رتبها

⛔ | إذا كانت هذي المرة الأولى اللي تشوف فيها مسلسل #حلول_سعدون
✅ | شوف هذا الثريد .. عشان تكون معنا في الصورة ونرحب فيك يا جميل 🤗
.
.
⭕ | وبسم الله نبدأ قصة الحلقة 5️⃣

◾ بعد أسبوع جميل حقق فيه سعدون مع فريق العمل نجاح مُبهر عشان استخدموا منهجية لتقليل شكاوى العملاء
◾ اشتغلت اللمبة 💡 فوق رأس سعدون وقال:
◾ كيف استخدم "العصف الذهني" بشكل صحيح وفعال؟

◾ وفي صباح يوم جميل وأثناء ذهابي لمكتبي الصغير الجميل المُطل على مواقف السيارات 😁
◾ وإذ بسعدون "مُقبل" ويكلم نفسه ؟؟
◾ ناديته "سعدون بسم الله عليك وش فيك تكلم نفسك" ؟؟
◾ رفع رأسه .. وقال: يا أخي أنت وينك؟ لي 3 أيام أدور عليك؟

◾ يا حبيبي يا سعدون .. كنت أقدم ورشة عمل لمدراء المشاريع عندنا بالشركة
◾ رد سعدون وقال: وطبعاً شرحت لهم عن "العصف الذهني" صح؟
◾ أيوة صح شرحت لهم عن العصف الذهني .. ايش فيك؟؟
◾ قال: وانا قايلك من هذاك اليوم وساحب علي؟؟

◾ تقهقت من الضحك قليلاً .. وقلت له: أنت اليوم شكلك ما أفطرت ولا شربت قهوة 😁
◾ تعال مكتبي وخليني أزبطك بفنجال قهوة وأشرح لك العصف الذهني .. تأمر أمر يا سعدون
◾ دخلنا مكتبي الجميل وتقهوينا .. وبدأت اشرح له

◾ شوف يا سعدون عشان تعرف كيف تستخدم العصف الذهني بشكل صحيح، لازم نجاوب على هذي الأسئلة:
❇ ايش هو العصف الذهني؟
❇ وأنواعه ومتى نستخدمها؟
❇ و ايش هي قواعده؟
◾ خلنا نجاوب على كل واحد فيهم

❇ ايش هو العصف الذهني؟
◾ يا سعدون العصف الذهني هو طريقة عشان نجمع أكبر عدد من الأفكار في وقت قصير
◾ هذي الأفكار إما تكون "أسباب" أو "حلول" لمشكلة معينة أو برضو أفكار لوضع خطة مستقبلية
◾ والمهم هنا إنك تجمع أكبر عدد ما يهم هل الفكرة جيدة ولا شاطحة
.
.
⁉ نروح للسؤال الثاني

❇ أنواعه ومتى نستخدمها؟
◾ للعصف الذهني أنواع كثيرة لكن أهمها :
1️⃣ المنظم
2️⃣ الغير منظم
3️⃣ طريقة دلفي
◾ لازم نحدد أي نوع راح نستخدم
◾ خلنا نشوف كل نوع عشان تعرف متى تستخدمه؟

1️⃣ المنظم
◾ هذا النوع ينفع للعصف الذهني "الحضوري"
◾ يعني نجتمع على طاولة دائرية مع فريق العمل
◾ ومنظم .. يعني نبدأ بالدور من اليمين إلى اليسار
◾ يُستخدم إذا الفريق جديد أو فيهم شخص يستحي "مثلك يا سعدون" فتجبره إنه يتكلم، أو شخص إذا تكلم ما يسكت فيصير هو المشارك الوحيد 😁

2️⃣ الغير منظم
◾ هذا النوع ينفع للعصف الذهني "الحضوري" وعلى طاولة دائرية برضو 😀
◾ وغير منظم .. يعني أي واحد عنده فكرة يقولها ما يحتاج ينتظر دوره
◾ يُستخدم إذا الفريق اشتغل مع بعض من قبل وبينهم تفاهم وتعاون كبير وعددهم محدود

3️⃣ طريقة دلفي
◾ هذا النوع ينفع للعصف الذهني "الافتراضي" من غير طاولة دائرية 😁
◾ يُستخدم إذا الفريق يشتغل في مناطق جغرافية متباعدة عن بعض
◾ وبرضو يُستخدم إذا أنت عارف إنه في صراعات داخل الفريق وتخاف تصير حرب لا يُحمد عقباها
◾ وطريقته سهلة شوف 📷 توضح لك أكثر

الآن نجي للسؤال الثالث:
❇ ايش هي قواعده؟
◾ في قواعد للعصف الذهني لازم تطبقها ولا ما راح تستفيد شيء
1️⃣ هيئ الفريق من بدري
2️⃣ عيّن شخص يسجل الأفكار
3️⃣ عدم المناقشة أو الحُكم على الأفكار
4️⃣ درب الفريق إنه يقول فكرته بسرعة
5️⃣ أنهي الجلسة إذا سمعت "باس - pass" كثيرة

◾ خليني أقولك ايش تعني هذي القواعد
1️⃣ هيئ الفريق من بدري
◾ يعني يا سعدون تواصل مع الفريق وقول لهم ترى بكرة راح نجتمع لجلسة عصف ذهني عشان نشوف مثلاً (أسباب شكاوى العملاء على توصيل المنتج أ)
◾ بكذا أنت تضمن إن الفريق يجيك الجلسة وهو مستعد و كل واحد في أفكار كثيرة في رأسه

2️⃣ عيّن شخص يسجل الأفكار
◾ قبل ما تبدأ جلسة العصف الذهني .. ضروري جداً تكلف شخص يكتب الأفكار الي راح يقولوها الفريق
◾ ممكن توفر لهم "ستكي نوت" و مجرد أي شخص يقول فكرته .. هذا الشخص يكتبها ويعلقها على الجدار
◾ أو ممكن تستخدم سبورة .. المهم لازم يسجل كل الأفكار

3️⃣ عدم المناقشة أو الحُكم على الأفكار
◾ انتبه يا سعدون هذي مهمة
◾ أثناء العصف الذهني ما في أي نقاش لأي فكرة
◾ مناقشة فكرة يمكن يأخذ وقت الجلسة وفي الأخير ما راح تطلع بأي فايدة
◾ والحُكم على الأفكار مثلاً بأنها "بايخة" أو "شاطحة" ممكن تخلي الأشخاص يوقفون عن توليد الأفكار

4️⃣ درب الفريق إنه يقول فكرته بسرعة
◾ يعني ما يصير يا سعدون شخص يقول كذا "أعتقد سبب الشكاوى على توصيل المنتج هو أن سائق الشاحنة ينام بدري وحتى الرفوف في المستودع توزيعها خطأ والعميل دائماً يطلب في وقت متأخر" ،
◾ يا إلهي 🤦‍♂️ .. لازم تكون الفكرة الوحدة جاهزة ومحددة ويقولها بسرعة

5️⃣ إنهي الجلسة إذا سمعت "باس - pass" كثيرة
◾ المفترض أي شخص خلصت أفكاره وعصرت مخه إذا جاه الدور يقول "باس" 🖐
◾ فإذا سمعت "باس" "باس" "باس" .. من أكثر من عضو
◾ هنا خلاص يا سعدون أنت وصلت للنهاية ولازم تقفل جلسة العصف الذهني

◾ وسلامتك يا سعدون .. إن شاء الله قدرت أوصل لك الإجابة لسؤالك الجميل
◾ وتذكر "العصف الذهني" مهم وجميل وتقدر تستخدمه مثل ما قلنا إذا كنت تبغى تعرف
أسباب لمشكلة
حلول معينة
أفكار لخطة مستقبلية
تغريدات لتويتر مثل ما أسوي بيني وبين نفسي 😁
◾ ويالله توكل على الله وروح شوف شغلك 😎

شكراً لوصولك هنا يا صديقي الجميل 🌹
أتمنى إن قصة سعدون لهذا الأسبوع .. أضافت لك قيمة لمعلوماتك 🤗
فإن أصبت فمن الله وإن أخطأت فمن نفسي والشيطان
ويقولك سعدون .. إذا أعجبتك قصته اضغط ❤
وأتشرف بمتابعتك 🤗
@a_falah

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد