الحمدلله لي قريب ٦ شهور محافظ جداً على صلاتي و ما فوته ولا صلاه بحمد الله، في الثريد دا ح اوريكم كيف قدرت انتظم و بحمدالله في الصلاه من غير تقطيع و شنو كان بخليني زمان اقطع و كيف حليت الموضوع ♥️
اولاً- زمان كان دايماً مواعيد الصلاه بتروح على ب حكمه اني ما سمعت الاذان و كدا و الزمن ضايق، ف بكل بساطه استخدمت اكتر شي بستعملو في يومي ع اساس يذكرني الهو الجوال، و استخدمت الابلكيشن التحت دا و حرفياً ليهو فضل كبير جداً ف انو بيذكرني مواعيد الصلاه قبل دقايق من الاذان و كمان لمن.
الاذان ياذن بديك اشعار او تنبيه ب صوت اذان حسب اختيارك، و كمان فيهو خاصيه جميله جداً انو بوريك اتاجه القبله على وين و انا ك زول ما بعرف الاتجاهات الجغرافية (شرق، غرب…الخ) ف بساعدني لمن اكون عايز اصلى براي في مكان غريب او مافي مسجد قريب..
ثانياً-: دايماً كان بفوت على الصلاوات اني بكون برا ومافي مسجد قريب او مكان اتوضى فيه، ف قمت ختيت معاي صلايه دايماً في العربيه و قاروره مويه كافيه توضيني كذا مره او لو احنا كتار بتكفي الحمدلله، و غير كدا لمن اطلع من البيت بحرص اني اكون متوضى حتى لو موعيد الصلاه الجايه ما قريب.
ثالثاً-: كان سمعت واحد من كبار المشايخه بقول لو انت عايز تنتظم في الصلاه ما شرط من اول يوم تبدا تصلى كل الفروض، لانو ح تشوفه صعبه، و كان بنصح انو تبدا اول ايامك ب انك تصلى فرضين ل تلاته و مع الايام تبدا تضيف باقي الفروض و فعلاً بديت كدا لحد ما الحمدلله قدرت اواظب على كل الفروض.
رابعاً: قريت عن الموضوع كتير جداً و عم كيف حياتك حتتغير لمن تبدا تصلى و حرفياً دي حاجه انا عايشه في اللحظه دي الحمدلله
شكراً جداً ل اي واحد من اصحبي دايماً كان بقومني للصلاه و ممتن جداً ل امي انها دايماً كانت بتتكلم معاي قي الموضوع و ما وقفت ابداً ♥️
شكراً جداً ل اي واحد من اصحبي دايماً كان بقومني للصلاه و ممتن جداً ل امي انها دايماً كانت بتتكلم معاي قي الموضوع و ما وقفت ابداً ♥️
اخيراً
كونك تبداً من الليله مهما كان سنك ابداً مافيها شي غلط او عيب، الغلط انك ما تبداً ابدا. ( ان تصل متاخراً خيراً من ان لا تصل)
كونك تبداً من الليله مهما كان سنك ابداً مافيها شي غلط او عيب، الغلط انك ما تبداً ابدا. ( ان تصل متاخراً خيراً من ان لا تصل)
فعن ابن مسعود رضي الله عنه قال سألت رسول الله صلى الله عليه وسلم: "أي العمل أحب إلى الله قال: الصلاة على وقتها. قال ثم أي؟ قال: ثم بر الوالدين. قال: ثم أي؟ قال: الجهاد في سبيل الله"
جاري تحميل الاقتراحات...