الأعمال
علم الاجتماع
التوظيف
الموارد البشرية
اتجاهات السوق
تحول الموظفين
الاختلافات الجيلية
دراسات الأجيال
كنت باقرا شوية عن الـturnover (معدل/نسبة رحيل الموظفين من الشركة ونسبة تعويضهم بناس جديدة) وكان فيه أرقام مهمة وظريفة عن الموضوع ده:
١/ متوسط استمرار الموظف في شركة واحدة كان حوالي 9 سنين في التمانينات 1980s، بينما في سنة 2020 وصل لـ3.5 سنة بس، والرقم هيقل أكتر قريبًا ..
١/ متوسط استمرار الموظف في شركة واحدة كان حوالي 9 سنين في التمانينات 1980s، بينما في سنة 2020 وصل لـ3.5 سنة بس، والرقم هيقل أكتر قريبًا ..
٢/ فرق الأجيال بيحدد بشكل كبير طبيعة ونسبة الـturnover وشكل الشركات، جيل الـmillennials مواليد 1981-1996 هو صاحب أكبر نسبة حاليًا، والجيل ده بيتحرك بين الشركات أكتر 3 مرات من الأجيال اللي قبلهم زي Gen X مواليد 1965-1980 .. منطقي وتقدر تقيس ده عن طريق اللي حوليك الأكبر منك سنًا..
٣/ بشكل بديهي، الأجيال الأكبر من كده حركتها أتقل وأصعب وكمان علشان المفروض يكونوا في managerial and executive roles وتعويضهم صعب، إنما جيل الـmillennials أصغر بارتباطات أقل وفرص متاحة أكتر، وكل الأرقام دي هتقل أكتر لما Gen Z مواليد 1997-2012 نسبتهم تزيد في سوق العمل 😀
٤/ حوالي ٩٠٪ من الـmillennials معندهمش خطط يستمروا أكتر من 3 سنين في مكان واحد، وبالتالي تعويضهم بيبقى مكلف جدًا للمكان اللي هم فيه بسبب الخبرة اللي اكتسبوها والأدوار اللي بيلعبوها والمجهود اللي هيحتاجه توفير بدايل ليهم وتكلفة تعليمهم مثلاً
٥/ مرتب 6-9 شهور هو متوسط الرقم اللي بتحتاجه الشركات لتعويض شخص مشي من مكان كان موجود فيه أكتر من سنتين، رقم كبير جدًا ومش سهل والتفكير المنطقي المفروض يكون ازاي أقنع الشخص انه يكمل عن طريق retention plans مش نفترض ان الأسهل نشوف غيره!
٦/ أسباب ان الناس تتحرك من مكان لمكان كتيرة طبعًا، أهمها الـfinancial package وبعدها الهروب من المدير السيء.. أسباب تانية زي ان الشركة تجيب ناس أقل كفاءة أو ان المناصب الكبيرة وصناع القرار تبقى بناءً على الأقدمية والسن ومش على أساس الكفاءة وده بيعصّب الـmillennials - منطقي 😀
المقال ده بيشرح أكتر الموضوع بالإضافة لنقطة مهمة وهي اللي كانت السبب اني اقرا عن الـturnover: إزاي نقلل من ضرر الـknowledge loss اللي بيحصل لما أي شخص من التيم بيمشي وإزاي نعمل offboarding كويس يخلي التيم عارف ياخد handover .. شكرًا 🙏
hellonesh.medium.com
hellonesh.medium.com
جاري تحميل الاقتراحات...