رتبها

بسم الله الرحمن الرحيم
ثريد: كيف انقبلت في كجسب

بسم الله الرحمن الرحيم
اول شيء حاب أؤكد ان هذا الثريد جاي من طالب عادي وعادي جدا، وهذا الكلام مو مجرد تواضع فارغ هذي نسخة من شهادة صف أولى ثانوي ونسبتي اقل من 90
ليش؟ لأسباب كثير لكن أهمها اني كنت مهمل وانا الى الان جالس أحاول اعوض اهمالي هذا والحمد لله نقدر نقول قدرنا

بداية معرفتي بكجسب كان من خلال ذا المقطع
youtube.com
واكون صريح ويوم شفت المتطلبات كانت ردة فعلي "لو ايش اقرب لمتطلبات التقديم بس" وشفت ان موهبة هي اللي ترسل دعوات للتقديم، تذكرت اني كنت طالب موهبة قبل 7 سنين, ولا اختبرت بعدها ابدا وتوقعت خلاص ذا طريق مسدود بس دخلت..

موقع موهبة والحمدلله لقيت برنامجهم للتأهيل للابتعاث (تميز) متاح لغير طلاب موهبة بس السعر يكسر الظهر وترددت كثير اني اطلب اهلي بس على العكس فرحوا اني طلبت واني صحيت لمستقبلي

مع تحفظي الشديد على جودة تقديم البرنامج عن بعد, لكن كان بالنسبة لي دفعة كبيرة وكبيرة جدا اني احسن سجل انشطتي اللاصفية ودرجاتي المدرسية والاختبارات الموحدة ,ووصلت لمرحلة متوسطة في السات لكنه فعلا اخذ مني وقت طويل جدا ,واهم شيء تعرفت على اشخاص ادين لهم بالكثر من برنامج تميز وموهبة

طبعا خلال هذي الفترة دخلت مبادرات وبرامج كثير تحتاج ثريد لحاله عشان تنعطى حقها ,لكن بالنسبة لي اعتقد برنامج الفيصل الإثرائي الصيفي وتطوع مستشفى الملك عبدالله الجامعي في جامعة الاميرة نورة فتحت لي أبواب كثير من دورات وخبرات وعضوية معامل لكن الأبواب هذي لازم يجي معها عقبات

مثلا ابيكم تتخيلوا اني كنت اصحى اروح المدرسة اخلص الساعة 12:30 اطلع لمستشفى الملك عبدالله اتغدى هناك واداوم وارجع البيت 5 وانام ومن التعب واصحى اليوم اللي بعده وعيد لمدة شهر لين بطلت انام بعد الدوام

اوبر وكريم وبولت وجيني الغالي واللي يذكر من متابعيني قد ايش هذي التطبيقات كسرت ظهري وظهر اهلي ماديا بأسعار تذاكر طيارة داخلية, وليلة تسليم خطة بحث ابداع رجعت البيت الساعة 11 لاني ما لقيت اوبر بسعر اقدر عليه وسلمت الخطة ومرفقاتها في السيارة, ولا فوق كذا داومت اليوم اللي بعده.

وللمعلومية ما تاهلت حتى للمعارض المركزية في ابداع وحطمني الموضوع جدا لان فوقها اكلت رفض Yale
وصحيح تقديمي عليها ما كان سوا تجربة لكن اجتماع خيبات الأمل أثر علي كثير

وعلة النوم واوبر ذي سببت تفوتي وقت تسليم جامعات كاليفورنا, لأني رسلت ال essays حقتي لل advisor حق تميز الساعة 11 وانا في السيارة للبيت من جامعة الفيصل, وواصلت انتظره يخلص مراجعة لكتابتي حتى الساعة 8 الصباح وغلبني النوم, لكن اللي يقهر انه خلص مراجعة بعد نومتي ب20 دقيقة فقط وصحيت…

بعد الموعد النهائي بساعتين وكمية الغبنة والقهر والانهيار وقتها لا توصف.
ودخلت سات ديسيمبر وانا يائس ودخلت قاعة اختبار صار فيها أشياء ما تنقال لدرجة الجهة المقدمة للاختبار فتحت تحقيق بخصوص اختباري وجاني ايميل فتح التحقيق الساعة 2 نص الليل ،ليلة اختبار القدرات المحوسب حقي

ولا احكيكم كيف رحت الاختبار هذاك بدون أي استعداد ولان المصائب لا تأتي فرادا اشتغل انذار الحريق في اعظم جامعة على وجه الأرض: جامعة الامام محمد بن سعود.
وطلعت اطلب الستر وجاء بدرجة 90 وعلى الأقل كنت أقدر على الأقل أقدم على كجسب, واختبرت ايلتس في اول ليلة من 2022 وهي ليلة اخر يوم…

تقديم جامعات هارفرد وبرينستون وكولومبيا
رجعت الساعة 8 وكتبت جميع النصوص المطلوبة وعبيت البيانات المطلوبة وقدمت واستمريت اقدم لأفضل جامعات العالم في تخصصي حتى ال5 من يناير
في نص يناير جتني دعوة التقديم لكاوست, وفي اخر أسبوع قبل اغلاق التسجيل اصبت بكورونا وكان تقديمة بدون طعم حرفيا

وبديت اذاكر قدرات لان كل من كلمته عن كاوست يقول درجتك ما تاهلك مع المنافسة وقتها ولكني قررت اني ما ابدا الا بمطلع فبراير لاني استحقيت إجازة لو بسيطة من
في مطلع مارس سويت مقابلة مع كجسب وكان يومها الطرق للمقابلة مسدودة عشان ماراثون الرياض العظيم وكتبت عنها ثريد وهذا رابطه

ذاكرت جزء كبير من النماذج ال 120، ولكن الحظ الأقشر ما يوقف وجاني نموذج غير مكتمل وجبت 94. تحطمت لان وقتها خلاص قرب وقت قرارات كجسب, ومع ان الدرجة طلعت يوم 26 مارس الا اني تاخرت ورسلتها في بداية ابريل وقتها اكلت رفض من كل الجامعات اللي قدمت عليها الا واحدة حطتني على قائمة الانتظار

بعد 13 ساعة من تحديثي للدرجة جاني ايميل من كاوست يطلب تجديد جواز سفري.
طبعا بعد كل هذي الصدمات كان التفاؤل عندي مختفي، فتوقعت انهم طالبينها كورقة ثبوتية ناقصة لازم يكون تاريخ انتهائها ابعد لا أكثر

ولكن بعد اول أسبوع رمضان واللي يعتبر أطول أسبوع في حياتي جاني ايميل عن صدور قرار من كاوست, وتوقعي انه إحالة لدورة التقديمات العادية (لان تقديمي يعتبر مبكر). ولكن جاءت اول صدمة إيجابية منذ فترة طويييلة وكانت اني انقبلت بشرط اني اجيب فوق ال80 في التحصيلي والحمد لله.

وفي الختام حاب اذكر قول الله تعالى (إن مع اليسر يسرى) والحمد لله تيسرت بعد ضيق وهم وخيبات وتعب وليالي السهر وادعوا تكمل الفرحة واجيب 100 تحصيلي واخر نصائحي هي لا تفقدوا الامل ابد وشكرا

صور تختصر الرحلة