السلام عليكم
انا طالبة في كلية صيدلة جامعة الخرطوم واحنا واقفين عن الدارسة من تاريخ الانقلاب فالبداية كان السبب الانقلاب وبعداك بدا أضراب الاستاذه اللي الطلاب كانو مساندنو جدا >

لكن للاسف ماف اي خطوات جادة اتاخدت من قبل الاستاذة غير الاضراب عن العمل في جامعة الخرطوم مع العلم انهم بدرسو في جامعات خاصة تانية بأقل بكتيررررر من الرواتب الطالبنها من جامعة الخرطوم و راضين بالحاجة دي >

انا ما بتفه في المطالب هي مطالب مشروعة جدا لكن لمن يكون الكلية بتتأجر لكليات خاصة واحنا قاعدين في البيت لينا ٦ شهور و دكاترتنا اللي المفروض مضربين بيقروهم و رواتبهم ماشة واحنا الوحيدين الحياتنا واقفة وللابدد لانو حسب تصريحاتهم الاضراب ده ممكن يستمر لسنة وطبعا ده لانهم ما مضررين

طيب الكلام ده بنقولو ليه لانو انا شخصيا قلت الروووووب في الصبر وبكل الانانية اللي في العالم بقول ليكم خرجونا بعدين قفلو الجامعة دي لو ما قادرين عليها وما عاجباكم رواتبها #خرجونا_واقفلوها #الاضراب_الكسول #ما_عاجبك_راتبك_استقيل

ونسيت اضيف بروف فدوى جاية اكسبو دبي تحكي عن انجازاتها في ظل الدفع المتراكمة في الجامعة ☺️