الله يحلو هاليوم و ذكري هاليوم 🇰🇼🇺🇸🇸🇦الحق ينقال اللي اذكره انه بعد شهور الغزو اللي مرت كانها سنين وقف فيها الزمن و حرب التحرير اللي كانت الارض تهتز من تحتنا مع كل ضربة.ما كنا مصدقين ان الكابوس انتهي. هاليوم يمثل فرحة عمري 🇰🇼❤️ودي اشاركم ذكريات ما تنسي و اتمني تشاركونا ذكرياتكم🌺
اللي ما انساه من الغزو، قبل ما ينسحبون سمعنا الجيش بدا يطوق المناطق و صاروا يدخلون البيوت يسحبون الشباب منها من غير سبب. وقتها وقفت مع الوالدة الله يحفظها و اخواني و الخوف والهلع وقتها فوق ما اي انسان يتصور و كل همنا وين ممكن الشباب يروحون. الحمدالله عدت و ما دخلو بيتنا #الصامدون
والمضحك من ذكريات الغزو ان بعض الجيران كانوا بدوا قبل الغزو يسلمون علي كل من يخالفهم بالمذهب ب " السلام عليهم".صار الغزو واللي ما هرب منهم تغير ١٨٠ درجة وصارت الناس قلب واحد و بيت واحد. كان التحام ووطنية صادقة جميلة🇰🇼 اتمني اللي عاش هالايام ما ينساها
و طبعا بعد التحرير كل من يشكي للثاني همه اللي كان بالداخل " الصامدون" كنا نسمي روحنا بفخر و اللي اضطر يقعد برة الكويت و عاش علي اعصابه و ما قصروا اخوانا بالخليج اللي استضافوهم.و في فئة اختفت و هربت من اول يوم 😂لكن ان تعيش في بلدك و هو محتل شيء لا ينسي ابدا. الله يحفظك🇰🇼
فرحة التحرير و الذكري اليوم اكبر و اجمل ذكري في حياتي. اتمني اسمع منكم ذكرياتكم و كل عام و بلدنا حر #عيد_التحرير #اللهم_احفظ_الكويت_واهلها
جاري تحميل الاقتراحات...