ف مجموعه علي الفيس بوك مهتمه ب الشركات الصغيره.. سال احد الاعضاء ايه الي يعمله مع شركة اروبيه طالبين منه يوقع علي “non disclosure agreement” و فيها شرط جزائي ٥٠ الف يورو… علقت و قولتله اتاكد ان شركتك شركة مسؤليه محدوده و خلي موظف عندك يمضي عليها يكون مسؤل عن المشروع
الروم كلها انقلبت عليا ازاي انصحه " يلبس موظف عنده " و ردي اكتر رد خد ريأمش اغضبني ( تقريبا عشان معظمهم موظفين ) طيب يا جماعه الخير حد فيكم دخل ف breach of contract settlements? مع احترامي ل الكل انا اخر خناقتين طالع منهم كانو مع جهاز الاسكان الاجتماعي ف نيورك ضد شركتنا و كسبنا
طيب حد عارف فيكم كام ثغره ممكن يدخلو منها ل املاكك الشخصيه بسبب امضاءك الشخصي علي الاتفاقيه ؟ يعني هو انت بتبني الشركة عشان تعمل فلوس ل الف واحد ف عشر سنين.. تدخلها ف نزاع قضائي مع ناس متقدرش تاخد حقك معاهم ؟ يعني ببساطه الي متقدرش علي عداوته تصاحبه..
ف تاني يا جماعه لما نكون بندور علي نصيحة… بلاش ايفوريا الاخلاق الحميده تخليك تلبس ف الحيط… فهم المخاطر علي شركتك مهم عشان الشركه تخليها " عايشه" الكيان القانوني ده لازم يجيب اكتر ما بياخد هو احنا عاملينه عشان يجيب فلوس مش ياخذ منها. ادارة الشركات مش ل كل الناس…
الدنيا لما بتكبر كل خطوة بتتحاسب عليها و لو مكنتش فاهم مخاطر كويس انا كمستثمر مش هاحط معاك قرش…. فكر ب عقلك عشان البيزنس سلخانه مش قعده صحاب خايفين علي بعض.
ب المناسبه الي قالي never put your signature on anything كان ترامب ب ذات نفسه
جاري تحميل الاقتراحات...