عمري ما عرفت أبص في عين حد وأنا واخد على خاطري منه، ولا عمري عرفت أضحك في وش حد تقيل على قلبي .. وشي مراية قلبي، وسعيد جدًا بده، مبعرفش أبقى حد تاني غير نفسي، بعمل بس اللي يخليني أبقى راضي عن نفسي، لا بدعى حاجة ولا بحس إني محتاج أمثل عشان أرضي حد ..
البساطة بتبهرني، الطيبة والحنية بياخدوا قلبي، بضحك في وش الغريب، وهروح لربنا بمحاولاتي المستميتة إن كلامي ميجرحش حد، وبحب أحاوط نفسي بناس مضطرش معاهم أنى أبرر كل حاجة بعملها، بناس يعذروني لو غلطت، يرجعوني لو ضليت ..
بحب النوايا السليمة ومبعرفش أعمل حساب لسوء الظن، أهلي وناسى هما أكبر نعمة في حياتي، ولو كانوا هما رزقي من الدنيا فأنا أكتر من راضي والله .. ✨💛
جاري تحميل الاقتراحات...