تحياتي
ثريد عن كيفية ألتعامل مع الإعتقالات للناس الماعندها تجربة للغير منتمين سياسياً او المنتمين حديثاً وللرفاق في الاجسام الثورية ولجان المقاومة
ومهم جدا إنك تكون شغال وبعيد عن الإعتقال فوجودك في الخارج ضمانة لإستمرار نضالك والعكس إعتقالك ممكن يأثر في الحراك
بسم الله نبدأ
ثريد عن كيفية ألتعامل مع الإعتقالات للناس الماعندها تجربة للغير منتمين سياسياً او المنتمين حديثاً وللرفاق في الاجسام الثورية ولجان المقاومة
ومهم جدا إنك تكون شغال وبعيد عن الإعتقال فوجودك في الخارج ضمانة لإستمرار نضالك والعكس إعتقالك ممكن يأثر في الحراك
بسم الله نبدأ
1 إعتبر إنك هتكون معتقل لفترة 90يوم في أقل تقدير وماتتهجس من فكرة هطلع متين لأنك لو قعدت تفكر في ألحاجة دي هيتكتب في وشك عليكم الله طلعوني ودا مدخل لي تدميرك نفسيا والسيطرة عليك ومن ثم إستخراج المعلومة منك
2 إنت الأن معتقل عيش وإتعايش مع ألواقع دا فقط وألحاجات الى في ألخارج مابتعنيك زي ناس البيت هيعرفوا كيف ياربي امي هتعمل شنو الخ انسي القصص دي كلها لما تطلع هتعرف لأنك ببساطة ماف شي في يدك
3حافظ ع توازنك ملامحك تصرفاتك خليك عادي ومهما كان ماتخليهم يقرو إنفعالاتك وركز مع كل الحولك المكان ونستهم الأسماء البتتقال جمبك خلي زهنك فاتح وبديهتك حاضرة
4ماتديهم اي معلومة مهما كانت بسيطة لأنك لو إتكلمت هتواصل ياعمك فالافضل انك تنكر كل شي حتي الى هم عارفنوا ماتديهم اييييييي معلومة لانه الكلام بجر وبتندردق
5 اذا متوقع اعتقالك مارق مظاهرة مثلا امرق بدون جوال ولو اعتقلت وجوالك معاك إياك إياك تفتحو ليهم دا اهم شي عندهم فيسك واتسابك ولو جيتنا طالع وجوالك معاك انت انكسرت بنسبة كبيرة ياشفيف
6 ماتتهجس من التعذيب وتخاف حنك الزرديه وقليع الأضافر دا كان زمان هسه بتدق دق العيش وبشتغلو فيك شغل نفسي اتذكر قضيتك المؤمن بيها شعبك ربك والناس البتناضل عشانهم ماهتحس بتعذيبهم
انت بين ألفين اعتقال واستشهاد لو مامستعد للحاجة دي خليك بعيد
انت بين ألفين اعتقال واستشهاد لو مامستعد للحاجة دي خليك بعيد
7 ألأساسي انو يجوك اتنين واحد قاسي والتاني أحن من امك داك بضربك عشان تتكلم ودا بطبطب عليك عشان تتكلم برضوا الأتنين أمنجية يافردة إتعامل بوعى
واعرف انك بتتعامل مع ناس مدربة ومافي اي حاجة هناك بتحصل بصورة عفوية كل شي مرتب ومنظم
واعرف انك بتتعامل مع ناس مدربة ومافي اي حاجة هناك بتحصل بصورة عفوية كل شي مرتب ومنظم
8
الأعتقال بتفاوت من زول لزول يعني لو دا اول اعتقال ليك وكنت مرتبك هتتعامل كويس عشان تطلع تقول ناس الأمن ماكعبين وجابو لي اكل وعصير ووقت الصلاة جابو لي مصلاية بتبقي حقهم بدون ماتحس
الأعتقال بتفاوت من زول لزول يعني لو دا اول اعتقال ليك وكنت مرتبك هتتعامل كويس عشان تطلع تقول ناس الأمن ماكعبين وجابو لي اكل وعصير ووقت الصلاة جابو لي مصلاية بتبقي حقهم بدون ماتحس
9 إتوقع يقولو ليك ادق معلومات عنك واسرتك واصحابك وممكن اسرارك ماتتخلع دا جهاز امن يعني دا شغله انت اشتغل شغلك
اياك تحسسهم بأنك مخلوع او مصدوم من حقائق تتقال ليك وماتفكر في اي حاجة يقولوها ليك بعد تطلع اقعد حلل براحتك
اياك تحسسهم بأنك مخلوع او مصدوم من حقائق تتقال ليك وماتفكر في اي حاجة يقولوها ليك بعد تطلع اقعد حلل براحتك
10ماتستفزهم وخليك بسيط دايما وعادي زي ماقلنا واديهم احساس انك مصدق كلامهم ومتأثر كمان ولو كنت شفت ومقطعها استفزهم هتنضرب وهتطلع منهم بمعلومات بدل ماهم يطلعو منك بحاجة
11 اطلب دعم قانوني ودواء لو كنت مريض واي شي يخطر في بالك هم ماهيعملو ليك حاجة لكن جهجهم ووريهم انك عارف حقوقك
12 ماتستهين بالزول القدامك هو مدرب لأنه يطلع منك بأي معلومة فأنتقي كلامك وخليك حريص ع انو مايعرف منك شي مهما كان بسيط واعمل على انك تأثر في البتحرى معاك وفي افراد الحراسة لو لقيت فيهم نفس إشتغل على توعيتهم وانك تحرك البني ادم المات جواهم
13. القاعدة الثابتة انو اي امنجي كعب فما يلعب واحد فيهم بعواطفك يحسسك انو مجبر ودا اكل عيش او انو وطني مجرد عسكري ماكوز دي ماشغلتك اسمع واعمل رايح حتي لو حسيتهم صادقين ماتوحى ليهم بشئ
14 لو ضعفت او انكسرتا لسبب او لأخر ماتنسي انو في ناس بره بتثق فيك ماتضرهم بقدر الإمكان وخلى الضرر محدود التحمل بتفاوت من شخص لأخر
عادي ممكن تضعف بس ماتضعفنا معاك وفي الحاله دي اديهم حاجات ماذات قيمة او حاجات هم عارفنها
ماتكسرنا معاك بقدر الإمكان
عادي ممكن تضعف بس ماتضعفنا معاك وفي الحاله دي اديهم حاجات ماذات قيمة او حاجات هم عارفنها
ماتكسرنا معاك بقدر الإمكان
15 لو اتحبست انفرادي اشغل روحك بأي شي راجع حياتك ورتب امورك الماكنت لاقي فرصة تفكر فيها وارسم مستقبلك هتطلع بي فوائد كتيرة وزي ماقلنا ننسي فكرة ياربي هيطلعوني متين دي اكتر حاجه ممكن تشوش تفكيرك
16 اذا اتحبست مع جماعة ساهم في انك تثبتهم واتونس ونسة عامة ماتخوض في تفاصيل تنظيمة او امنية لو كنت معتقل مع ابوك زاتو خلى كلامك في حدود العام العادي واياك تقعد تفضفض وتشتكي
17 لو جابو ليك ورقة انك تتعهد ماتطلع مظاهرة ولا وقفة احتجاجية ولا انك تتعهد ماتشارك في العمل العام وقع ساي دا حبر ع ورق وكلام فارق وامرق واصل عادي
18 الثابت انك هتتحول بين الترغيب والتهديد ضرب تحانيس ضرب تحانيس وهيعرضو ليك انك تشتغل معاهم رد ردود عاديه وزي ماقلنا انت زول بسيط لو قادر تكون شفاتي كون بس ماتتقرصن عليهم ساي
19الإعتقال مارجوله بالعكس بتعطل روحك والاخرين والكادر الشاطر هو البكون شغااااال ماواقف وفي نفس الوقت مابعرض روحه للإعتقال بقدر الإمكان
20 لما تمرق ماتفرح بالبطولة الهيرسموها الناس ليك انت مجرد زول بحاول يقوم بواجبه تجاه بلده وشعبه لا اكتر لا اقل ماك جيفارا ولا هتكون ماتحب التلميع عشان مايسرقك منك ومننا
نظل جميعا متواضعين قدام امهاتنا وابهاتنا الى بناضلوا من سنين منهم من حلقت روحه للرحمن ومنهم من ينتظر
نظل جميعا متواضعين قدام امهاتنا وابهاتنا الى بناضلوا من سنين منهم من حلقت روحه للرحمن ومنهم من ينتظر
21 طول ما انت بعيد من الإعتقال تأكد انك هتعطي اكتر مني ومنهم ومن اي زول لانك بعيد من عيونهم وماعندك ملف عندهم ودا بديك امتياز ومرونه في شغلك النضالي
22 ماننسي انو الإعتقال بختلف من زول لزول القصص السمعتها انساها انت جوه هيتعاملو معاك وفقا للمعطيات العندهم عنك فركز في ثبانك فقط واطلع من جوه بأي معلومة مهما كانت بسيطة
23 ماتحبط من اي شي يتقال ليك مثلا يوروك اجتماعك الاخير كان وين وقلتو شنو الخ الناس ديل بدوهم مرتبات يابابا فاهم يعني دا شغلهم مافي حاجة واو في الموضوع
24 ختاما تلفونك ماتدي ليهم تااااني نكرر خلي يفرمتو كل حاجة هتتمسح لما تطلع غير شريحتك والله يعوضك بتلفون احلى
إيمانك بربك بشعبك بقضيتك زادك وسندك كل ماتتعصر اتذكر دا وإنك بتأدي في واجب مقدس وصبرك لو طال ماباقي كتير يابلادي
إنتهي .
إيمانك بربك بشعبك بقضيتك زادك وسندك كل ماتتعصر اتذكر دا وإنك بتأدي في واجب مقدس وصبرك لو طال ماباقي كتير يابلادي
إنتهي .
جاري تحميل الاقتراحات...