لغاية ما يبقى في مجتمع سياسي محترم وعنده شجاعة أنه يتجاوز عقده النفسية ويقعدوا الأحزاب عشان يتفقوا على الحد الأدني المفروض تدار بيه العملية السياسية ويطلعوا بمبادرة وطنية للخروج من الأزمة، فأنا مقتنع تماما أنه مقاومة الشارع دي هي العقبة الوحيدة قدام الاستبداد بتاع العساكر..ثريد
البحصل دا ! والله لو ما المقاومة بتاعت الشارع دي، الشرطة والأمن ديل كانوا حكموا البلد دي زي كأننا مخلوقين لخدمتهم، ولو رديت ليك على ضابط ساي في الشارع كان مصيرك تتسجن ولا تتقتل زاته!
أنا زيه زي كل السودانيين متضرر من موضوع القفلة المستمرة بتاعت الكباري وتعطل الحياة،
أنا زيه زي كل السودانيين متضرر من موضوع القفلة المستمرة بتاعت الكباري وتعطل الحياة،
لكن حقو بس نتذكر أنه البعملوا فيه الشباب ديل هو البحفظ والبحمي ما تبقى من قيمة للدم السوداني وهو الذي أفشل مخططات الانقلابيين في أنه يستقر ليهم الأمر وتستقر ليهم السلطة، دي حقيقة مركزية. أي كلام تاني عن ضرورة تنظيم والقيادة للحراك دا مهم برضو، لكن ما حقو يتجاوز الحقيقة دي.
هسع نحن مما حصل انقلاب البرهان دا كلمنا شهرين ونص، المجتمع السياسي والأحزاب السودانية دي عملت شنو؟ وينها حلولها ومبادراتها الحقيقية القدمتها للأزمة دي غير بوستات وبيانات الفيسبوك والمزيد من النرجسية والفشل؟ وينها عليكم الله، ياها المبادرة الطلعتها الأمم المتحدة عشان تلمهم!!
أنا مقتنع تماماً أنه مافي انتقال سياسي ممكن ينجح من دون قيادة ورؤية سياسية، وأنه أي محاولة لتقليل من شأن الأحزاب أو القيادة السياسية مصيره الفشل أمام مؤسسة عسكرية منتظمة ومتحدة في جبهة واحدة، لكن بالضرورة مافي أي انتقال بتتوفر ليه فرصة النجاح من الأساس من غير وجود مقاومة للقوى
والمحاولات الانقلابية، البحصل في الشارع دا هو الشرط الضروري والسابق لفاعلية وتأثير القيادة السياسية ودور الأحزاب، وهو متوفر! الباقي الدور على المجتمع السياسي والأحزاب دي تشوف شغلها!
والله الزول ما عارف زاته يتعامل كيف مع البلد البتستنزف فينا نفسياً كل يوم دي كيف! الله يصلح الحال ويحقن الدماء ويلهمنا جميعاً الرشد ويحفظ البلد من محدودي القدرات والتافهين الماسكين السلطة ديل!
والله أعلم وأحكم!
والله أعلم وأحكم!
جاري تحميل الاقتراحات...