البلد اللي عندها ورقة بدولار او سنبلة قمح بتقفل عليها👇

العالم مقلوب عشان امريكا رفعت سعر الفايدة من ٠.٢٥٪ الى ٠.٥٠٪، وتعتزم تكرار الكارثة دي عدة مرات لحد ماتوصل لنسبة فايدة ١.٩٪ بتهاية العام، فا انت لو مااخدتش كل احتياطاتك النهاردة كان ممكن هاتفلس خلال ١٢ شهر زي ما ماكرون قال👇

انا حبيت اشارك فهمي المحدود للموقف و اقول اني قادر اتفهم الاجراءات الاقتصادية اللي بتحصل في مصر من بداية الأزمة، وشايفها منطقية جدا ومش لاقيلها بديل تاني، التريند الحالي هوا التريقة على كل قرار وانك تطلعه على المسرح👇

بس انا هاغامر واقول ان الاجراءات المصرية صحيحة تماما، والدليل على نجاح الخطة هو انك عندك عيش على الترابيزة النهاردة ..
"خليك واثق في بلدك وقيادتها ورجالها المخلصين انهم قد المسؤليه، ومصر كبيره اووووي" ..
#تحيا_مصر ✌️🇪🇬
BY: Mostafa Iskandr✍️✍️✍️✍️✍️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد