قبل صلاة التراويح ابغى اقولكم قصة عن وحدة من الاهل ، بدون ادخل بالتفاصيل بس باختصار هي من ٢٠ سنة ممكن واكثر من يوم كنت انا طفلة اذكر كانت تتمنى بيت ملك و كانت ظروفها ابداً ما تسمح يصير هذا الامر ظروفها المادية مو تمام وزوجها كمان مو تمام ظروفه و عندهم تعطيل بعد امر في هذا الامر .
وكانوا يتمنونه يكون في منطقة معينة،وسعر معين،وتذكرون ايام زمان كان اسهل الامتلاك والسعر يكون معقول، وكل سنه كان يصعب الامر،اذكر انها تسعى بس ما تدعي كانت ، ودايما تقول لي ادعي لي، وتقريباً من ٧ سنين صارت تدعي وتلح وتسعى ، بس كل شيء كان ضدها وعكس تماماً .
لين شاء الله و تملّكت البيت اللي تبغاه،ووالله بنفس المنطقة وقبل كم شهر نزل قرارات من دولتها تدعم هذا الامر وصارت تدفع اقساط اقل للبيت،ورجعت لها فلوسها اللي كانت دافعتها قبل للبنك،القصة مره طويلة ومعجزة انا شهدتها معاها سنين لكن اختصرت لكم حتى ما اطفشكم ..
تخيلوا انها كانت تسعى لين اخر شيء توقع العقد ويتفركش الموضوع مو مرة ولا مرتين سنين والله،وكانت تبكي وتعبانه نفسياً لانهم في بيت ايجار و ظروفهم صعبة كثير،و موضوعها كان مره مستحيل (ماعندها فلوس)،(عندها تعطيل بسبب تعب روحي)،(كل شيء ضدها وناس تكيد من وراها حتى تعطّل) وتسعى تخرب.
ووالله بغمضة عين كل شي انفرج وصار بصالحها ،رغم الكل سعى ما يتم هذا الامر لها ، وتخيلوا اني قريب اكتشفت ان البيت اللي سكنته (حصل قرارات بدولتها وهم ما يدرون عن وضعها) انبنى جديد اول ما بدات تدعي هي من قلب ولما صارت فعلاً تبغى حقيقي تعيش فيه مو بس رغبة منها ..😭❤️
يعني طلع قرار يخدمها + البيت انبنى اول ما بدات تدعي من كم سنة + رجعتلها فلوسها+ دعوتها بالتفصيل عاشتها.. عشان كذا يمكن تدعون سنين وما تشوفون اثر بينما الله يدبر امركم ويجهزكم له(صديقة اهلي ذي لو اشترت البيت قبل كان خسرت كل فلوسها+ انسلب منها بسبب ظروف خارجة عن الاستطاعة)!
فلا تقنطون من طول الاستجابة بنظركم وادعوا الحين والحوا مهما صارلكم سنين وانتم كذا لان هي فجاة تنفرج وفجاة يتم الامر وفجاة تنجبرون والله ما انسى كلمتها لما قالت انا اعيش شعور الدهشة بعد ما حقق الله لي امر انتظره من ٢٠ سنة و طلع الامر تدبير من الله ويختارلي الوقت الصح 🤍
كلكم بتنفرج عليكم لو مين كان ضدكم طالما الله كاتب لك هالامر ، هي وقف ضد امرها انس وشياطين ، لكن امر الله نفذ ، و تاكدوا لما تصيرون جاهزين بتلاقون كل شي ترتب لكم وفجاة عشتوا وسط هذي الدهشة، الصبر و اليقين مهما قل الله يعلم سعيكم وما بيخليكم، حتوصلون باذن الله وتعيشون هاللذة 🤍
ورمضان لا يخرج كذا عليكم ادعوا لو تقولون بس يارب 🤲 ،يعلم الله كل ما في خاطركم، المهم انكم لا تملون من هالكلمة باذن الله تتيسر كل اموركم و تشوفون الفرج قدام عيونكم وينصركم الله ،، ولا تنسون تكثرون من الصدقة وافضل الصدقة صدقة رمضان و اختاروا اقرب ذكر لقلبكم وكرروه على طول بتنفرج🤍
وبتعيشون تفاصيل التفاصيل اللي تطلبوه من ربنا ، واعظم و اكثر، لا تنسون ان الكريم كريم وجواد على كل عباده ويحب اللي يساله ويثق فيه.. لذلك بيدهشكم بعطاياه ويدبرلكم حتى لو ما شفتوا التدبير واضح ،ويرضيكم لا تستعجلون الوقت وتحددون الكيفية مرات يسوق لكم طريقة غير بس بتوصلكم للي تطلبوه❤️
نسيت اقول ان صديقة العائلة ذي كانت اخر فترة تكثر صلاة على النبي و كل ما تقفل باب تقول هانت بتنفرج وفعلاً انفرجت بالاخير وتراها ياست كثير وسنين ترا كنت اروح معاها واجي لمكاتب العقار وبنفسي اشوفها تبكي وتنكسر، و بنفسي دخلت معاها بيوت كثير و كلمتها باذني ان الله بيعوضها باللي تبغاه
لان والله ما تتصورون التعقيد والاستحالة فجاة انسانه معدمة تملك بيت لها، وكمان يشهد ربي توقع مرات وتبي تستلم المفتاح حق بيتها فجاة يصير مشاكل ويتكنسل الموضوع وحتى بيتها الحالي قبل تاخذ قالوا انباع وطلعوا فيه عيوب الدنيا عشان يخربون عليها وتعبت هي مره و جاها انهيار وبالاخير اخذته❤️
لو اتكلم واشرح لين بكرة قد ايش كان الامر معجزة ويحتاج حل من الله فقططط حتى يصير وصار مايكفي،وكلامي مخصص لأصحاب الابتلاءات العظيمة من سنين واللي عندهم دعوات مستحيلة بنظرهم وصارلهم سنين وضعهم نفسه اعتبروها رسالة لكم،بتنفرج لكم زيها وللجميع مو بس اصحاب الكرب الكبيرة ، كلكم بتفرحون❤️
حتى لو طفشتوا ومليتوا واستسلمتوا بيفرجها الله،ويتحول كل الكسر لجبر، والدعوة لروتين حياة تجلس تشكر الله كل ما شفتها واقعه امامك،و بيعوضكم عن كل لحظة ودقيقة عشتوها بخوف وحزن وكسر و اكتئاب ..والله الدعاء سلاح وهدية كبيرة لنا من الله تستحق كل الشكر عليها ، يارب يبلغني واياكم كل خير❤️
جاري تحميل الاقتراحات...