ليه ف ناس بتحاول تحط العلم والطقوس الدينيه سوا مع بعض؟ يعني مستنين العلم يدي validtion انك بتتبع الدين الصحيح؟ ليه نحشر العلم انه اثبت ان الصلاة مفيدة للضهر والفقرات؟ وليه حابين نزنق العلم علشان نثبت ان الصيام مفيد للجسم والدورة الدمويه؟ عايز العلم مثلا يقولك انت علي الدين الصح؟
العلم بيتطور واللي كان مينفعش امبارح هينفع النهارده واللي مضر النهارده ممكن يبقي مفيد بكره ، فانت قاعد بقي مستني العلم لما تطلع ورقه بحثية تثبت عكس كلامك عن طقس ديني بتعمله مثلا وساعتها هتقول ايه؟ العلم غلط؟ ولا الطقس الديني بتاعك اللي غلط؟ ولو العلم طلع صح هتبطل تصلي وتصوم مثلا؟
محاولات اضفاء صبغه علمية - واسمحلي اقولك اضفاء وصبغة ف نص الكلام عادي يعني - علي الطقوس الدينية شيء بائس الحقيقة ومنه لله زغلول النجار واللي زيه بتوع الاعجاز العلمي ف القرآن ويكأن القرآن لوحده مش معجزه ف محتاجين نجيب حاجه من بره تديله validation
جاري تحميل الاقتراحات...