هتكلم عن تجربة شخصية
قعدت 3 سنين بفكر جدياً في خلع الحجاب بس بطبعي مش باخد قرارات بسهولة أبداً ولازم افكر واحسبها من كل الجهات، كنت عارفة إن خلعه وزر وأنا أصلاً مش ناقصة اوزار بس كنت فعلاً مش مرتاحة وعاوزة أخلعه وباقول الخطوة دي هتيجي بوقتها أنا مش هستعجلها، بس لاحظت شئ غريب
قعدت 3 سنين بفكر جدياً في خلع الحجاب بس بطبعي مش باخد قرارات بسهولة أبداً ولازم افكر واحسبها من كل الجهات، كنت عارفة إن خلعه وزر وأنا أصلاً مش ناقصة اوزار بس كنت فعلاً مش مرتاحة وعاوزة أخلعه وباقول الخطوة دي هتيجي بوقتها أنا مش هستعجلها، بس لاحظت شئ غريب
إن لما الجرس بيضرب بلاقي نفسي تلقائي بلبس الإسدال بدون تفكير، قعدت مع نفسي وقلت انتي فعلاً عاوزة تخلعيه؟ هل دا هيريحك نفسياً؟ هل دا هيغير حظك؟ لاقيت كتير حواليا محجبات وغير محجبات عندهم نفس المشاكل والحزن وإن خلع الحجاب مش هيحسن حظي ولا حاجة بس عن نفسي هبقا حاسة اني مش مرتاحة
وخايفة ربنا يكون زعلان مني، قعدت في الصراع دا 3 سنين بجاهد نفسي لحد ما وصلت لنقطة إني مش عارفة أنا عاوزة إيه، برمي أحلامي على خلع الحجاب إني هبقا أسعد لكن ايش عرفني اني هكون أسعد؟ ومن ترك شيئا لله عوضه الله خيراً منه، يمكن لو جاهدت نفسي ارجع اتقبل الحجاب واثبت عليه
ووصلت أخيراً إني لحد الآن (الله أعلم ببكرا) إني مش هرتاح من غيره، اني اتعودت عليه 19 سنة رغم إنه في الأول مكانش حجاب اوي يعني بس حسيت (عن نفسي) إنه حاميني مش عارفة ازاي يمكن بسبب التعود لكن فالآخر ربنا وصلني إني مقتنعة بيه قناعة كاملة ومش بس حجاب الشعر
لكن بقيت أميل اكتر واكتر للستر في لبسي وأحس إنه غالي اوي مش أي حد يستاهل إنه يشوفه أو يعرف تفاصيله، التعود عالستر بيزود الإحساس دا بالوقت وبيخلي دا العادي و دا الطبيعي
بالنسبة للغير محجبات فأنا فعلاً شفت منهم أخلاق و احترام و دين واتعلمت منهم كتير
بالنسبة للغير محجبات فأنا فعلاً شفت منهم أخلاق و احترام و دين واتعلمت منهم كتير
فكوني محجبة لا يعني اني أفضل منهم بأي شكل هما اتعلمت منهم حاجات فالدين كنت جاهلة بيها، فعمري ما احكم على واحدة من حجابها من عدمه، العقيدة مش بس مظاهر لو تعلمون
فالآخر باقول للي عاوزة تخلع الحجاب اعطي نفسك فرصة خدي و ادي مع نفسك واصبري على الطاعة فالصبر على الطاعة طاعة
فالآخر باقول للي عاوزة تخلع الحجاب اعطي نفسك فرصة خدي و ادي مع نفسك واصبري على الطاعة فالصبر على الطاعة طاعة
يمكن تكون فترة انتي حاسة انك مش عارفة انتي عاوزة إيه أو مش لاقية نفسك، اصبري و ادعي ربنا يلهمك سواء السبيل واللي فيه خير ليكي دنيا وآخرة وربنا يعملنا كل خير ويراضينا بيه
جاري تحميل الاقتراحات...