لما بنتعلم السواقة أو ركوب العجل ليه لما بنسوق بعد كده بنسوق بسهولة بدون ما نحسب ولا نفكر؟!
الفضل كله يرجع للمخيخ cerebellum
ده المسئول عن ال motor memory
الكحوليات لما بتشربها و تسكر بتأثر على المخيخ ده و تضيع عملية التوازن و الذاكرة التلقائية دي و يبقى على الله حكايتك
الفضل كله يرجع للمخيخ cerebellum
ده المسئول عن ال motor memory
الكحوليات لما بتشربها و تسكر بتأثر على المخيخ ده و تضيع عملية التوازن و الذاكرة التلقائية دي و يبقى على الله حكايتك
لو جيت تقولي عبرلي عن شخصيتي بجزء واحد في جسمي كله و من غيره هبقى شخص تاني الناس العادية هتقول القلب ده مش صحيح، أنت عبارة عن الفص الأمامي من المخ خصوصا الجزء الأمامي من الفص الأمامي اللي اسمه prefrontal cortex
و دي حرفيا المسئولة عن شخصيتك و عملياتك العقلية و مشاعرك و تفكيرك
و دي حرفيا المسئولة عن شخصيتك و عملياتك العقلية و مشاعرك و تفكيرك
أنت الفص الأمامي يا أدمن أنت ال prefrontal cortex متخليش حد يضربك على قورتك يا صديقي... حتى في انجلترا في قرار إن لاعيبة كرة القدم ممنوعين بلعب الكرة بالرأس في التمرين أكثر من عشر مرات و الأطفال تحت 12 سنة ممنوعين من اللعب بالرأس لأن في دراسات بتقول إنها مرتبطة ب ألزهايمر
لما حد يقولك أنت مخك شمال متزعلش لأن معظمنا مخه شمال...المخ cerebrum مقسوم لنصين نص يمين ونص شمال جسمنا متمثل بشكل عكسي على النصين يعني النص اليمين بيتحكم في جسمك الشمال والنص الشمال في جسمك اليمين، فلقوا إن معظم البشر بيستخدموا إيدهم اليمين فسموا النص الشمال dominant hemisphere
النص الشمال كمان مسئول عن الكلام فيه منطقة اسمها broca's area و دي موجودة في الفص الأمامي للنص الشمال من مخك في الناس اللي بيكتبوا بإيدهم اليمين و كمان النص الشمال مسئول أكتر عن المنطق، أما النص اليمين في الناس اللي بيكتبوا باليمين بردو ده مسئول أكتر عن الإبداع
العكس بقى في الناس اللي بتكتب بإيديها الشمال الفص السائد عندها العكس و هو اليمين فاللي حقهم ميتقالهومش أنت مخك شمال هم اللي بيكتبوا بالشمال لأن الفص السائد إصطلاحًا هو اليمين و في الحقيقة مفيش فص سائد على التاني و الا فنتبط شوية 😃👌
فنتفق إن مفيش طرف سائد على التاني يعني و الاتنين شغالين مع بعض ولازم كل طرف يعرف التاني بيعمل أيه وإلا تبقى زريبة وتبقى أبله مش فاهم حاجة ولا أيه بيحصل و دي وظيفة حزمة من الألياف العصبية اللي موصلة النصين ببعض وبتنقل المعلومات بينهم اللي بتسمى corpus callosum
شكرا كورباس كالوظام
شكرا كورباس كالوظام
المخ النصين ده واللي متوصلين ببعض وجسمك متمثل بالعكس في كل نص، اليمين في الشمال و العكس صحيح، مخك ده زي اليوستفاندياية كل نص متقسم كذا فص، لقوا الفاصل بين كل فص و التاني groove منخفض كده واضح و كبير أو أكتر فقسموه بناء عليه و كل فص متقسم لمناطق محدده معروفة وكل منطقة ليها وظيفة
في منطقة للحركة في الفص الأمامي و منطقة للإحساس في الفص الجانبي جسمنا متمثل عليهم مقلوب يعني رجلك فوق و راسك تحت و مناطق للرؤية في الخلفي و السمع و الشم في فص temporal... مش دي العظمة العظمة إن في مناطق الربط و التنظيم و التخطيط و الفهم اللي بتميز ذكاء إنسان عن التاني ودي العظمة
شوف العظمة دي بقى كده هتحس بحاجة قرصت إيدك مثلًا مستقبلات الألم في بشرتك هتحسها هتبعت إشارات عصبية حسية تجري على العمود الفقري و الحبل الشوكي تطلع جري على المخ في وقت لا يذكر هتوصل منطقة تمثيل نقطة إحساسها المعروفة في منطقة الإحساس الأولية في المخ هل أنت فهمت حاجة كده لأ خالص
هي وصلت لل somatosensorycortex منطقة إحساسها و عرفت مكانها بس أنت مخك لسه مش فاهم فتروح للمعلمة بتاعتها تشرحلها هي أيه و هي somatosensory association area دي اللي قلنا فوق واحدة من المناطق اللي هتقولك ده ألم و هل متخزن عندها ذاكرة قبل كده لنفس نوع الألم ده ولا لأ يتبع
ال somatosensory association area اللي هتقولك لاااا القرصة بنت الوسخة دي عارفاها دي قرصة ناموسة و متخزنة عندي فهنا مخك عرف أيه اللي حصل تسكت كده أنت عِلق يعني لأ تروح للمعلمة التانية المسئولة عن التخطيط و الفهم بس للحركة عايزين ناخد بطارنا هنعمل أيه و هي frontal association area
ال frontal association area دي بقى المنطقة المعلمة الكبيرة اللي هتدي أوامر أهيه، دي بقى اللي بيوصلها كل حاجة وتحسب خططها و تقرر هنضرب الناموسة ولا لأ هل ينفع هنهرش بس كفاية، وبعد ما تقرر تروح لمنطقة الحركة تدي لجزء الإيد أمر ينفذ هوبا الأعثاب الحركية تتحرك للعضلات و تقتل الناموسة
هو في عظمة حقيقية بتحصل فوق و أنت قاعد في مياة البطيخ تحت مش حاسس فيها و اللي قلته فوق ده شكل مبسط للعظمة دي خدتك في رحلة طويلة كده بتحصل في أقل من جزء من ثانية هي أكثر تعقيدًا بس ربما نكمل الرحلة سوا في باقي الثريد و نفهم التعقيد أكتر للعظمة دي اللي لازم تقف حالا تصقف ليها
جاري تحميل الاقتراحات...