جماعة تعرفوا ان الأخطبوط ساعات بيدي السمك بالبوكس كده من غير أسباب؟ لسة قارية المعلومة من شوية ومش عارفة أبطل ضحك بجد واتخيل اخطبوط غاضب ماشي يضرب في الأسماك
طببب تعرفوا ان الفيران بتتزغزغ؟ 🥺
طب تعرفوا كمان ان الوايلد دولفينز بيندهوا بعض بأسامي؟ يعني وارد يبقى في دولفين اسمه مدحت بس بلغة الدلافين
والأفيال عندهم صوت كده مميز بيعملوه لما يشوفوا إنسان، بما معناه: انسان تاني يا دين أمي عالقرف اللي انا فيه
طب بجد بجد تعرفوا ان الدولفينز بيصطبحوا بالسمكة اللي بتتنفخ دي؟ بيقعدوا يرازوا فيها لحد ما تنفخ نفسها وتسيّب عليهم السم بتاعها ده وبيباصوها لبعض كمان
عارفين برضو ان البيبي فيل بيمص الزلومة بتاعته زي ما بيبي الإنسان بيمص صباعه؟ 🥺
خلاص والله آخر واحدة آخر واحدة: البقر لما يكون في مجموعات كل بقرة بيبقى ليها بيست فريند وبيتوتروا أوي لو بعدوا عن بعض وبيأثر كمان في كمية اللبن يخلاسي والله
جاري تحميل الاقتراحات...