1\9
مخدرات بحفاضات ودولة اللادولة
في أواخر الستينيات بعهد الرئيس شارل حلو، صار في فضيحة كبيرة بمدينة يغلب عليها الطابع السنّي. كان في سيدة لطيفة وجميلة وطموحة نكمشت بمطار بيروت عم تهرب بودرة بيضا (مش ذاكر إذا كانت كوكايين أو هيرويين).
مخدرات بحفاضات ودولة اللادولة
في أواخر الستينيات بعهد الرئيس شارل حلو، صار في فضيحة كبيرة بمدينة يغلب عليها الطابع السنّي. كان في سيدة لطيفة وجميلة وطموحة نكمشت بمطار بيروت عم تهرب بودرة بيضا (مش ذاكر إذا كانت كوكايين أو هيرويين).
2\9
السيدة إم خالد كانت مخباية البودرة بحفاض إبنا البيبي (ما كان في بامبرز، يعني كانت شاغلة منيح على القماش، تحية من القلب لسيدة الأعمال والأم الفاضلة). العقوبة المحتملة وقتها كانت يمكن تفوق العشرين سنة حبس بما إنه الكمية كانت حوالي الكيلو. خلصت القصة؟ أكيد لأ!
السيدة إم خالد كانت مخباية البودرة بحفاض إبنا البيبي (ما كان في بامبرز، يعني كانت شاغلة منيح على القماش، تحية من القلب لسيدة الأعمال والأم الفاضلة). العقوبة المحتملة وقتها كانت يمكن تفوق العشرين سنة حبس بما إنه الكمية كانت حوالي الكيلو. خلصت القصة؟ أكيد لأ!
3\9
وإذ بقدرة قادر، الطنط إم خالد بتطلع متل الشعرة من العجين وكأن شيئاً لم يكن. ما بعرف إذا ردولا المخدرات بس هيدي كانت آخر تهريبة (كانت تعمل كذا رحلة والظاهر مطار بيروت كان الأمن فيه مفخوت متل المنخل). المهم إم خالد زمطت ومعا قرشين حلوين.
وإذ بقدرة قادر، الطنط إم خالد بتطلع متل الشعرة من العجين وكأن شيئاً لم يكن. ما بعرف إذا ردولا المخدرات بس هيدي كانت آخر تهريبة (كانت تعمل كذا رحلة والظاهر مطار بيروت كان الأمن فيه مفخوت متل المنخل). المهم إم خالد زمطت ومعا قرشين حلوين.
4\9
كيف صار هيك؟ لبنان الزمن الجميل والعهد الذهبي للدولة وآخر شي إم خالد خارقة الأمن والمطار ورئيس الجمرك والأمن بياكله بهدلة بتسوى راسن لأن عملوا شغلن؟ وين دولة فؤاد شهاب؟ وين المارونية السياسية؟ وين الأمن الممسوك والقضاء الطاهر؟ وينيي الدولة؟ معقول؟ كيف هيك؟
كيف صار هيك؟ لبنان الزمن الجميل والعهد الذهبي للدولة وآخر شي إم خالد خارقة الأمن والمطار ورئيس الجمرك والأمن بياكله بهدلة بتسوى راسن لأن عملوا شغلن؟ وين دولة فؤاد شهاب؟ وين المارونية السياسية؟ وين الأمن الممسوك والقضاء الطاهر؟ وينيي الدولة؟ معقول؟ كيف هيك؟
5\9
بعد تتبع خيوط القضية على فترة، كتشفت التالي: يللي نتف شوراب مسؤولي أمن المطار والجمارك وشوارب وزير الداخلية ووزير النقل ورئيس الحكومة كان مسؤول مخابرات بالسفارة المصرية. وإم خالد رجعت على بيتا سالمة غانمة غصب عن رقبة الدولة اللبنانية والمارونية السياسية والمنظومة كلا.
بعد تتبع خيوط القضية على فترة، كتشفت التالي: يللي نتف شوراب مسؤولي أمن المطار والجمارك وشوارب وزير الداخلية ووزير النقل ورئيس الحكومة كان مسؤول مخابرات بالسفارة المصرية. وإم خالد رجعت على بيتا سالمة غانمة غصب عن رقبة الدولة اللبنانية والمارونية السياسية والمنظومة كلا.
6\9
هون ما عم نحكي عن وزرا عاديين كانوا ماسكين وزارات الداخلية والنقل وقتا. عم نحكي عن ناس من مستوى كمال جنبلاط، ريمون إده، فؤاد البزري، سليمان فرنجية، ورينيه معوّض. بس سبحان الله: تلفون من مسؤول مخابرات بالسفارة جاب الدولة اللبنانية كلها عالأرض كرمال مهربجية محبوبة.
هون ما عم نحكي عن وزرا عاديين كانوا ماسكين وزارات الداخلية والنقل وقتا. عم نحكي عن ناس من مستوى كمال جنبلاط، ريمون إده، فؤاد البزري، سليمان فرنجية، ورينيه معوّض. بس سبحان الله: تلفون من مسؤول مخابرات بالسفارة جاب الدولة اللبنانية كلها عالأرض كرمال مهربجية محبوبة.
7\9
والخلاصة شو؟ الخلاصة هي إنو لبنان من يوم يومه كان ممراً ومستقراً لكل أنواع الزعرنات وقلة الحيا لأن بلبنان ما بحياته كان في دولة. إنعدام وجود الدولة بالمعنى الحقيقي طول عمره هو الواقع (مش بالمعنى الشكلي متل هوبرات الزمن الجميل إنو يابا دركي كان يركّع مخيم عين الحلوة).
والخلاصة شو؟ الخلاصة هي إنو لبنان من يوم يومه كان ممراً ومستقراً لكل أنواع الزعرنات وقلة الحيا لأن بلبنان ما بحياته كان في دولة. إنعدام وجود الدولة بالمعنى الحقيقي طول عمره هو الواقع (مش بالمعنى الشكلي متل هوبرات الزمن الجميل إنو يابا دركي كان يركّع مخيم عين الحلوة).
8\9
بمعنى آخر، نعم اليوم بلدنا خربان وبورطة كبيرة من ورا المنظومة يللي حاميها حزبالة. بس الحقيقة هي إنه المنظومة طول عمرا مأزومة. وإذا شلنا حزبالة اليوم، رح يجي غيره يستلم لأن المنظومة مهندسة على أساس توزيع الحصص والتوازنات برعاية خارجية، عادة ما بتكون عن طريق المخابرات والأمن.
بمعنى آخر، نعم اليوم بلدنا خربان وبورطة كبيرة من ورا المنظومة يللي حاميها حزبالة. بس الحقيقة هي إنه المنظومة طول عمرا مأزومة. وإذا شلنا حزبالة اليوم، رح يجي غيره يستلم لأن المنظومة مهندسة على أساس توزيع الحصص والتوازنات برعاية خارجية، عادة ما بتكون عن طريق المخابرات والأمن.
9\9
قبل حزبالة كان في المخابرات البريطانية والمصرية والسورية ومنظمة التحرير كلها كانت عم تهدّي المنظومة، وكل ما راح مدير، دغري بيجي غيره لأن المنظومة ما بتتحمل تنترك لحالا. واليوم عنا حزبالة والأميركان، وبكرا أبصر مين. إذا ما غيرنا المنظومة من الأساس، رح نضل عم نغرف مي بالمنخل.
قبل حزبالة كان في المخابرات البريطانية والمصرية والسورية ومنظمة التحرير كلها كانت عم تهدّي المنظومة، وكل ما راح مدير، دغري بيجي غيره لأن المنظومة ما بتتحمل تنترك لحالا. واليوم عنا حزبالة والأميركان، وبكرا أبصر مين. إذا ما غيرنا المنظومة من الأساس، رح نضل عم نغرف مي بالمنخل.
بونس: إم خالد ربّت وتعبت، وكبر خالد وصار بالجامعة مع إنه ما بيعرف يقرا ولا يكتب كلمتين على بعض (متل ولاد بعض الزعما) من ورا إنه جسمه شرب مواد كيمياوية كانت تنحط بحفاضاته.
وأشهر جملة نشهر فيها خالد عن إنجازاته: أنا بقرب بيت الحريري.
(ترو ستوري، طلع بيقربن 😂😂)
وأشهر جملة نشهر فيها خالد عن إنجازاته: أنا بقرب بيت الحريري.
(ترو ستوري، طلع بيقربن 😂😂)
جاري تحميل الاقتراحات...