طيب .. أنا هتكلم في موضوع ما منتشر اليومين دول .. بخصوص إمام بمديرية أوقاف مطروح "مصطفى محمود" .. وأنا من عادتي إن لما يكون في موضوع معين .. مابمشيش ورا وجهة نظر اللي طلعه ترند ، بس بشوف الموضوع على حسب الموضوع نفسه وأقول رأيي الشخصي .. فهقول كام حاجة كده لفتت نظري .
بس أولاً علشان أعزل رأيي الشخصي عن الترند ده . فيه مجموعة أشخاص خانت لبلدها وروجت للباطل واخدة الموضوع ده تجارة ومزايدة .. فالله الغني عن تفسيرهم وصوتهم ، وفيه اللي بيطلع بنغمة إن الدولة بتحارب الإسلام .. ودول محتاجين ناس تفهمهم إن الموضوع مش بالشكل ده أبدًا . عمومًا هبدأ أكتب ..
الفكرة إن الإمام ده بعد آذان "العشاء" طلع بث مباشر وصور المسجد عنده فاضي . راح خرج بره المسجد والشوارع كانت شبه خالية ، صور هو 2 كافيتيريا من بره . سمعنا صوت ناس جوه . هو في أثناء التصوير ده كان عايز يقول إن ده إنحلال وفساد إن الناس تسيب الصلاة علشان الماتش . ده ملخص اللي هو عمله
وزارة الأوقاف على صفحتها قالت إنها وقفته (إما 3 شهور .. أو حتى إنتهاء التحقيق) أيهما أقرب .. السبب المعلن من جانب صفحة الوزارة إنه أساء إستخدام مواقع الإجتماعي .. طبعًا فيه اللي قال لك الدنيا قامت علشان منى زكي ، لكن ساكتة وقت الشيخ وعايزة تاخد الموضوع إن فيه حرب ممنهجة وكده .
طيب .. نشوف كده الوضع ، فيه هاشتاج بيطالب بعدم وقف الإمام ، ماشي مفيش مشكلة وأظن إن جزئية (أو حتى إنتهاء التحقيق) هي اللي ممكن تمشي .. مش 3 شهور .. فيه البعض بيطالب إنه يرجع وأنا معنديش مشكلة .. ماشي يرجع ودي حرية رأي في بلدنا اللي بتدعم حرية الرأي أكيد ومحدش يختلف .
لكن أنا برضه عندي كام نقطة هقولهم ..
-
1- هو عمل البث بعد آذان صلاة العشاء .. اللي إترفع الساعة 7:02م حسب توقيت مرسى مطروح .. وده صادف إن الشوط الثاني كان بادئ من قريب ..
طيب : ترتيب الأفضليات إن الصلاة طول ماهي أقرب لما بعد الآذان فهي أفضل أكيد .
بس صلاة العشاء ممتدة على فكرة
-
1- هو عمل البث بعد آذان صلاة العشاء .. اللي إترفع الساعة 7:02م حسب توقيت مرسى مطروح .. وده صادف إن الشوط الثاني كان بادئ من قريب ..
طيب : ترتيب الأفضليات إن الصلاة طول ماهي أقرب لما بعد الآذان فهي أفضل أكيد .
بس صلاة العشاء ممتدة على فكرة
ممتدة أيوه ، هي حكمها كده .. وفي المسموح طالما قبل صلاة الفجر بفترة كافية .. (مش بتكلم عن الأفضلية ، لكن بتكلم عن المسموح) . فالإمام هنا كان ممكن ينتظر فترة ومايتسرعش في الحكم على الناس طالما ربنا موسعها . لكن هو إستعجل شوية من وجهة نظري (أنا بتكلم عن وجهة نظري ومفترض حسن النية)
وبحكم إن فيه ماتشات كتير إتلعبت في البطولة .. وحتى في نفس اليوم الإمام مطلعش البث بعد المغرب لأن الماتش لسه مابدأش .. يعني معنى كده إن الناس مش هاجرة المسجد ، لكن هي أدرى بتنسيق مواعيدها وكل واحد بيختار التوقيت اللي يناسبه طالما في الإطار المسموح بيه .. وصلاة العشاء ممتدة عادي
2- الإمام من مهامه إنه يصور ويطلع للناس بره يناديهم؟! طيب .. هو الآذان مهمته إنه يبلغ الناس وقت الصلاة . تمام ، بعد الآذان مفيش مشكلة إنه يطلع ويدعو الناس إنهم يصلوا بشكل ودي وإستحبابي يعني .
-
لكن نقطة إنه يحكم على الناس (اللي كانت في التوقيت المسموح) إنهم في حالة إنحلال . غلط
-
لكن نقطة إنه يحكم على الناس (اللي كانت في التوقيت المسموح) إنهم في حالة إنحلال . غلط
فكان لازم يتم وقفه لفترة صغيرة علشان نقطة التحليل دي في الغالب .. إنت كإمام كنت عايز الحاجة الأفضل . بس إنت إتكلمت عن حالة إنحلال وفساد .. وتسرعت في الحكم على اللي إتفرجوا على الماتش . لأن العشاء ممتدة وإنت إمام وعارف كده . ليه تشوه صورة شباب مطروح (سواء بغير قصد أو قصد "ليه لأ؟)
3- صفحة الأوقاف محتاجة الفترة الجاية تركز على فكرة توضيح الخبر للناس .. مش نشره بس ، المفترض كانت تشرح أسباب الإيقاف المؤقت بشكل مفصل ، لأن المزايدين والمتربصين موجودين وهما بيعرفوا يستميلوا الناس بالباطل .. فلازم حتة الذكاء في الإيضاح دي والأمور تبقى تمام مفيش مشكلة
4- فيه نقطة التصوير نفسها؟ هل الشيخ من حقه إنه يصور الناس أصلاً وهو خارج؟ دي مختلف عليها بقى .. فيه نقطة إنه بيصور مكان عام فده ممكن نوعًا . وفيه اللي بيختلف ويقول لأ ماينفعش لشخص واحد .. دي نقطة خلافية .. بس ال 3 نقط الأولانيين هما الأكثر تأثيرًا يعني في رأيي
5- أنا ممكن مفيش مشكلة أقترح إن الإمام ده يرجع لنشاطه في وقتها . بس بشرط إنه يطلع لايف ويوضح للناس مقصده بشكل مهذب أكثر ، ويعتذر لتسرعه في التصرف وإبداء الحكم ويوضح للناس إن العشاء ممتدة بس الأفضلية في الإبكار .
-
ويبقى إستغلينا الترند ده في صالح الحدث وقدمنا صورة كويسة . وشكرًا
-
ويبقى إستغلينا الترند ده في صالح الحدث وقدمنا صورة كويسة . وشكرًا
جاري تحميل الاقتراحات...