قصة قصيرة | ثريد
قبل أبدأ في وصف الموقف، أنا إنسان ورثت صفة الإنضباط في المواعيد من الوالد وتربيت على كذا وما أحب التأخير أبد. المهم، من المواقف اللي ما أنساها ما حييت لأحد المشرفين على الإختبارات النهائية-اتضح بعدين أنه رئيس قسم الدراسات الإسلامية- هو يوم راحت علي نومه وقمت قبل
قبل أبدأ في وصف الموقف، أنا إنسان ورثت صفة الإنضباط في المواعيد من الوالد وتربيت على كذا وما أحب التأخير أبد. المهم، من المواقف اللي ما أنساها ما حييت لأحد المشرفين على الإختبارات النهائية-اتضح بعدين أنه رئيس قسم الدراسات الإسلامية- هو يوم راحت علي نومه وقمت قبل
الاختبار بنص ساعة والطريق الى الكلية كان ياخذ حول ٤٥ دقيقة! قمت بسرعة ولبست أقرب ثوب -ما أنساه لونه أسود والدنيا حر- وانطلقت بسرعة أبي ألحق الاختبار. لك أن تتخيل من السرعة اللي أسرعتها ما أذكر كيف وصلت وربي ستر علي الحمدلله. وقفت في المواقف اللي تاخذ منك عشر دقائق عشان تقطعها
وقطعتها في ٣ دقائق أجري جري لا يفوتني الإختبار النهائي وتروح علي المادة (معدلي ممتاز هذيك السنة) طبعًا وصلت وتخيل الشكل المبهذل شماغ مو مكوي وثوب أسود مغبر من الجري في المواقف الترابية وجالس حرفيًا ألهث ويالله آخذ نفس وأنا أمشي بين الممرات أدور قاعة اختباري، شافني دكتور ملتحي
كان باقي على نصف وقت الاختبار دقائق بسيطة وعلى طول أخذ بيدي، نعم أخذ بيدي، وجلس يلف بي بين القاعات ويسأل المشرفين عندكم طالب متغيب اسمه ابراهيم؟ وجلسنا كذا يسأل الين وصلت قاعتي وخلاهم يجيبون لي ورقة التوقيع اني حضرت الاختبار ووقعت عليها. أستغربت تصرفه العادة أدخل وأوقع في القاعه
ولكن نيته إنه يهزئني شوي بعدما حسسني بالأمان، وبالفعل عطاني كلمتين في العظم عن الإنضباط وأننا المفروض ما ندخلك لكن هذي المره ولا تتكرر منك -وكأني أحتاج تذكير بعد الرهبة والخوف اللي جاني- وبالفعل دخلت الاختبار وبس جلست بدأ الطلاب يطلعون لأنهم خلصوا وجاء منتصف الوقت، حليت اختباري
اتصبب عرق ما أدري وش أحل وش أخلي، والحمدلله عدت على خير المادة. اللي مخليني أكتب سلسلة التغريدات هذي أني ما أتذكر هذي المادة، ولا أتذكر دكتورها، ولا أتذكر كم جبت فيها، ولكن أتذكر موقف الدكتور هذا اللي عاملني كأني ولده الله يجزاه خير، باقي أحفظ شكله وبيجي يوم أكتب لكم بإذن الله
أني لقيته ورديت له ولو جزء من الجميل اللي سواه لي. ممكن البعض يشوفه شي بسيط ترى في الآخر سمح لك تدخل القاعة بس، ولكن بالنسبة لي كان شيء عظيم أنقذني وأنقذ مستقبلي بعد مشيئة الله. الموقف هذا خلاني أتعلم أني أبذل الخير للصغير والكبير سواءً كنت أعرفه أو ما أعرفه قد ما أقدر
وبيجي اليوم اللي الشخص هذا يدعي لي في ظهر الغيب ويذكرني بالخير ويمكن يكون هذا من الأعمال اللي يحتسب كتفريج لكربة مسلم ربي يفرج عنها كربه من كرب يوم القيامة. لكل أستاذ أو دكتور خلك هيّن وليّن وإذا في يدك تساعد طالب ما تعلم وش ظروفه ساعد ترى ما تعرف أثرها قد ايش كبير في قلبه ❤️
جاري تحميل الاقتراحات...