رتبها

#ليلة_المعازيم 1 ✨
'
التغريدات هذي عبارة عن توثيق شخصي لليلة من أحلى ليالي العمر المعدودة ، اللي ما عكر صفوها شي 💙
و زي ما الكل عاصر الوضع من بدايته إلى نهايته ، أشارككم تجربتي الشخصية😂
*مو مهم تقرا ومو مهم تعدي*
حبيت أشارك أصدقاء تويتر اللي شالو هم الحفلة معي وهم مالهم دخل💙

يوم نزول التذاكر كنت جالس بالمكتب وداخل من جهاز كمبيوتر مكتبي ولاب توب وجوالين ، عشان أصيد لي ما يتيسّر من التذاكر ، لكن ما قدر أشوفها أصلاً 🤣

وصار الوضع كذا بالضبط وأخذت وضعية المتابع بصمت 😅😅

وأشوف الناس تشتكي بتويتر وأنا واحد منهم ، وبديت أفكر إيش أسوي وكيف وليه ولماذا ؟ 🤔💭
وآخذ لك وضعية السنترال وأنشر وأتواصل مع نخبة الأصدقاء ( رجال المهمات الصعبة ورفقاء الطريق الوعر 💙 ) الله يمسيهم بالخير كلٍ باسمه
تواصلي كان بعنوان ( أبي تذاكر المعازيم )

تفاعل الكل معي وبدأنا جميعاً رحلة البحث عن تذاكر وسوينا زي ما تقولون شبكة بحث وتحري وترصّد ، طبعاً كل واحد منهم عطيته وعد أقابله لا جيت الرياض ، لأنهم اخوان وبمحل النفس من غير حفلة ومعازيم ؛ لكن حالت الظروف بعد ذلك ومثلهم يَعذر مثلي 🙏🏻💙

وبدت الطقطقة تجيني من حيث لا أحتسب 😅

لين اتصل فيني أبو الوليد ( الذيب ) ؛ لي معه قصص ومواقف كثيرة من النوع اللي تتذكرها وتجلس تضحك وتدق عليه تعيد الموقف للمرة المليون 😂
وعطاني بارق أمل يشاع في ليلي ضوى 😍✨🎵
قالي أنت كم تذكرة تبي ؟ قلت ثنتين ، قال هيا لا تتشرط وتقول أبي فئة معينة ، بشوف لك وأرد عليك

أعرف إن الذيب ما يهرول عبث وله في كل خرابة عفريت وحبايبه كثير واللي يحبونه أكثر ، ودايماً حلوله من خارج الصندوق 😅
وثاني يوم صحيت لقيت رسالة منه

التذاكر اللي أرسلها لي يحذرون منها إنها مزورة ووريتها واحد يعرف قالي مزورة ، بس مع احترامي للجميع أنا عارف خويي إذا قالي كلمة فهو يعرف وش يقول ، فقلت خلاص تم وجلست أحسب الساعات والدقايق + البحث عن تذاكر غير هذي عشان هذي فيها طق عصي ( من سبق لبق ) لكن هي الأمل الوحيد 🥺

وأكلم مديري وأضبط لي يومين إجازة قلت أشبكها مع الويكند مبطي عن الرياض وأهلها 🥺💙

أصدقاء المعازيم فعلاً كانو متابعين معي الأحداث أول بأول 💙🙏🏻

وبعد نومة حلوة بوجهي على الرياض يوم الجمعة الصباح ، يوم الحفلة الموعود ، لكنه كان في عين محمد عبده اليسار وشفت عجاج السنينِ 😅
ولاجل عيون أبو نورة نطيت أنا الداب وأنيابه مشاويك والله وقاني من أسباب المنية 💙👏

وصلت للعاصمة العظمى ، وكالعادة كل مرة أجي الرياض أشوف فيه شي جديد يصير ويتطور عاصمة عظيمة لوطن عظيم ، لا ريب وحكامها آل سعود وشعبها السعوديين 🇸🇦

طبعا نومة عشان تريح للمسا وتقوم ترتب أمورك لحضور الحفلة ، وأكلم خويي اللي بيحضر معي الحفلة وأرتب معاه الخطة متى بنروح ولو التذاكر سبقونا عليها الناس وش بنسوي وأزعجت أبوالوليد كل شوي أكلمه ويقولي روح ولو مادخلت كلمني وماعليك ( طبعاً ثقتي فيه عمياء هالآدمي 💙 )

صحيت من النوم على هذا الخبر 😳
لكن قلت خيرة والأمور طيبة جا ببالي على طول إن فيه ناس بتبيع تذاكرها واللي مشاركيننا بالتذكرة بيقلون ومن هالكلام 😂

وبكل بساطة قلبناها عشا فاخر أنا وخويي رفيق المعازيم ، كان الجو غبار وهوا ومطر لكنه ما منعنا من الطلعة وكانت المطاعم والمقاهي وكل الرياض تفوح بريحة العطور والبخور ، من اللي ماراحو حفلة المعازيم ، وصرنا نعرف بعض من نظرة 🤣🤣🤣

مقتطفات من ليلة التأجيل الأولى 😍
كنت متفائل وما همني لو تصير السبت لأن الأحد والاثنين إجازة 😁

نمت ذيك الليلة ومتفائل باليوم اللي بعده وأصحى على هالجو البديع 😍💙
مع إحساسي إن المعازيم هه وهه وعيوننا على حسابات @Turki_alalshikh @RiyadhSeason 👀

وشويات جا التأجيل الثاني لليوم اللي بعده 😂😂
أنا برضو ما فرقت معي وتفائلت زيادة قلت خلاص كذا الناس اللي من برا الرياض كلها بترجع خصوصاً العوائل اللي عندهم مدارس خلصت إجازتهم 😁

لكن وش يفكنا منهم حتى اللي كانو بيحضرون صارو يتنمرون 🤣🤣💙

تجاهلنا كل شي ورحنا نتعشا وحنا نضحك على اللي كان يصير والطقطقة اللي صارت ، وبزيادة على الناس اللي زيي ضاربين خط ومتعنين 😂😂😂😂🔪

مع كل ما حدث كنت أبحث عن تذاكر تكون لي بلحالي مابي حركة من (سبق لبق) وأغرد بتويتر قلت أبي تذاكر مو مبالغ بسعرها وجاني كم واحد نصاب ، وفيه حساب ثقة يقولك عنده أو لا ، وبنفس الوقت يحذر من المحتالين
لين راسلني رجال كفو عرض علي تذكرتين بمبلغ مناسب ، وعشان أتطمن قالي هذا

حسابي بلينكد ان وساكن بالمكان الفلاني ، شاورت رفيق المعازيم وحنا نتجول في العاصمة العظمى ؛ وكلمت راعي التذاكر وحنا بالسيارة وبعد ٥ دقايق تعرفنا على بعض وكان فيه معارف مشتركين بيننا وكل واحد قام يرحب ويهلي بالثاني ، وتمت الصفقة بنجاح حولت له المبلغ وبنفس اللحظة ارسلي التذاكر

وفوقها أهداني تذكرتين للبوليڤارد وأصر إني أقابله إذا وصلت من بكرة للحفلة ، لكن ظروفه وظروفي منعتنا وبيننا لقى قريب بإذن الله 💙🙏🏻
( الحظ الليلة كريم ،، اللي عرفني بهالرجال وصار لي هالموقف ) المعازيم ما أبطت عبث 🔥