مغالطات انتشرت هالفترة:
١- "البتكوين ماهو ملاذ آمن لنزول سعره مع بقية الاسواق، على خلاف الذهب…"
اولاً ماحد زعم ان البتكوين ملاذ آمن على وضعه الحالي، وجُل المستثمرين يعولون على ربحيته
البتكوين ملاذ آمن تحت التطوير، يعني لازال في مرحلة بناء قيمته مادامه تحت التعدين ✨

مو شرط يتعدن كل الـ٢١ مليون BTC ليكون ملاذ امن، لكن لازال التعدين اثره كبير على المعروض مقارنة بالذهب
رغم اتساع نسبة المقبلين عليه كل عام، الا ان قبوله والثقة فيه لازالت تحت التطوير، يعني غلط تقارنه حالياً بالذهب الي يجمع عليه البشر وعمره آلاف السنين!

٢- "اللامركزية شعار تسويقي زائف بعد تضييق التطبيقات على رعايا دول عليها عقوبات، منها OpenSea و MetaMask…"
كمية هبد وتكييس مستفزة حول هالموضوع! 😒
اولاً اللامركزية الي يعول عليها الفاهمين هي الي فيها نظام مفتوح المصدر Open Source + ويأمّنها مستقلين + وحوكمة لامركزية DAO!

بالله عليكم فيه حوكمة لامركزية DAO لopensea او metamask ؟!!
يعني عقارتشين متجرها تربط فيه محفظتك الخاصة وتسوي المعاملة الي تبي، صارت لامركزية؟!! فيه تراخيص بالخليج لمنظمات لامركزية؟!
هذي تطبيقات لامركزية جزئياً، يعني تطبيقات عادية لكن بدون تسجيل، تعتمد على المحافظ

انا ما اقول ان قرارهم صحيح! اكيد غلط ويفترض يلتزمون بمعايير الانفتاح في الويب٣ .. لكن هذا رد على الي اختزل اللامركزية بتصرفات تطبيقات مركزية!
ماودي اجرح، ولا اقصد التجريح باحد، لكن الي يبحث بالتقنية ولا يعرف ابسط مقومات اللامركزية ما اعتقد انه كلف على نفسه بالبحث 💔