(١)طيب أنا حلمت خير اللهم اجعله خير إني بتمشى في شارع من شوارع فاقوس أنجلوس مع صاحبي سيد معوض 😂 ومعديين على بيت دورين بنبص لقينا على سطح البيت ده وائل جمعة @WaelGomaa وتريكة @trikaofficial بيبصوا ع الشارع 😅
أنا اتهبلت من الفرحة وفضلت اشاور لتريكة وانادي عليه بهيستيريا و..

(٢)بتنطط وبقول له أنا فرحان اني شفتك وهو مبتسم وبيشاور لنا وبعدين دخلوا هو ، وانا وصاحبي سيد معوض 😂 مشينا وبعدنا..
وهوب نلاقي صوت ورانا من بعيد بيقول استنى استنى
أبص ألاقي تريكة جاي يجري ومبتسم وبيشاورلنا 😮
جرينا عليه وطبعا سيد معوض صاحبي سبقني بكتير ونط بغباوة يحضن تريكة و..

(٣) ووقعوا هما الاتنين ع الأرض وانا وصلت لهم وشلت سيد معوض صاحبي 😂 من فوق تريكة من البنطلون والتيشرت وحدفته على آخر إيدي بعيد 😂
وقوّمت تريكة أنفض له هدومه ومسكته من كتافه وعمال أتنطط وفرحان وهو بيضحك وبيتنطط معايا وحضني وبعدين قلت له نتصور بقى قال يا سلام بس كده؟ و..

(٤) واتصورنا أكتر من ٢٠ صورة.. 😎
اللقطة بقى إني صحيت زي الاهبل مسكت الموبايل أدوّر ع الصور وزعلت اني مالقتهاش 🤣🤣🤣