فض الاعتصام في وقفة العيد آخر رمضان 2019 وكل الحصل بعدها من إذلال للناس وتقتيل.. ولحدي انقلاب 25 أكتوبر 2021 هدفها واحد هو هزيمة إرادة الناس. جوهر البحصل دا صراع مصالح ناشف. مشهد اليوم ثبّت حقيقة تواجد رغبة شعبية جارفة بمعادلة سلطة ما يكون للعسكر اليد الطُولى فيها.
+
+
فأخير للشايلين سلاح ما يخسروا كل حاجة ويفهموا حقيقة دي بلد غير قابلة للحكم بنموذج دولة الاسلاميين ونظام البشير. ومافي حل غير امتيازاتهم دي يتم التفاوض حولها بغير تأجيل.
+
+
للأسف الشديد مافي برنامج تفصيلي واضح للتعامل مع المؤسسة العسكرية والمليشيات التناسلت وأخطرها حميدتي والبقى لأول مرة في تاريخ السودان الحديث شخص بعينو جامع المال والقوة العسكرية والسياسة، في نموذج خطر جداً، مع طموح جزء منو جا من شوفة البشير مدوّر الأمور والنفس حدّاثة: ليه ما أنا
+
+
غياب الرؤية دي تتحملها بشكل أساسي قوى الحرية والتغيير والقدمت نفسها لقيادة الناس، وسدت الأفق تماماً لمشاركتها ولو بالرأي، وتكالبت على المناصب والخلط بين جهاز الدولة وبين الحكومة، بل بعضها كان ماشي في خط سلطوي خطر جداً.
+
+
البلد ماشه على هاوية بدون فرامل. حمدوك عليهو واجب يقدم إقرار بخطأ توقيعو على الاتفاق السياسي دون شورة الناس. والناس تقعد واطة لاتفاق على خارطة واضحة قابلة للتطبيق. بعد أقلاهو شوت البرهان.
+
+
مع خطاب واضح للقوى الدولية مصلحتها البلد دي ما تتفرتق، ودا ما ممكن إلا استصحاب الشعب -صاحب الحق الأصيل في الأرض- وعملية استمرار تجاهلو كأنو دي أرض من غير شعب ما حيحل حاجة.. والزول بونسوهو بغرضو.
@_Muzdava والوهم هو توهم إلغاء دور اللاعبين الخارجيين والبقدرو بكم مليون دولار تتضخ يعملوا جوطة كبيرة.
+
+
@_Muzdava أما عن العدالة فما عارف وين بعتا حنحققها في يومين. ببساطة شديدة توازن القوى والجاي من الخارج والداخل هو البحرك المؤسسة العسكرية والبقى عندها مصالح كبيرة. هم مشّوا البشير ذات 11 سنة من السلطة المطلقة خليك من البرهان والكان زول ساي حتى في توازنات عساكر الكيزان.
+
+
@_Muzdava فممكن توضح لي عدم التعقّل في كلامي في ياتو نقطة؟ وعدم التعقّل دا بتغطى كيف للمصلحة العامة.
@_Muzdava وكمان نقل الصراع لحاجة ناشفة ريف ضد مدينة عملية خطرة والاتفاق دا ماشي على الخط دا. وحميدتي لما يزل يبشر بالقصة دي بصورة مواربة أو واضحة. اتفاق حمدوك رمى كل الحراك المدني وراء ضهرو.. والمقابل شنو؟
وإنتا يبدو فاكر لو خلينا حميدتي حيجي يوم يصير صالحاً بعد رمي يوسف في الجُب. ما بتجي
وإنتا يبدو فاكر لو خلينا حميدتي حيجي يوم يصير صالحاً بعد رمي يوسف في الجُب. ما بتجي
جاري تحميل الاقتراحات...