من الحاجات الجيدة هو فهم طبيعة كنه اللون ودوره بإنه أحد طرق التعبير في الفن 👌👌👌
أما فيما يخص لون البحر فده راجع لظاهرة فيزيائية تختص بضوء الشمس وخواصه في الانعكاس على سطح الماء والنفاذ عبر الماء و ده هو سبب ظهور المياه باللون الأزرق على الرغم من أن لونها مش ازرق .. وبدليل إن

في الليل المياه بتكون سوداء معتمة .. ولما بيقل نفاذ الضوء حسب العمق بينعدم لون المياه برضو ويصبح قاتم !!
أما فيما يتعلق بالفن المصري القديم اللون كان معتمد على أساس معدني في الأغلب .. هما كانوا بيستخدموا ٦ ألوان هي الأبيض وده ناتج عن الجير أو الجبس .. الأصفر من خام الرصاص.. اللون

الأحمر وده ناتج عن أكسيد الحديد .. اللون الأخضر وده ناتج عن خام النحاس .. واللون الأزرق وده ناتج عن أكسيد النحاس .. واللون الأسود وده ناتج عن مسحوق فحم الخشب ..
الألوان دي كان بيضاف ليها راتينجات نباتية عشان يتم استخدامها في حالتها السائلة.. كمان لازم نعرف ان الألوان دي كان ليها

سعر وكان أغلاها الأزرق والأخضر .. ولازم نعرف إن الألوان كانت من أهم مسروقات المقابر بإن يقوم اللص بالدخول للمقبرة ويقوم بغسل المساحات الملونة خاصة باللون الأزرق وإعادة بيعه .. نيجي بقى للون الأسود واللي واضح إنه كان من أرخص الألوان وأظن لو أجدادنا كانوا سود زي الإدعاء الكاذب

ده كان هيسهل جدا عملية الرسم وتكلفة الألوان الباهظة اللي كان بيتحملها صاحب المقبرة ...
مفيش حاجة في الحضارة دي حصل بمحض الصدفة وكان عندهم ميل للتعبير الواقعي والتعبير عن الأفكار والعقائد ...
وده كان الدور المهم للون في إستكمال حالة مزج الفن بالحضارة في مصر القديمة !!!