رتبها

و لكن آفة حارتنا هي النسيان...
ثريد، لمن يهمه أن يعرف الحقيقة الي تم محوها مجاملةً، ثريد لمن عنده الشجاعة أن يتحدي التصور الوردي لماضينا و حاضرنا، ثريد للي عايز يعرف حقيقة الذل و الضياغ...

و لكن آفة حارتنا هي النسيان...
قالها نجيب محفوظ، فاضحًا عوراة العقل المصري الساذج
الأمة الي دونت تاريخها علي البردي، و نقشته بالحجر علي الحجر، و لكن نسيته الأذهان، فأصبحت كالحمار يحمل أسفارًا..

عمرك سألت نفسك ، ازاي وصلنا ان تاريخنا أصبح نهيبة لكل من هب و دب، يهودًا و عربًا، سودًا و بيضًا ؟
ازاي مصر أصبحت قربان يقدم لأراذل الأرض، بلا أي مقاومة من شعبها الغافل ؟

ليه أقدم و أعظم دولة في العالم القديم، تعاقب عليها المحتلين أكثر من ٢٠٠٠ سنة منذ دخول الفُرس و حتي عبد الناصر، أول حاكم وطني مصري من بعد نختنبو الثاني ٣٣٢ قبل الميلاد ؟
لغتنا و هويتنا راحوا فين، و ازاي قبلنا علي نفسنا اننا نكون مواطنين درجة رابعة في بلدنا كل دا ؟

"مصر لمن غلب"
شعار رفعة المحتلين منذ الفرس و لحد الإنجليز، أي إن مصر للأقدر علي إحتلالها و نهب ثرواتها و مص دم أبنائها و الإمعان في إذلالهم و فرض ثقافته عليهم
أما "مصر للمصريين" الشعار الي بينبذ دلوقت رافعوه بالعنصرية، هو الشعار الي رفعه عرابي في ثورة الفلاحين ١٨٨١

أما اللورد كرومر في تقاريره الحكومة البريطانية، قال انه بيفضل ان مصر تبقي محكومة من جميع الأجناس و سماها "مصر المعولمة"، فيكون برلمانها متكون من الأفارقة و الآسيويين و الأوروبيين، و يتحكوما بالتوافق في مصيرها
و نعت الرافضين لده "بالعنصريين المتعصبين المتجمدين" :)

تدور الأيام و يأتي من نسل الفلاحين الثائرين مع عرابي، من يتبني الإتهامات الي اتهمها المحتل كرومر للمصريين، بأن الي شايف إن مصر للمصريين فيهم و مش نهيبة للعالم هو عنصري
و تتعدد الحجج، بين عروبة و إسلام و تعددية ثقافية و شيوعية عولمة و قومية إفريقية

أما أكثر الحجج دي إثارة للضحك هي الإنسانية الي بتتوزع علي شعوب الأرض جمعاء معادا المصريين، فتري المتشدقين بالإنسانية متبنين مظلومية الحمير الوحشية في كينيا، قبل ان يتبنوا مظلومية قري الصعيد الي موصلهاش صرف صحي لحد يومنا.

حتي أصبح المصريين يحتفون بجلاديهم، فسموا شوارعهم بالخليفة المأمون و سليم الأول، و أصبحوا دونًا عن شعوب الدنيا كلها يتصارعون لنسب أنفسهم لجد سابع عثماني أو إيجاد نسب سحيق للعرب، و كل عيلة تنسج من خيالها ما ينسبها للعرب الأوائل، و دا أصله من قبيلة كذا من اليمن و دا من الحجاز

و أصبحت مصر و علمها و تاريخها و مجدها و نضالها التحرري و منجزاتها الحضارية و الإنسانية قديمًا و حديثًا محل تزييف و تزوير و سرقة
بل و حتي إسمها سواء قديمًا "كمت" وصمة عار في حق "ولاد كمت" أو حديثًا "ماسر" كما يسميها معدومي الكرامة الي بيفرحوا لما شوية خلايجة يقولوا عليهم "طعميات"

هنذكر الحقيقة كاملة، بدون مراوغة، بداية من بطلان ما يسمي كذبًا و زورًا ب"الفتوحات الإسلامية"، هذا التوسع السياسي الي كان الهدف منه أسباب إقتصادية و زيادة نفوذ الإمبراطورية العربية الواعدة.

و لو كان الهدف هو الإسلام زي ما بيتدعي الكذابين، مكنتش مصر ظلت أغلبيتها مسيحية لحد القرن ال ١٤
و مكنش زمان المصريين بيدفعوا نفس الضرايب بعد ما أسلموا زي من بقي علي المسيحية

حتي ان القبائل العربية الي غزت مصر مكثت منعزلة عن المصريين اكثر من مية سنة محدش فيهم نزل دعاهم للإسلام، و كل اهتمامهم كان بالتجارة و المكسب المادي

و ينقل الطبري في كتاب تاريخ الطبري الأتي، و نلاحظ في كلام الخليفة عمر إنه مكنش مهتم بأمر مصر، و لا يعنيه الا أمر أهل المدينة، فأمر بحفر قناة من النيل للبحر الأحمر عشان تبعت الغوث ليهم، و يفقر أهل مصر عادي

و عن ابن عبد الحكم في كتابه فتوح مصر عن عمرو ابن العاص في كلامه مع عمر ابن الخطاب عشان يقنعه بفتح مصر
"انك ان فتحتها كانت قوة و عونًا لنا، فهي أكثر الأرض أموالاً، و أعجزها عن القتال و الحرب، ما رأيت مثلها قط و كثرة ما فيها من أموال"

ثورات المصريين في عهد الأمويين والعباسيين مكنش موجود زيها الا نادرا في أي مكان في الخلافة.
بل اننا في الدولة الرومانية ماثرناش بكثر و حدة ما ثرنا علي الأمويين و العباسيين، و أشرهم و أشدهم هو ثورة البشموريين علي الخليفة المأمون
هذا الجلاد الي بنحتفي بيه و مسميين شارع علي اسمه.

و الكلام دا لأي حد سواء مصري أو غير مصري بيقول "العرب حرروكم"
و اه نسيت
القصة المشهورة بتاعة عمر ابن الخطاب "متي استعبدتم الناس" دي أثر ضعيف بيضحكوا عليكم بيه عشان انتم لقطة.

و الحقيقة ان العرب كانوا بيشتمونا شتايم قبيحة جدًا في أدبيات كثير، من المواقف المشهورة هي ان عيلة مصرية حبت تنتسب للعرب، فالعرب مقبلوش ان مصريين يقولوا علي نفسهم عرب، فرفعوا للقاض شكوي بدا و كتبوا قصيدة هجاء إفتتحوها بانهم قالوا علي المصريين "بني البظراي"
يعني يا ك*مكم يعني

ازاي يا قبط تكونوا عرب بأصلكم الوضيع دا ؟
و قعدوا يضغطوا علي القاضي لحد ما نقض العروبة عن "أهل الحرس" المصريين
فأبشر العرب و كتبوا في القاضي المديح و فرحوا إن "المصريين الوضيعين" ليسوا منهم

و لكن الحقيقة ان المصريين الي حاولوا ينتسبوا للعرب دول كانوا قلة من الي أغراهم الإمتيازات الطبقية للمحتلين و حاولوا يتهربوا من مصريتهم
و الأغلبية الساحقة من المصريين، و حتي أربعينات القرن الماضي، كانوا رافضين العروبة رفض مطلق، بل ان أغلبهم إرتبط في أذهانهم ان العروبة =بدو رحل

و احنا فلاحين مستقرين في أراضينا قاعدين جنبها نزرع و نحصد
الثريد مش منوط بيه يعدد جرايم المحتلين، من أول الفُرس لحد الإنجليز، مرورًا بالإغريق و الروم و العرب و الفاطميين و الأيوبيين و العثمانيين
لكن القلب يحزن أن صدقت فينا نبوءة أجدادنا، فلم يبقي من مصر الا شواهد القبور...

و أه.
مصر مش أم الدنيا
مصر أم المصريين فقط.
مصر مصرية للمصريين، شاء من شاء و ضرب دماغه في أتخن حيطة من آبي.
مصر مصرية تاريخها مصري و ليس أوروبي أو أسود أو إفريقي أو عربي أو شمال إفريقي أو شرق أوسطي أو بحر متوسطي أو أي مسمي أخر بيشرك غيرنا في حقنا و تاريخنا و أرضنا و قصتنا.

خالد الفيصل والي مكة بيقولك حنا عرب يا مدعين العروبة..
ممكن يا مدعين العروبة تردوا عليه بدل ما جايبين لنا التهزيق و قلة القيمة من كل من هب و دب ؟ :)
youtube.com

أي حد مدعي عروبة حط الفيديو دا في وشه...
خالد الفيصل السعود والي مكة عامل قصيدة مخصوص عشان يهجي فيها "المستعربين" و يقولكم بطلوا تلزيق فينا، ممكن تبطلوا تلزيق فيهم بقي لو سمحتوا بدل ما أهنتونا كدا ؟ :D

طبعًا المتابع الميديا الخليجية هيعرف انتشار التيار الوطنجي الي بيكره المصريين كره العمي، زي مبارك البغيلي الكويتي و منصور البلوشي السعودي و عبيدهم الي بعشرات الألاف
في ظل الظروف الي بيتعرض ليها المصريين في الخارج، كون انك عايز تجرد المصريين من حتي فخرهم القومي الي حيلتهم...

فإنت راضي لأبناء وطنك الذل و الهوان
و دول للأسف مش بيصعبوا علي حد، مفيش مصري بيصعب عليه مصري زيه، مش بيصعب علينا غير بتوع الشيشان باين، لازم يبقوا ناس الشيخ بيدعيلهم ربنا ينصرهم عالكفار يوم الجمعة عشان يصعبوا علينا

هنجري بالزمن لحد بدايات صراع الهوية في مصر سنة ١٨٧٠، قبيل ثورة عرابية الوطنية، بين الداعيين لمصر مصرية و للمصريين، القوميين المصريين الي ظهروا قبلها بقرن من الزمن، الفريق المؤمن بخصوصية مصر و تاريخها و ثقافتها، و بين الفريق التاني الي مؤمن ان مصرية مجرد ولاية عثمانية.

و لحد ١٩٣٠، مع بداية ظهور القومية العربية، حيث طلع من وادينا المقدس و من بين مجاهدينا الوطنيين الي ناضلوا ضد الإحتلال من ١٨٣٠، أي من قبل ظهور القومية العربية بأكثر من ١٠٠ سنة، مصريين إنتسبوا للعرب

ظهرت القومية العربية في بدايتها إقصائة للمصريين غير معترفة بيهم عربًا عرقيًا أو تاريخيًا، الاقصاء ده وصل لمنع مصري من أتباع القومية العربية من التكلم في كونجرس العرب في بداية القرن العشرين و قالوله ان العروبة مقتصرة علي من هم "شرق مصر"

الموضوع ابتدأ يتغير بعد كده في منتصف الثلاثينات ساطع الحصري رائد القومية العربية السوري كان من رواد أن مصر هي الدولة الوحيدة القادرة على قيادة المشروع العربي وأنها تكون زي ما مدينة بروسيا كانت للوحدة الألمانية النازية أو بيمونتي لإيطاليا الفاشية

في نفس الوقت ساطع كان معترف أن القومية العربية مكنتش ايدلوجية ليها اي شعبية في مصر والمصريين مهتموش لانهيار الدولة العربية في سوريا

وده كان سبب أن العروبيين في العشرينات والثلاثينات كانوا بيبصوا للعراق أنها الدولة القادرة على قيادة العرب ساعتها مكنش فيه غير اربع دول متحررة مصر والعراق واليمن والسعودية، اقصوا اخر اتنين كانوا شايفينهم بدائيين وقبيليين والأولى مشغولة في نفسها فمكنش فيه غير العراق

الكلام علي لسان تلميذ ساطع الحصري "سامي شوكت"
في الإربعينات القومية العربية كانت لازالت ضعيفة و تكاد تكون صفرية بين جموع المصريين مصر و لكنها ابتدت تقوي بعد الثورة في فلسطين، النحاس باشا رئيس الوزراء المصر الي اتفرض ساعتها علي الملك فروق وجدها فرصة إنه يجعل من مصر دولة مركزية

في العالم العربي عشان "يحقق نقاط" علي حساب الملك
في الأربعينات الجامعة العربية بعد التشاور بين نحاس باشا وانثوني ايدين كانت بتتكون ، على خلفية النزاع بين النحاس باشا والملك فاروق الي كان هو كمان عنده امل أنه يكون خليفة بس منجحش

و حتي مع الأحداث في فلسطين ظلت القومية المصرية ضاربة في أعماق روح المصريين، حتى عبد الناصر في بدايته مكنش عروبي مبقاش عروبي غير بعد كده في ٥٣.
السياسي السوري صلاح البيطار بعد فشل الوحدة قال إن العروبة عمرها ما كانت عميقة في مصر.
و هو نفس كلام محمد حسنين هيكل.

نفس الكلام قاله عبد الرحمن عزام أول أمين عام لجامعة الدول العربية، إن المصريين منعزلين في حدودهم الطبيعية وتراثهم الفرعوني محفور فيهم و انهم بعاد كل البعد عن العروبة

البغل عزام دا قبلها هاجم طه حسين عشان قال ان المصريين مش عرب و نادي بالقومية المصرية و إن العرب ما هم الا محتلين كغيرهم
لحد ما عرف بنفسه معرفة اليقين ان كلام طه صحيح و إن المصريين بالفعل ليست منهم العروبة بشئ.

الوحدة اصلا كانت فكرة السوريين وهما اللي فرضوها بعد الحاح على عبد الناصر، و لكنهم كانوا بيعيطوا مش عايزين وحدة مركزية تكون لمصر الهيمنة فيها
في حين ان عبد الناصر كان رافض الوحدة في البداية و لكنه رضخ في الأخير بعد ما جابوله صداع من كتر الزن

المهم تمت الوحدة بعد زن أخواننا السوريين و حصل الي عبد الناصر كان متوقعه، سوريا ابتدت تعارض "التدخل المصري" في شئونها وابتدوا يتكلموا عن "الهيمنة المصرية" 😂😂😂
عبد الناصر قال إنه مش عارف يعمل ايه لو مصر بعتت ناس يبقى هيمنة مبعتتش تبقى مش مهتمة
بس يا تري ايه مظاهر الهيمنة دي؟

مظاهر "الهيمنة" الي السوريين قعدوا بصرخوا عليها دي كانت اي تواجد مصري في سوق العمل!
حتي انهم ساوا تواجد العمالة المصرية الي كانت عبارة عن مهندسين و دكاترة ب"الإحتلال العثماني و الإنجليزي و الفرنسي" لحد ما طردوا العمالة المصرية كلها من هناك!

تلف الأيام و ييجوا بلدنا لاجئين بالملايين، و الي ضربك علي قفاك امبارح يا مصري يا مريض الزهايمر، يا صاحب آفة النسيان، تركبه فوقك في بلدك، و كإنكم شعب بدون أي ذاكره، ما علينا....

هل تعلم عزيزي المصري انه كان شائعًا ان المدارس المصرية تكون خالية من المدرسين أيام عبد الناصر عشان البيه كان بيبعت المدرسين للدول العربية المحيطة لإنه كان مؤمن ان دور مصر انها تضحي بتعليم عيالها عشان خاطر عيال "اخواتها العرب" مهما كان الثمن ؟

حاجة لطيفة كمان، عبد الناصر طلب قرض من صندوق النقد الدولى ومنحة غذائية من امريكا وحط تدخله في اليمن وتكلفتها عليه كسبب
احلى تحرير اليمن من الامبرالية والرجعية واشحت انا 👈👉🥺
و هي دي الهيمنة المصرية الي كان "أشقائنا" بيصرخوا منها.

من المضحكات المبكيات إن السفه و الجنون وصل بيهم انهم يلوموا المصريين علي قلة الأمطار!!!! وكأن المصريين مسكوا عليهم محابس السماء

و اتطور وصفهم لينا من "هيمنة" ل"تسلط" ل"استعمار" اه و الله بقوا يعتبروكم انتم و وحدتكم زي الإنجليز كدا
و اعتبروا ان ارسال الظباط السوريين لمصر "منفي" ليهم
تذكرة، السوريين هم الي طلبوا الوحدة، مش احنا.

طبعًا مش محتاجين نقول ان ناصر ذات نفسه ندم اشد الندم و ضرب نفسه بالجزمة علي قبوله بالوحدة
و عرف ان قوة الأمم مش بمساحتها او عدد شعبها، و لكن بقوة أضعف جزء فيها، الي كان في حالتنا سوريا

و لك ان تتصور ان دي وحدة بين دولتين بس، فما بالك بخلافة عربية/اسلامية شاملة تضم فيها كل الدول المهلهلة المفككة المضروبة بكل المصائب دي ؟
فبدل ما تكون نقطة ضعف وحيدة، تكون يمن و عراق و لبنان و سوريا و سودان و ليبيا، الخ الخ.
هو دا النموذج "الوردي" الي في أذهان يتوع الخلافة.

فعلي عكس نسيج مصر المجتمعي القوي الواحد، فتكوين الشام عمومًا حسب ناصر "الغريب" هو السبب في انهيار الوحدة
فهم مفككين طائفيًا و عرقيًا، و كلهم بينقلبوا علي بعض، غير مؤمنين بفكرة الوطن، بل و بيتعاونوا مع المستعمر لضرب بعضهم بعض!
متستغربش ما آلت اليه الأمور عندهم...

بل و لا تستغرب خيانتهم و تآمرهم مع المستعمر عليك انت شخصيًا، زي ما تآمروا مع الإنجليز ضد ثورة عرابي لإنهم شافوها و شافوا شعار "مصر للمصريين" تهديد لمكانتهم كأجانب في مصر علي أصحاب البلد الأصليين!

بل و أصبحوا أبواق المحتل الإعلامية، تلمعه و تحارب ثورة أجدادنا و نضالهم!
خانونا، شأنهم كشأن كل الأجانب في مصر علي مر ٢٢٠٠ سنة، حربهم علي المصريين أصحاب البلد، للحفاظ علي مكتسباتهم كأجانب، و ليذهب فلاحوا مصر الغلابة و عمالها الطيابة الي الجحيم!

هو دا ما يروج له في الإعلام انه عصر الإنفتاح و الكوزموبوليتان" أيام فاروق و اننا كنا "عايشين أحسن عيشة"
و لكن الحقيقة اننا كنا عايشين أحط و أوسخ عيشة، تحت رحمة أجانب، مش مهم صورة وجودهم، مش مهم هم محتلين ولا لاجئين ولا مستثمرين، فأي أجنبي مهما كان أصله و فصله، يتسيدنا في بلدنا!

نعوم تشومسكي أهم يساري في الكوكب، قال في كتاب ماذا يريد العم سام ان أكبر تهديد علي الهيمنة الأمريكية و سرقتهم للموارد هم "وطنيين العالم الثالث"
عرفتوا مين الي عايز يشوه وطنيتنا و يجعلها عار، و يجعل علم مصر في البايو حاجة تتكسف منها تويتر ؟

لم أجد شعبا كهذا الشعب هان وجودُه على نفسه وانطمس تاريخُه في ذهنِه...أسرف في اللِّين حتى رُمي بالجُبن وأمعن في التسامح حتى وُصف بالبَلادة وأفرط في التواضع حتى نسي الأنَفَة وبالغ في إكرامِ الغرب حتى أصبح في وطنِه هو الغريب!!
من أين داهمتك هذه الذلة ؟

نسب يزحم النجوم، و حسب يطول الدهر، و ماض كالشمس نفذ الي كل الأرض و سطع في كل أفق، و واد كرفرف الخلد زخر بالغني و فاض بالنعيم! فكيف لا يرفع صدرك هذا النسب، ولا ينصب صدرك هذا الماضي ؟!

مالك تمشي في أرضك خافت الصوت، خافض الجناح، ضارع الجنب، كأن النيل يجري لغيرك، و كأنما الأثار تتحدث الي سواك!
لقد أصبحت في بلدك المنكود تحيا حياة الجسم كما يحيا الأجير و الخادم، أما حياة الروح التي ينبض فيها القلب بعزة القومية و الوطنية، فقد أماتها فيك الوباء الرافد في كل مكان...

إن إخوانك في لبنان لا يحبون الغريب الا صيفًا، و إن إخوانك في العراق لا يكرمون الأجنبي الا ضيفًا"
-أحمد حسن الزيات
الكلام دا قاله من أكتر من ٩٠ سنة، ٩٠ سنة مرت علي استقلالنا بقرارنا و لازلت عقدة الإنبطاح للأجنبي مسيطرة علينا...

"شوف جدودك فى قبورهم ليل نهار.. من جمودك كل عضمة بتستجار.. صون أثارك ياللى دنست الآثار.. دول فاتولك مجد وانت فُوت عار"
غناها سيد درويش من ١٠٢ سنة، ثورة ١٩١٩، ولازالت كل عضمة في قبور الأجداد من جمودنا و برودنا بتستجار..
اسفين يا عرابي...

وصية حور..وثيقة العهد لحماية مصر من الاحتلال، كيف نسيناها؟
مصر.. لا شرقية ولا غربية، لا جنوبية ولا شمالية، لا عربية ولا إفريقية، مصر مصرية، للمصريين، بالمصريين.

كام معلومة أخيرة نسيتهم نهدم بيها كام صنم كمان...
مفيش حاجة إسمها "ثقافة عربية" بتجمعنا من المحيط للخليج، مفيش اي تشابه بين حياة المغربي و المصري أو اللبناني و اليمني...
و الثقافة العربية مرتبطة بالبداوة و الترحال، و هي صفات بعيدة عن المصريين الفلاحين.

و الحقيقة ان منذ عصر الأمويين و مكنش فيه حاجة اسمها خلافة تجمع المسلمين كلهم، و كانت ممالك متتابعة و متحاربة، فمش "الغرب الي قسمونا" زي المدلسين بيقولوا.

أي حد يقولك الحدود تراب صنعها المستعمر قوله معلش يا حبيبي
حدود مصر من الأبيض المتوسط (بحر الروم) شمالًا اسكندرية، برقة و الواحات الغربية غربًا، أسوان جنوبًا، العريش و رفح شرقًا. (المقريزي ٧٦٤ هجرية)
حدودنا مصنعهاش المستعمر، حدودنا صنعناها احنا من قبل ما المستعمر يطلع من للكهوف.

ختامًا أحب أشكر صديقتي الي ساعدتني في تجميع المعلومات بس مش عايزة تظهر في الكادر
و أشكر الأستاذة العظيمة الرائدة افتكار البنداري الي مدونتها و كتبها ساعدتني قوي

جمال عبد الناصر في أخر أيامه عن القومية العربية
"بالنسبة يعني واحد مثلاً يقولك احنا لازم نحارب جتي لو نضحي بمليون، فأنا رديت قلت له: "تضحوا بمليون مصري... ولا تضحوا بمليون إيه"
كالعادة، و بكل عنجهية، الدم المصري بينظروا إليه كتمن رخيص، و انك تحارب لهم بالوكالة كحق مكتسب

بخصوص الغزو العربي المسمي "فتح اسلامي"
١- ايه سبب تعاقب المحتلين من بعد ال"فتح" الأول لحد العثمانيين لو كان الغرض دخول الإسلام؟
٢- ليه كانوا بيصعبوا علي المصريين الدخول في الإسلام و بيرفضوا يسموهم مسلمين اذا دخلوا و تتحول أرضهم من أرض خراج ياخدوا عليها جزية لأرض عشور؟

الكلام شارح نفسه، بس قصة ان عمر بن العزيز استشار العراك في أخذ الخراج عن حتي أموات المصريين، حتي الي بيموت كانوا مش عاتقينه تحت التربة، قام العراك قاله المصريين متاخدوش بعهد، دول اتاخدوا بالقوة، فهم في حكم العبيد

"انما هم في منزلة العبيد ان احتجنا لهم!"
جوهر الصراع كان قومي و ليس ديني، فإنمهك المصريين في إدعاء أنساب عربية بالرشاوي ان كانوا مقتدرين، فالفيصل كان العروبة و ليس الدين، لإن اعتناق المصريين الإسلام ام يعفهم الجزية عن رؤوسهم و الخراج عن أراضيهم التي تظل "كافرة" ولو أسلموا