السلام عليكم اليوم بعطيكم ثريد عن تجربتي مع السرطان وزراعة الخلايا الجذعية.
#السرطان
#زراعة_الخلايا_الجذعية .
#السرطان
#زراعة_الخلايا_الجذعية .
١: معكم "علي" اصبت بسرطان الغدد المفاوية هودجكن لمفوما البداية برقبتي جهة اليسار ثم انتشر جهة اليمين وتحت الابط وطحال والصدر موزعه بشكل خفيف
٢: جاني المرض ب عمر ١٧ وتشخصت نهايه ٢٠١٧ شهر ١٢وبديت العلاج ٢٠١٨ شهر ثلاثه وتحدد لي خطه علاجيه امشي عليها وكانت عباره عن جلسات كيماوي واشعاعي اخذت الي كان محدد لي ١٢ جلسه كيماوي بين كل جلسه اسبوعين بعد م اخذت ٩ جلسه سويت اشعة طلعت الاستجابه طيبه الحمدالله
٣: كان متبقي ٣ جلسات من الخطة العلاجيه والمتوقع الذي تبقى من المرض ينتهي مع ٣ جرعات الاخيره خلصت ٣ جلسات ولازم قبل ان أنتقل للاشعاعي أعمل اشعة ليتاكدون لكن قدر الله وحدثت انتكاسه وانا ضمن الخطة العلاجيه وتعتبر حاله نادرة عند الاطباء
٤: لكن الحمدالله ما استسلمت وكانت معنوياتي عالية جداً تم تحديد زراعة ذاتيه لي كخطوة علاجيه بديله في نهايه ٢٠١٨ وأخذنا الاجراءات اخذت كيماوي مكثف وسويت السحب وتنومت وزرعت ذاتيه في ٢٠١٩ شهر واحد بس للأسف م كملت شهرين بعد الزراعه الذاتيه وانتكست مرة اخرى وكذالك كانت حاله نادره
٥: المعنويات استمرت عالية الحمدالله بعدها قرر الاطباء اعطائي اشعاعي لمعرفه النتائج علي اخذت الاشعاعي حوالي ٣٠ جلسة وتم عمل اشعة بعد ما خلصت الاشعاعي وكانت نتائج الأشعة اختفاء المرض من الاماكن السابقة وانتقل الى البطن أجريت خزعة لمعرفة نوعية المرض واتضح انه نفس السابق
٦: ومن بعد التأكد كان قرار الاطباء على زراعة من متبرع وهي الخطة العلاجيه التاليه لكن بسبب انتشار فايروس كورونا توقفت الزراعة في المستشفى العسكري ٥-٦ شهور تاخرت تقريبًا الى ان فتحت الزراعة بالمستشفى من جديد بعد عودة الأوضاع الطبيعية شوي وامكانية الزراعه
٧: بعدها فتحت الزراعه سوو اهلي تحليل التطابق طلع مطابق لي وحده من أخواتي والحمدالله تبرعت لي أختي بدون اي مشاكل ولا أضرار لها وزرعت الحمدالله من متبرع نهايه ٢٠٢٠ شهر ١١ بدون أي مشاكل أشياء بسيطه لا تذكر والحمدلله
٨: من بعدها مراجعات بس م بعد الزراعه لكن الحمدالله انتهيت من الكيماوي الحين لي سنه وعليها متشافي الحمدالله بس مراجعات وبدون مشاكل وعايش حياتي طبيعي مراجعات بس
جاري تحميل الاقتراحات...