مين قال إن الفقر آفه
م اجمل اللحظات اللي ممكن تعيشها لما تكون ف البيوت البسيطه بشرط يكون عندهم رضي نفسي
هتشوف بيت مهندم بأقل التكاليف ريحته نضافه
هتلاقي ست بيت محترمه كل اهتمامها ف الحياه إسعاد أسرتها مفهوم الرفاهيات عندها بسيط أنها تسعد اولادها وجوزها بأقل شيئ
بأكله حلوه

ببيت نضيف بأولاد سمعتهم حلوه
هتشوف راجل كل اهتمامه بيته وأولاده ومراته
بيشتغل علشان يروح يقعد وسطهم
يفرحوا بفيلم حلو يتجمعوا ع أكله حلوه ويكونوا ف غاية السعاده والرضا
هتشوفوا اولاد متربيه صح لانهم ف بيت كل اهتمامه هو أنهم يطلعوا عيال جدعه ويتباهوا بيهم
بيفرحوا بكيس شيبسي

وشويه بسكوت أو صنية كيك امهم عملاها
بيقدروا ابوهم وأمهم وبيحترموا دورهم
عايشين بعيد عن رفاهيات خربت بيوت كتير
وشتت أدوارهم الاساسيه ف الحياه

كل ما زادت الرفاهيات كل ما دخلت حالة عدم الرضا النفوس تزيد السعاده للحظات ثم تلهث لسعادةاخري برفاهيه اكبر
وتغيب الأدوار الاساسيه للبني آدم
م عباده لتكوين اسره لاهتمام بها ويدخل التفكير الدائم والتشتت مكان الاستقرار النفسي
وتلاقي نفسك ف دوامه مش هتفوق منها
ولا تعرف تحس بسعاده