تابعت قليلاً موضوع امس حق البنات والفرقة الكورية وانا هنا لي وقفة

شفتم كيف من ولاشي فجأة صارت قضية وحسابات وتحريض؟ هذا بالضبط ماكنت احذر منه واعيد وازيد عليه .. حسابات كثيرة تدعي انها سعودية وهي وراها اجهزة مخابرات وتنظيم وخطط عشان هذه اللحظات

يوم مباراة مدريد وبرشلونه فيه حساب لهم اسمه برشلونة بالعربي غرد فجأة عن انقطاع الكهرباء في الملعب بعدين حذفها .. هذا اسلوبهم ترا يمررلك معلومة بين ٥٠ خبر صحيح .. واصلا مو مهم يمسحها لأن الخبر اخذ صداه خلاص

هم لهم حسابات كهوامير كورة متعصبين وحسابات للكيبوب وحسابات للاخبار .. هدفهم تجميع اكبر عدد من المتابعين واضفاء مصداقية للحساب حتى الناس خلاص تصدق اي معلومة منهم وينتظرون حتى اللحظة المناسبة زي امس وعندها يجي دور تمرير معلومات مضللة كثيرة بهدف التحريض وتشويه السمعة

يخلونك في موقع دفاع وتبرير عن كل كذبة يطلقونها .. هذا اسلوب اعلامي معروف لكن الشباب والبنات امس وضحوا الكذب بسرعة ولكن الاحداث الجاية كثير وهم لن يتوقفوا