مساء الخير ،،بما إني اليوم درت الغدى مبطن خلوني نعطيكم طريقته هذا مش أشهى الأكلات الليبية و سيد السفرة الرمضانية ❤😍 و زي ماتعرفوا كلنا كلنا نحبوا البطاطا المقلية و اللحم المفرووم
نعطيكم مقدار لنص كيلوا لحم مفروم يدير من 25 إلى 30قطعة
ناخد نص كليو مفروم نحط عليهم بصلة مفرومة متوسطة الحجم و حزمة معدنوس "بقدونس" بيضتين و ملعقة و نص طماطم معجون نص ملعقة فلفل أحمر حار و نص ملعقة كركم و نص ملعقة قرفة و ملح و خبزة مرحية "بقسماط" نخلطهم مع بعض
ناخد نص كليو مفروم نحط عليهم بصلة مفرومة متوسطة الحجم و حزمة معدنوس "بقدونس" بيضتين و ملعقة و نص طماطم معجون نص ملعقة فلفل أحمر حار و نص ملعقة كركم و نص ملعقة قرفة و ملح و خبزة مرحية "بقسماط" نخلطهم مع بعض
و لو حسيت الحشوة فيها مية شوية نزيد بقسماط شوية ،، ناخد 4حبات بطاطا كبيرة و تكون متع القلي لو فضل حشو نزيد بطاطا و نقطعها شرايح سميكة شوية و كل شريحة نقطعها على إتنين بس نخلي نهايتها لاصقة في بعضعها يعني نخليها زي فم السمكة زي ما في الصورة و يكونوا الشريحتين فيهم سُمك شوية
ناخد شرايح البطاطا و نحشيهم بالحشوة و نساوي الحواف كويس و بعد نكمل نحط المقلاية على النار و نحط فيها هلبا زيت و ناخد صحن فيه دقيق و تاني فيه بيض و ناخد المبطنة نغمسها من الجيهات لي يبان منها اللحم بس في الدقيق و بعدين في البيض و نحطها في الزيت السخن
بعد شوية نقلب البطاطا ولو خشت فيها الشوكة معناها إستوت و ندير الحهة التانية لين تتضج في إحتمال إن الزيت يطلع زي الرغوة هذه عادي معناها اللحم فيه دهن ،، بعدين في طريقتين يا إما في الطنجرة على الغاز أو في الفرن حنكتب الطريقتين 💪
لو بتحطوا في الفرن
لو بتحطوا في الفرن
نجيبوا طاجين و أي مبطنة تنضج من المقلاة نحطوها فيه و بعد مانكملوه ناخد صحن فيه سمن و قرفة و ندهن قطع المبطن و نحطها في الفرن لين يجف
الطريقة التانية ناخد طنجرة نحط من تحت بطاطة عادية باش المبطن مايلصقش و بعدين نحط المبطن بعد القلي
الطريقة التانية ناخد طنجرة نحط من تحت بطاطة عادية باش المبطن مايلصقش و بعدين نحط المبطن بعد القلي
و ناخد صحن ندير فيه صالصة عبارة عن ملعقة و نص معجون طماطم نص ملعقة كركم و فلفل أحمر ملح و قرفة و شوية زيت و مية ممكن كوبين و نصبها في الطنجرة على المبطن و نحطها على النار على الغاز من 10دقائق لربع ساعة لين تجف الصالصة و عن نفسي نحب متع الطنجرة أكثر لأن يجي رطب و لذيذ و صحتين ❤
جاري تحميل الاقتراحات...